唔知係咪重複咗，係就唔好意思，麻煩各位指正。

今季新番之一，開咗第一話，人物好有八九十年代嗰種手繪風格，故仔暫時幾似啲皇道少年冒險故仔，無睇過漫畫版，但相當引人去追；網上話呢一話其實好普通冇乜，之後仲精彩咁話～

預告：


------

唔知有無人追緊 -- 原作係套網漫，韓國人創作；但係套畫版製作主要都係日本人，聲優都係。故仔背景係有座塔，能夠去到頂你想要乜有乜，基本上係「神」；男主角個女性朋友要離開佢「爬」座塔，目的係要睇星，男主角為咗追返個女友所以闖塔；好有 HxH 「貪婪之島」嘅味道。

第二話有多啲（啲）解說，但同時畀多啲謎出嚟，尤其主角係好可能係，好有威能但自己完全唔知乜事嗰隻；其他角式亦開始出嚟，人設認真麻麻，不過故仔幾有趣值得追落去，唔知會變得太老梗 -- 如果整啲咩好似「念」或者「氣」咁嘅系統出嚟就幾掩目。

上半就介紹另一個主角 Khun，下半就介紹另一隊，唔多合拍但好強，總括嚟講無上一話咁有趣，又係舖排之前點展開。

話話咁一支公齋 talking 好悶，無人搭咀嘅，等過多一排再舖。

谢谢啦, 这套很棒. 我三，四年前读过
Download free games and apps with the latest store - Latest apk downloads at Apkafe

連載有十年了，主角到達塔的 中層位置 了吧？
好似講左好多關於塔的事，其實好多都留白。

D畫都幾ok
故事有點Hunter味?
不過點都唔會長期休刊先

去到呢關個高潮位，講多少少部份角式嘅能力同動機，但係留低更多嘅謎，尤其有啲角式好明顯唔係路人，過咗場都唔知佢哋係乜水嚟～ 打就極精彩，留得太多白，就算一心睇打鬥嘅會有啲唔知點咁。另外，真係玩「念」之類嘅嘢～

好嘅可以咁講，作者好巧妙嘅安排令到啲角式同故仔玩落去。

睇返啲解畫片，呢部係季番得十三話，唔知會唔會中段被迫延期。其實，唔知呢一季去唔去到正式考試添～

慢返少少，可以有時間寫多啲角式背景同關係，好睇過兩場戰鬥，雖然嗰場隻揪估唔到咁完法，有啲好笑又其實好慘。

第七話尾開始嘅正式（？）升班試展開，第八話三扒兩撥完咗 A 隊，絕無冷場之餘，個扭橋非常正之餘，打得都好精彩，到第九話個 B 隊個試，估佢唔到會咁玩法，仲要放埋洋葱添，仲正過第八話～ 嗰位會唔會吐便當？

唔似某套名作唔係咁「拖」（H 字頭嗰套，咳），呢套個節奏真係好賞心悅目，一般嘅番組，咁係去到季尾咁滯㗎啦。不過啲「公主」連個弱化咗嘅 Ranker 都打唔過？！真係花樽嚟？點睇最底嗰層都係似韓式燒烤爐塊鐵板～

確認公主最強武器是美腿所有阿娜克不夠打是正常的


話說原來蕾哈爾扮相殘仲要推男豬落坑 why???

第一季13話完咗，最後果幾話一氣呵成令到友情連結完成，而某角黑化條理交待清楚，亦解咗好多開頭嘅謎，雖然據講咳咗好多嘢令到個故仔好順，但唔會唔明，有下季就繼續追。

下個月另一套泡菜漫畫改篇《高校之神》都令人期待下。