|
12-31-19, 12:33 AM | #1 |
God of Gamer
griffin611
註冊日期: May 2008
文章: 9,500
|
2019 年度你最喜愛電視劇
除咗電視上嘅,你可以舖包埋串流平台上,同電視短篇,唔可以係動畫,唔可以係 SP。首度播放/上架必定嚮 2019年內
首先,同電影一樣,今年真係痴線,勁多好嘢上(而然爛都有好多),尤其係幻想系,要揀當中最好嘅好鬼死難,以下志在拋磚引玉。 最愛: 1 - 魔鬼神探 Lucifer S4:完全偏心嘅選擇 -- 唔洗再解釋咁多喇掛。 因為話數少咗,主線濃縮咗好多,男女主角都有發揮,加埋班配角因為上季而轉變有好多發揮,爭啲漏咗新女角極之搶戲,完全唔似覺係 MILF 嚟(逃),今季仲多咗啲動作元素;唔似 Castle 過咗三季就跌 watt,保持到啲化學反應同趣味。希望下季有個好尾。 2 - The Mandalorian S1:(繼續無公信力咁偏心)幾乎係今年最佳,唔好講細路帶起嘅人氣,最緊要回歸返到星球大戰嘅原味:西部片式冒險故事;另一樣好緊要,無將啲怪力亂神嘅嘢同政治擺到最前(咳),平平實實咁演譯,但係每話質素落差幾大(唔係話有啲唔得),但比起第一就爭啲(都話咗偏心㗎啦)。 3 - The Boys S1:如果無《朦面佬與阿B之西部活劇》,呢套絕對係第二,拆解超英作品(同諷刺大企業)之餘,嗰位「正義嘅朋友」絕係亮點,好在班凡人一樣無輸蝕,Butcher 壓場感十足,而男女主角嘅關係發展好夠味,轉折亦都吸引,最好嘢就唔洗睇過原著都明,仲要改到比原著好嗰度先勁。 4 - Fleabag S2:如其玩性別政治,不始諷刺啲人係唔係都玩性別政治,講笑啫,觀眾如果掛住乜乜物物主義去睇,完全捉錯用神,一邊繼續密集笑料,另一邊睇住女主角終於成長,唔需要同觀眾「分享」佢嘅內心感受,反而真正老實去認識作為女性係點嘅一回事 -- 佢夠胆死有五到十分鐘,講享受女性更年期後嗰種無咗唔方便,重獲「自由」嘅感受。女主角同 Andrew Scott 呢個靚仔神父好有火花。S1 仲有女主角兼編劇 Phoebe Waller-Bridge 自己個舞台劇嘅影子,呢度完全擺脫仲講咗個好唔同嘅故仔。第一話以呢度咁多講套嚟講,可能係最好睇單一話嚟。 5 - The Witcher S1:嬴第六一個馬鼻,主要演員好得,打鬥又出式,但係時序前前後後有啲亂,每一話唔夠咁平均,但有一兩話真係唔係咁掂,尤其係講 Elf 嗰一話。 (特別上榜)6 - Mr Robot S4:完結篇繼續玩高難度,具真實性嘅 hacking 已經係指定動作,演嘅出色唔在講(Rami Malek 同 BD Wong 有幾好戲仲要嘥口水?)故仔精彩緊張角式動機合理,到個結局個大扭橋唔只拍案叫絕,合理之餘可以教觀眾回味返呢四季成個旅程,非常聰明而有人味;但今季太多太集中嘅話數,嫌成個講故仔成個過程唔順,仲有一兩話擺明玩 style 作狀得滯令本人失望。 (特別上榜)7 - Mindhunter S2:David Flincher 繼續玩美國近歷史式警匪片,今次除咗又係咁玩齋噏演譯案情呢啲高難度動作,開始寫多啲各主角嘅私生活,多少少辦公室政治,亦將主角們「學」返嚟嘅技巧,應用返去破單大案做主線,個劇本好聰明咁揀單唔只極富政治性,而成單案到今日都受爭議。你唔識班犯有幾巴閉就比較難投入(好在有大量解畫片同維基幫到你)。 (特別上榜)8 - The Good Omen:維持英式短少精桿劇集模式,(當然仲)夾雜大量英式笑料(啫係大部份人唔識笑嗰隻),勝在兩位主角撐得起成部劇,佢哋個互動極可觀,故仔奇趣之餘仲有好多諷刺嘅筆觸,其餘兩位大人配角同班細路發揮合格有突,最後個扭橋更令人鼓掌;特技絕對唔掂,唔及下面套 His Dark Materials 咁落本,但無礙欣賞。 其他: The Expanse S4 只煲咗一半,當你好心急要撳個 Next Episode 掣嘅時候,就知有幾好,暫時睇落絕對唔係第三都第四。 The Watchmen S1:好多嘢講,每樣都好精深,難得個大結局又幾㘣滿收尾;但衰在有好多嘢一開始唔交待清楚,另外,唔熟(原著)書好多嘢真係唔知咩嚟。都係臨尾四話一展開就唔捨得唔追埋佢。 The Chilling Adventures of Sarbina S2:多咗個男友但居然無爭風呷醋,兩位「大魔頭」校長都好有壓場感,邪氣三姐妹仲好搶鏡,班姑媽都好戲,結局比上一季更有迫力,但可惜因為少咗人界校園嘅戲份,同原本班老友路人化咗好多,有位個故仔仲好「監粗嚟」,故仔趣味性反而差過 S1,隻貓繼續無口,可惜。 His Dark Materials S1 幾有趣,亦不惜工本,有大明星,劇情忠於原著,可惜太慢同埋個結局太令人失望。 Sex Education S1 同 Umbrella Academy S1 都好玩,但各有缺點成唔到最 top。 Stranger Things S3 比唔上 S1,好過 S2 少少,個頭開得好但一路係咁跌落去,到最後「大戰」令人有啲失望(除咗個勁好玩嘅歌舞片段) The Titans 只睇咗 S1 而無睇 S2,入唔到榜。 The Good Place S4 未完唔計入。 無睇 Succession、Handmaiden Tales、Chernobyl、Better Call Saul 同 Doom Patrol 等等等等未能評論。 應該仲有好多好嘢,不過一時三刻寫唔晒。
__________________
此篇文章於 12-31-19 11:51 PM 被 肉羊哩咖 編輯。 |
12-31-19, 08:56 AM | #2 |
Game Master
註冊日期: Apr 2002
文章: 3,313
|
今年最愛係The Mandalorian同The Boys
今年最愛角色係尤達寶寶??
__________________
The Days are just like Moments turned to Hours. |
12-31-19, 11:33 PM | #3 |
God of Gamer
griffin611
註冊日期: May 2008
文章: 9,500
|
完全無留意到 Fleabag S2 係 2019年 出品,排過榜啲次序。
__________________
此篇文章於 12-31-19 11:52 PM 被 肉羊哩咖 編輯。 |
03-17-20, 12:10 PM | #4 |
The One
紅魔鬼閃耀GAF
註冊日期: Jan 2003
文章: 75,714
|
唔多睇美劇,
容禾低個層次 愛的迫降...睇真妹演技
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
12-31-20, 08:07 PM | #5 |
God of Gamer
griffin611
註冊日期: May 2008
文章: 9,500
|
--- del ---
__________________
此篇文章於 12-31-20 08:10 PM 被 肉羊哩咖 編輯。 |
|
相似的主題 | ||||
主題 | 主題作者 | 版面 | 回覆 | 最後發表 |
第六十六屆殖民星大賽車(2019/11/14~2019/11/17) | 昏迷童子Sleepy | GAF Racing Engine車迷討論區 | 157 | 11-26-19 10:10 PM |
[西片] I See You (2019) | david | 電影版 | 0 | 11-04-19 05:18 PM |
[業界] E3 2019 情報區 | neo2046 | 電視遊戲討論版 | 66 | 06-19-19 11:23 PM |
[港產] Ip Man 4 (2019) | AKA葉問4 | david | 電影版 | 0 | 03-02-19 08:54 AM |
[多機種] PES 2019 | qwe | 電視遊戲討論版 | 31 | 10-27-18 01:42 AM |