[飲食新聞] pizza hut 先縮水‧再加價

[IamO]

芝 心 批 10 吋 變 9 吋 　 疑 變 相 加 價
Pizza Hut 薄 餅 縮 水 　 消 委 會 ： 有 責 任 公 佈



【 本 報 訊 】 「 叫 pizza 」 是 港 人 外 賣 熱 門 之 選 ， 但 原 來 必 勝 客 （ Pizza Hut ） 已 悄 悄 將 薄 餅 「 縮 水 」 ， 將 原 本 直 徑 10 吋 的 普 通 芝 心 批 減 至 9 吋 ， 大 批 也 由 13 吋 減 至 12 吋 ， 縮 水 最 多 達 兩 成 ， 有 變 相 加 價 之 嫌 。 有 食 客 以 為 買 薄 餅 換 來 「 開 心 時 刻 」 ， 結 果 全 家 「 食 唔 飽 」 。 必 勝 客 否 認 因 食 材 漲 價 而 「 將 貨 就 價 」 ； 消 費 者 委 員 會 認 為 食 品 份 量 有 變 ， 食 肆 有 責 任 公 佈 。 　 記 者 ： 翁 煜 雄 　 鄧 凱 欣 　 梁 德 倫
自 稱 「 必 勝 客 忠 實 粉 絲 」 的 陳 先 生 ， 上 月 底 於 其 西 環 分 店 以 百 多 元 購 買 超 級 至 尊 普 通 批 套 餐 ， 並 要 求 改 為 普 通 超 級 至 尊 芝 心 批 ， 打 算 與 太 太 及 兩 位 小 朋 友 大 快 朵 頤 ； 雖 然 售 價 沒 變 ， 但 他 回 家 後 發 覺 薄 餅 「 縮 水 」 ， 進 食 後 仍 感 肚 餓 。Pizza Hut 薄 餅 按 面 積 分 大 批 及 普 通 批 兩 款 ， 現 時 大 批 的 餅 面 直 徑 統 一 為 12 吋 （ 右 ） ； 普 通 批 （ 下 ） 統 一 為 9 吋 。


Pizza Hut 薄 餅 按 面 積 分 大 批 及 普 通 批 兩 款 ， 現 時 大 批 的 餅 面 直 徑 統 一 為 12 吋 （ 右 ） ； 普 通 批 （ 下 ） 統 一 為 9 吋 。


所 有 普 通 芝 心 批 的 餅 面 直 徑 已 由 10 吋 （ 虛 線 示 ） 縮 至 9 吋 。

稱 餅 面 餡 料 份 量 不 變

「 平 時 我 一 家 四 口 每 兩 個 月 就 會 叫 一 次 （ 薄 餅 ） ， 每 次 都 會 叫 個 有 細 批 餐 ， 以 前 會 係 夠 飽 。 但 兩 個 星 期 前 叫 ， 上 手 覺 得 個 薄 餅 細 成 三 分 一 ， 食 完 之 後 仲 覺 得 餓 ！ 」
陳 先 生 隨 即 致 電 該 分 店 理 論 ， 分 店 主 管 當 時 承 認 無 論 是 堂 食 或 外 賣 ， 普 通 芝 心 批 的 尺 碼 確 實 已 減 少 。 陳 先 生 質 疑 必 勝 客 做 法 有 變 相 加 價 之 嫌 ； 該 主 管 其 後 承 諾 將 陳 先 生 投 訴 記 錄 在 案 ， 待 他 下 一 次 光 顧 時 會 特 別 贈 送 蒜 茸 包 或 薄 餅 以 表 示 歉 意 。
陳 稱 ， 不 明 白 為 何 必 勝 客 會 在 無 合 理 解 釋 下 將 薄 餅 縮 小 ， 故 打 算 短 時 間 內 不 再 光 顧 ： 「 送 乜 都 冇 用 」 。
記 者 上 周 六 致 電 必 勝 客 熱 線 ， 以 消 費 者 身 份 查 詢 薄 餅 是 否 「 縮 水 」 ， 接 線 生 回 應 ， 薄 餅 按 面 積 分 大 批 及 普 通 批 兩 款 ， 其 中 普 通 芝 心 批 直 徑 本 來 約 為 10 吋 ， 普 通 非 芝 心 批 則 只 有 9 吋 ， 但 去 年 9 月 起 普 通 芝 心 批 已 縮 至 9 吋 ， 與 其 他 批 看 齊 ， 但 聲 稱 餅 面 餡 料 份 量 不 變 。
記 者 翌 日 再 到 其 將 軍 澳 新 都 城 分 店 外 賣 自 取 普 通 超 級 至 尊 芝 心 批 、 普 通 田 園 風 味 批 各 一 ， 量 度 後 發 現 前 兩 者 直 徑 確 均 為 9 吋 。 分 店 負 責 人 接 受 查 詢 時 更 透 露 ， 原 來 連 大 芝 心 批 也 由 原 來 的 13 吋 ， 縮 為 一 般 大 批 的 12 吋 。 記 者 翻 閱 必 勝 客 宣 傳 單 張 及 網 頁 ， 並 沒 提 及 薄 餅 直 徑 尺 碼 。


目 的 是 保 食 品 統 一 性

必 勝 客 發 言 人 承 認 ， 去 年 9 月 開 始 ， 將 普 通 批 的 批 底 尺 碼 劃 一 ， 目 的 是 為 了 保 持 食 品 的 統 一 性 ， 以 方 便 營 業 運 作 ， 與 近 日 的 食 材 漲 價 風 潮 並 無 關 係 ， 但 發 言 人 沒 回 應 大 批 尺 碼 是 否 也 已 劃 一 。 他 說 歡 迎 顧 客 提 供 意 見 ， 了 解 客 人 評 價 ， 並 會 檢 討 再 作 出 調 整 。
消 委 會 總 幹 事 劉 燕 卿 說 ， 不 評 論 個 別 事 件 ， 但 她 說 就 算 店 舖 宣 傳 時 並 無 提 及 食 物 如 薄 餅 的 尺 碼 ， 但 作 為 一 間 有 責 任 感 的 店 舖 ， 若 改 變 其 份 量 、 尺 碼 等 ， 也 應 通 知 消 費 者 ： 「 如 果 份 量 真 係 細 ， 人 都 要 睇 會 唔 會 食 得 飽 。 」

[小光]

哇..... 10吋減到9吋聽落好少, 但以面積來計
5吋半徑: 25pi (吋^2)
4.5吋半徑: 20.25pi (吋^2)

即係細左 19%

[大情大性武大帝]

如果百幾蚊既級數，而家食kfc抵Ｄ喎…

[白雪飄飄]

報紙標題誤導人：
唔只淨係芝心批變size，應該係全部pizza一律變size！

[W!LL]

同之前我話m記薯條盒改細有同工異曲之妙
不過你pizza hut一個批都成舊水, 咁都縮皮好過份...

[>>>>>劉伯<<<<<]

而家少食喇
以前後生O個陣都間中一個人ORDER成個餐食
細厚+飯/意+雞翼+一支汽水
當佢越來越貴我就好少再食喇

[SANG2003]

原來最先加價係PIZZA客

強烈要求改標題為
''無良PIZZA客 縮水批,十寸變九寸,無良冇公報''

[fiendray]

原本pizza hut已經係貴,味道又一般(個人覺得)
現在還要減份量,有無過份d
成本貴左就減size,又唔見你成本平左時來加大個size

[Kit]

作者: 白雪飄飄

報紙標題誤導人：
唔只淨係芝心批變size，應該係全部pizza一律變size！

原 來 連 大 芝 心 批 也 由 原 來 的 13 吋 ， 縮 為 一 般 大 批 的 12 吋
其 中 普 通 芝 心 批 直 徑 本 來 約 為 10 吋 ， 普 通 非 芝 心 批 則 只 有 9 吋

非芝心應該無改size
應該係芝心本來係大d,而家縮左1吋

[二伍]

pizza hut質素雖然一般,但都算穩定
而且百零蚊消費可以坐得舒服唔趕客唔係咁多選擇

[A.Kazuma]

唔怪得上個月叫大批外賣開party, 8個人分都好似唔係幾夠啦....

[龍之子]

東涌就黎開果間又會唔會咁呢

[基路亞]

PIZZA HUT 太難食了~ = =

抵的就PIZZA BOX~ 貴少少但好味的就CPK~

[Busconcamp]

作者: W!LL

同之前我話m記薯條盒改細有同工異曲之妙
不過你pizza hut一個批都成舊水, 咁都縮皮好過份...

[P經理]pizza細左...個紙盒可以細d...
咁咪可以環保d丫嘛~~~

[某F]

呢d應該叫欺騙消費者

[Master]

作者: 某F

呢d應該叫欺騙消費者

咁又唔算
佢本身又無承諾過個批係幾吋






不過我記得佢好似已經係加過價黎架啦喎

[９１]

作者: A HoManTin Work

如果百幾蚊既級數，而家食kfc抵Ｄ喎…

KFC??

[Busconcamp]

作者: Master

咁又唔算
佢本身又無承諾過個批係幾吋

right~

不過我記得佢好似已經係加過價黎架啦喎

當然有加過價喇...
上年d套餐都明顯加左~

[pet3]

無食好耐了

現在食都是食意粉屋的

意粉屋好味好多

[CCemi]

唔知算唔算OT…好想講一句…叫外賣的話…去PIZZA HUT不如去PIZZA BOX…
雖然PIZA BOX好似少款D~但係抵食好食好多~一個大批先70蚊左右(自取價)

[基路亞]

作者: KeaneYip

唔知算唔算OT…好想講一句…叫外賣的話…去PIZZA HUT不如去PIZZA BOX…
雖然PIZA BOX好似少款D~但係抵食好食好多~一個大批先70蚊左右(自取價)

係喎~ PIZZA BOX 真係超抵!

批係好食~ 無咁多味精~
不過小食真係差過PIZZA HUT 好多~ = =

[LonelyBlue]

PIZZA BOX 食pizza算啦, 最好hand take拎tim, 六,七十蚊個,超抵;其他野唔惦

佢d pizza 無 pizza hut咁濃味

手鬆d就食california pizza kitchen, 意粉都好味

[垣野]

俾多少少,食cpk好過.味道相差太大喇.

[CSY]

作者: 小光

哇..... 10吋減到9吋聽落好少, 但以面積來計
5吋半徑: 25pi (吋^2)
4.5吋半徑: 20.25pi (吋^2)

即係細左 19%

縮水了近 1/5
減少尺寸那縮骨招真唔講唔覺..

[syncmaster]

真係唔講唔知

重諗住今晚食下，好彩...