[西片] 英語片綜合區（戲院上限定）

[肉羊哩咖]

學吓老細啲智慧，呢度講啲唔慌多人睇嘅片，費事洗版。

第一部係大導演史匹堡年度搏攞獎作，好明顯係講返佢自己（幻想中嘅）嘅故事，又半自傳又講電影，應該好難唔獲啲大獎嘅提名：

[肉羊哩咖]

Searchlight Pictures 發行，由 Sam Rockwell 做探長搭 Saoirse Ronan 演嘅軍裝，合力破一個兇殺推理舞台劇發生嘅真正殺人事件。故仔無 Knives Out 咁扭，但都算曲折，最重要係啲喜劇場面，尤其女主角呢個軍裝特別搶戲，笑料好夠，娛樂性絕對比 KO 更好玩，一眾配角就唔太出，可能得嗰 98 分鐘，除咗個導演同個舞台劇男主角都算幾 OK 之外。

呢套絕對唔好睇啲予告，最正啲笑位幾乎出晒～

[C.Ryo]

https://www.imdb.com/title/tt15474916/
Smile
無名導演又無星，低成本驚嚇片，對上一套就係King二代 The Black Phone, 估唔到呢套無名小作效果係好過名導後代Joe Hill果套好多下，相對玩得有新意心思，故事上亦比較合理得多，大部分時間驚嚇感都更好，女主都表現幾好，基本上係佢獨腳戲，係個尾玩番大路式現身草咗啲，可以一看

[肉羊哩咖]

Mrs Harris Goes to Paris 係套由小說改編，講 1957 年倫敦，以鐘點打掃為生嘅哈里斯太太迷上 Christian Dior 嘅裙，走去巴黎買條嘅故仔。靚人靚杉，個個好人故仔又睇得舒服；作為小品唔錯，不過未必要入戲院睇。

https://www.imdb.com/title/tt5151570/

[C.Ryo]

近排睇咗兩套We are family 類暖心喜劇，唔係大片格局但都可以－看

Ticket to Paradise
George Clooney + Julia Roberts 做已離婚父母角色，落力去拆散呀女個突然而來嘅異國情緣結婚儀式，笑料同感人場口都有，算係帶觀眾再思考下人生需要甚麼吧


Lyle, Lyle, Crocodile
本身係出名童書，亦多次做過電視series同musical，不過無睇過，呢套賣主角CG Lyle 同由Shawn Mendes聲演，但其實Lyle只識唱歌唔識講嘢，同人交流係唱歌同用動作表達，歌舞場口唔多亦唔華麗唔係大規模，plot都好簡單直接，因為本身就係合家歡作品吧，不過笑點都ok夠唔算悶，Lyco同樓下隻貓都好鬼馬，啲歌又ok好聽咁啦

[肉羊哩咖]

Babylon 懷舊 ＋ 荷里活 ＋ 大明星列陣，故仔唔多期待，不過應該會好玩：

[肉羊哩咖]

Cocaine Bear 《Take 野熊》？ 好似好喪好過癮噃，出年 2 月 24

[肉羊哩咖]

唔知開唔開新樓好，擺住呢度先：

[肉羊哩咖]

我和彊屍個下屬有個約會⋯


呢個有 What we do in the shadows 陣除，應該會睇。

[肉羊哩咖]

The Menu 《五腥級盛宴》算係心理驚慄片，好一般，演員，包括 Anna Taylor-Joy，都幾 hea；最弊嘅係，個劇本都唔知佢想點，想鬧嘅扮嘢飲食文化，衰又點只唔止咁少人，個劇本想玩震撼，但係啲場口又好易估到，有啲又甩頭甩尾，有啲場口，無謂謂用嚟攝時間用，搞到中段幾悶幾無聊吓。都係好在無入場睇，睇 D+ 算。

[HON HON]

作者: 肉羊哩咖

The Menu 《五腥級盛宴》算係心理驚慄片，好一般，演員，包括 Anna Taylor-Joy，都幾 hea；最弊嘅係，個劇本都唔知佢想點，想鬧嘅扮嘢飲食文化，衰又點只唔止咁少人，個劇本想玩震撼，但係啲場口又好易估到，有啲又甩頭甩尾，有啲場口，無謂謂用嚟攝時間用，搞到中段幾悶幾無聊吓。都係好在無入場睇，睇 D+ 算。

呢套係典型套路戲, 衰d講句係無頭無尾...

[肉羊哩咖]

Scream 6 《奪命狂呼 6》予告：


玩新嘢，唔係本人杯茶，但都唔錯。

唔通真係超英退潮，而家真係恐怖片嘅黃金時代？！

[C.Ryo]

聖誕至農曆年睇咗啲西片，又講下

Whitney Houston: I Wanna Dance with Somebody：
女主唔太似Whitney, 亦唔算完全真實傳記，歌好好聽就因為大部分用番原唱，見呢套都無乜回響又無乜奬項提名，實在及不上同年套Elvis

Puss in Boots: The Last Wish:
史力加貓貓第二集，第一集已經無曬記憶，今集用into spiderverse果種畫風，變得視覺上好有型格，成套又無乜悶場，開開心心嘅一套動畫，出碟會買

The Fabelmans:
史畢寳半自傳，可以當另一套Cinema Paradiso，拍佢自己年輕時代點對拍片着迷，攞獎格局戲，不過今年幾套都高水平，真係未必比佢

Triangle of Sadness 上流落水狗:
攞到康城影展最高榮譽金棕櫚獎電影，睇完的確係玩嘲諷同尖酸刻薄玩得幾過癮，第三章玩個階級逆轉亦都好正，而且玩個留白結尾，幾有想像空間

A Man Called Otto:
初四睇優先場，新年只係再刷Slam Dunk, 睇兩套港片同呢套，估唔到呢套睇到最入心入肺，基本上係輕喜劇頭，不過中間過程當你越睇越知道OTTO嘅過去如何令佢變成咁嘅性格，及佢新鄰居如何令佢作出結尾嘅轉變，係好有感染力，睇到成場人不停包雲吞，我都睇到眼汗水不停係眼框中盪來盪去，呢套係睇完有message拎得走嘅好片，個人推介

[肉羊哩咖]

死火，AMCO 真係要睇？！

[肉羊哩咖]

PLANE，好大路嘅舊式動作片，男主角 Gerard Butler 做嗰好掂嘅機師，（數錯咗）要救返十幾個面目幾模糊嘅乘客同機員，有啲 Die Hard 同 Speed 嘅味道，仲加埋客機災難片，樣樣都想有啲。有趣嘅係動作中間開始先嚟，又大部份唔係由主角担返，而係畀另一名乘客同專業人仕搞掂，叫做幾真實系。個修尾安排幾有人味，叫做幾有意思。

總結，比較啱上串流睇。

[C.Ryo]

敲敲門 Knock at the Cabin - 德克斯史密夫榮因拯救隊

M. Night Shyamalan新作，改編自小說The Cabin at the End of the World
冇睇過小說，電影觀感係可以一看，有啲去番佢早期low budget時代feel，覺得大橋係源自啟示錄天啟四騎士但有啲改變，四個被滅世visions引領嘅普通人集合一起找上正在野郊小屋度假中嘅主角一家，要求佢哋為拯救全世界去作出不可能嘅決定⋯⋯
基本上主線就係玩個滅世救世過程真定假定真係有咁多巧合，咁個過程都ok好睇，結尾就有啲因為個設定而唔難估咁

[C.Ryo]

Babylon - 導演給Hollywood電影的情書及控訴

Damien Chazelle 再次自編自導，一套關於幾個電影人由1920’s到1950’s嘅故事，由黑白無聲電影講到發展到彩色有聲電影，啲拍片過程可以算幾黑色幽默，頭同近尾又夾啲重口味瘋狂派對場口表現下有啲背後腦細金主幾痴線，呢兩場之外都有引用一啲其他出名電影場口做下致敬（但有啲片係現代片黎，導演玩時空融合），又啲配樂同畫面表現都係幾上乘，可見導演真係對電影業好有愛

角色表現就基本上係Margot Robbie一枝獨秀，感情表現收放自如，但啲主要角色起跌都幾乎係bad end，算係忠實反映個行業係花無百日紅？ 個人解讀係覺得導演想透過幾個角色經歴同對白吐下自身苦水，男主=導演自己，女主=佢最愛嘅荷里活電影，佢自己都經歷咗啲起跌，可能見過下啲大電影公司同金主嘴臉，要控訴下現今Hollywood故事取向狹窄，發展停滯不前咁上下？

Brad Pitt個角色係改寫自20’s MGM巨星John Gilbert，Margot Robbie 個角色原形係黑白片女星Clara Bow，原來原本想揾Emma Stone做，不過Pandemic 大混亂之下亂曬schedule夾唔到期要換人同再改角色劇情, Toby客串之外原來仲係呢套其中一個producers，IMDB咁寫

[肉羊哩咖]

Knock at the Cabin 又係啲唔好睇予告入場嘅片，有度真係間接劇透鬼咗結局⋯⋯陰功。兩粒鐘都冇，連抖氣位都冇乜，最後佢好似 Plane 噉畀多一兩分鐘唔嫌長，講故力唔好望 M 導演返到去《鬼眼》同《不死劫》個水準，但係一啲都唔錯，起碼好過 The Happening 先。個細路女出色，好覺得揀 Dave Bautista 係特登嘅，好在佢都交足戲無輸蝕。

睇啲網民講小說仲多扭橋位～～～

[C.Ryo]

TAR : She she is a jerk
因為呢套Cate Blanchett被提名奧司卡而入場，係好慢好慢版嘅劇情片，套片又真係完全比Cate單飛，做個已經好成功圓咗音樂夢嘅大指揮家，有同同性樂手過家庭生活，但亦會同團友助手有過歡樂時光，仲做音樂教授，不過佢為人比較jerk，佢一次課堂串親個學生，佢又對某團友下咗個嘅決定，之後就引發一連串事件喇

Cate扮一個音樂人幾有說服力，彈琴指揮都似模似樣，又大量場口都係長時間一鏡直落，好鬼考演技； 不過其實其余大部份時間佢都係一個jerk mode，流露情感場面反而唔多，亦相對唔太打動觀眾，所以雖然佢演得好好，但個人還是覺得楊紫瓊在Everything Everywhere All at Once有較大發揮，始終個多元宇宙有咁多款角色，個家庭線亦比較touching到人，真係期望Michelle今次攞到影后

題外話, 呢套正好同另一套尋夢電影完全相反, 日本真人版夢幻街少女, 呢套都好值得入場睇, 段初戀男女分隔兩地尋夢再找回初心係寫得幾好

[wing]

作者: 肉羊哩咖

PLANE，好大路嘅舊式動作片，男主角 Gerard Butler 做嗰好掂嘅機師，（數錯咗）要救返十幾個面目幾模糊嘅乘客同機員，有啲 Die Hard 同 Speed 嘅味道，仲加埋客機災難片，樣樣都想有啲。有趣嘅係動作中間開始先嚟，又大部份唔係由主角担返，而係畀另一名乘客同專業人仕搞掂，叫做幾真實系。個修尾安排幾有人味，叫做幾有意思。

總結，比較啱上串流睇。

呢套幾好睇，個黑人係netflix版luck cage個主角。

諗起N年前果套 "安樂戰場"。

[肉羊哩咖]

Cocaine Bear http://gaforum.org/showpost.php?p=11737311&postcount=7

作為爆谷片，都算中間，期待佢玩「怪獸殺戮」片嘅，會有啲失望，唔夠過癮，因為實在太多人，佢哋大部份都有本身嘅情節，全片得個半鐘，嫌嘥鬼咗啲時間，大部份人觀眾都唔多關心佢哋啲死活，搞到啲殘殺嘅場口比例上唔夠，荒謬同笑位都唔多夠。總之有熊出没嘅位都好玩，爭在唔夠放，可以去盡啲，所以《弹丸列車》正好多～

[王小虎]

Creed III
作為拳擊片幾好睇，Michael B. Jordan第一套自導自演，算唔錯。劇情合情合理，特別係用返拳王比機會新手條橋。

[肉羊哩咖]

The Fabelmans，話就話係向電影嘅情書，佢唔夠 La La Land 呢類擺明車馬致敬片嘅亮麗；反而似大導演嘅自我沉醉多啲，程度有幾嚴重，如果畀著係第二個導演，一定畀觀眾鬧痴線。論戲頭三份二講佢屋企劇力一流，父母好多無言交流相當精彩， 衰在高中嗰段冇咗都唔多覺；最後入行嗰段又太短。反而啲攝影真係好正。

總結：要拎獎有啲難囉。

[C.Ryo]

Scream 6
故事繼續上集，啲死法就無乜新意㗎喇，驚嚇度亦不高，主要當下係黑色喜劇黎睇係OK, 同埋睇下佢點扭真凶都唔錯，我覺得呢套比65好睇啲