另外,睇咗Taylor Swift reputation Stadium Tour,
之前經Apple Music睇過The 1989 World Tour,
今次reputation Stadium Tour最正係有4K Dolby Vision畫質,
之前同類演唱會就算係經iTunes購買的版本多數都只得HD畫質。
希望Netflix日後會更多4K演唱會睇。
上次Lady Gaga FIVE FOOT TWO只是記錄片類的作品…
Netflix有的演唱會類影片就只有Justin Timberlake and The Tennessee Kids,
同Taylor Swift reputation Stadium Tour比較值得睇,
希望日後會有Ariana Grande、Katy Perry、Miley Cyrus呢類歌手的演唱會睇啦~!
Russian Doll,玩 Ground hodge Day 同 All you need is kill:係咁死,係咁 time loop 個梗;開頭睇女主角過到頭一晚,以為掂喇,點知⋯⋯又要 load 返上一個 checkpoint 囉。(唔算透喇掛?)女主角又煙又酒又 take 嘢都無事(係同一晚連續落!),反而一落樓梯就死呢個梗真係⋯⋯後面仲玩埋 sudden death⋯⋯尤其當主角似乎去到關鍵位時候,有啲似強制 boot 機⋯⋯真係閻王要你三更死,女主角寫嘅第一隻 game 似乎有啲暗示;故仔後面每次 load game 個場景都會變(增加難度?!)到第三話尾同最終回個扭橋,將個故仔轉咗方向,感覺有啲似好地方(你有睇就明)。好可能有未知之力玩嘢(本人相信係同公園條友有關),但到最後都無解畫,連係咪 「爆」咗隻 game 都未知,可能留返下一季,而睇完都唔明點解叫 Russian Doll。
卅分鐘一話,節奏算緊湊,雖然無靚人靚衫靚景,除咗睇女主角「點死」(預有人會出好似 RE4 咁嘅 death compilation),亦撿視佢過去同人際關係,仲有睇佢點努力解謎嘅「冒險」。中上之作。
睇完medal of honor, 當然每個故事都係危機之中發揮英勇/表現人性, 但唔係個個都好結局,有啲死後追封etc
之前睇 13 hours The Secret Soldiers of Benghazi (已落架)個處境已經夠絕望,
2009年阿富汗有個同樣差嘅combat outpost keating
有兩間公司分別拍套戲, the outpost睇imdb應該今年上
作者: 肉羊哩咖:
Russian Doll,玩 Ground hodge Day 同 All you need is kill:係咁死,係咁 time loop 個梗;開頭睇女主角過到頭一晚,以為掂喇,點知⋯⋯又要 load 返上一個 checkpoint 囉。(唔算透喇掛?)女主角又煙又酒又 take 嘢都無事(係同一晚連續落!),反而一落樓梯就死呢個梗真係⋯⋯後面仲玩埋 sudden death⋯⋯尤其當主角似乎去到關鍵位時候,有啲似強制 boot 機⋯⋯真係閻王要你三更死,女主角寫嘅第一隻 game 似乎有啲暗示;故仔後面每次 load game 個場景都會變(增加難度?!)到第三話尾同最終回個扭橋,將個故仔轉咗方向,感覺有啲似好地方(你有睇就明)。好可能有未知之力玩嘢(本人相信係同公園條友有關),但到最後都無解畫,連係咪 「爆」咗隻 game 都未知,可能留返下一季,而睇完都唔明點解叫 Russian Doll。
卅分鐘一話,節奏算緊湊,雖然無靚人靚衫靚景,除咗睇女主角「點死」(預有人會出好似 RE4 咁嘅 death compilation),亦撿視佢過去同人際關係,仲有睇佢點努力解謎嘅「冒險」。中上之作。
就咁,我諗唔同 All You Need is Kill 咁,呢度每次 load 機個場境都有啲唔同(睇厨房開頭嘅對白同落樓梯就知),再加上主角仲摸緊個「遊戲」點玩,佢發現做一樣嘢無效果嗰陣(跳唔出個 loop),佢下次就唔再試,試過第二樣,去到後尾就算佢以為做啱都會突然死亡嘅;亦可能係個劇本甩咗,因為有時又見到個流浪漢生勾勾咁,仲同隻貓有啲關係,可能好似漏氣咁次次做咗嘢而無講。
唔講太多劇情,你諗住 X-Men Days of the Future Past (咁啱又有 Ellen Page 做主角)撈埋《愛回家》再加啲 MIB 同 The Incredibles 咁就差唔多,都幾大路,無乜新嘢,除咗四哥最後玩「合體技」之外 — 掛?主線有三條:七妹 Ellen Page 一條、其他兄弟一條、時間殺手又一條。
Ellen Page 可能因為角式設定嘅關係,木到成塊板咁;班兄弟中以四哥最搶鏡,造型夠多之餘,時趣怪時情緒化又唔會太誇張,而做五哥呢條老積死「細路」加埋佢個「老伴」都做得好好;中間穿插兩件時間殺手,初時好型好有威脅感,中後又變成搞笑角式,講大公司前線最底層辛酸,幾好玩,尤其有一集唔覺意 High 鬼咗勁好笑。無睇原著漫畫,睇過網上啲資料,TV 版角式造型比較真實系,唔會太誇張,個「白色小提琴」同漫畫造型係兩回事。
今話有返上季做底,個世界豐富咗,人物關係更仔細,好似法師對仔女同主角,因為立場關係,亦敵亦友關係寫得好,故事個 tone 延續至上季尾,無咗啲粗糙感,男主角摸索自己嘅能力,同細佬嘅成長,舖排都好好;某角黑化預咗,不過個心路歷程都慢慢展現。缺點係女主角除咗打,大部份時間都無乜發揮,變咗半個路人;另一個係上季都無乜表現嘅姑媽,佢條支線更無頭無尾。