Games Animation Forum
Neo Entertainment TREND>有無人睇Netflix?
肉羊哩咖 07:30 PM 03-11-21
《日本沉沒》玩突然死亡先誇張，而玩到洒狗血同吐便當令人側目～
iu fu pig 07:04 PM 03-12-21
作者: 肉羊哩咖:
《日本沉沒》玩突然死亡先誇張，而玩到洒狗血同吐便當令人側目～
日本沉沒果啲死法真喺點飲醉都諗唔出⋯⋯《日本沉沒》玩突然死亡先誇張，而玩到洒狗血同吐便當令人側目～
唔喺好接受啲劇本亂派便當
以為睇太平洋機人片無伏，點知又有無厘頭死
由手機版發出
肉羊哩咖 04:31 AM 03-13-21
報指而家 Netflix 開始揸緊分享密碼嘅問題，佢發覺有人用嚟睇嘅 IP addresss 唔同之類，會電郵個驗証碼畀個元客戶，未能限時前入到個碼會無得睇落去～
肉羊哩咖 11:18 PM 03-17-21
呢套嘢之前睇過啲評論，原來而家先至嚟 Netflix 嘅予告：
4月14，戀愛大過天～
4月14，戀愛大過天～
肉羊哩咖 05:08 AM 03-21-21
傳有機會播《理大圍城》，留意係咪堅嘅。
肉羊哩咖 03:19 PM 03-27-21
Record of Ragnarok，暫時只見日版 PV，唔知日本以外有冇：
肉羊哩咖 04:40 PM 03-31-21
Lucifer S5 下半部終於有期 -- 5 月 28 號上！
肉羊哩咖 11:54 PM 03-31-21
呢套 The Mitchells vs. The Machines 終於有期 -- 4月 30號
肉羊哩咖 10:35 PM 04-01-21
Ryan Johnson 睇嚟搞咱家嘢，唔再搞 Star Wars（呼），佢套 Knives Out 口碑同票房都唔錯，系列化預咗，點知兩部續集都係由 Netflix 用肆億伍仟万搶咗去～～～ 當真？！
https://variety.com/2021/film/news/n...on-1234941995/
暫時只知第一部主角（前？）占士邦 Daniel Craig 會繼續做其「大偵探」
https://variety.com/2021/film/news/n...on-1234941995/
暫時只知第一部主角（前？）占士邦 Daniel Craig 會繼續做其「大偵探」
肉羊哩咖 07:04 PM 04-04-21
Kim's Convenience（金氏便利店？）係套加拿大電視台嘅處境喜劇，Netflix 有加拿大以外嘅播映權。主要講一家四口嘅韓國移民，經營便利店嘅日常，其實入面乜都有 -- 教會、辦公室、街坊、校園、愛情、親情乜都有，分別係多咗好多「韓國」（東亞？）元素。頭兩季比較多社會/文化嘅議題，之後嘅轉咗去玩其他嘢。情節有時幾老套兼迄突，好在算幽默，而啲笑位東亞人睇得明；演員都唔錯，當中以做大仔同事老死兼同屋嘅 "Kimchee" 非常搶戲。
主角一家四口： 做老豆嘅有份客串過 The Mandalorian S2，做新共和國機師。做大仔嘅會主演 Shang-Chi 。(更正）
總結：中上。
而家只有 4 季，啱啱第 5 季完咗之後，搞出呢套嘢嗰兩個兼監製宣怖唔撈而斷尾，基本上無可能復活，搞到好多人話好可惜。連加國總理都「抽水」感謝呢套劇。
主角一家四口： 做老豆嘅有份客串過 The Mandalorian S2，做新共和國機師。做大仔嘅會主演 Shang-Chi 。(更正）
總結：中上。
而家只有 4 季，啱啱第 5 季完咗之後，搞出呢套嘢嗰兩個兼監製宣怖唔撈而斷尾，基本上無可能復活，搞到好多人話好可惜。連加國總理都「抽水」感謝呢套劇。
肉羊哩咖 11:31 PM 04-05-21
Not A Game 係套紀錄片，同之前套專講電玩歴史嘅唔同，開頭提少少歴史同遊戲界嘅問題，主要講唔少個案係電玩點改變人生，特別係職業 eSports 同遊戲直播嘅冒起。幾雜吓，有啲幾感人，睇完你會明到個大慨，你跟開嘅其實又冇乜新嘢。
肉羊哩咖 06:34 PM 04-07-21
【舊片重溫】《同行殺機》Collateral 係湯佬同 Jamie Foxx 合演嘅戲。好黑但係咁嘅片種幾有玩味，尤其佢兩個「亦敵亦友」（？）嘅關係，令人諗起《午夜狂奔》Midnight Run。老老實實湯佬個角式幾變態，可惜無法知道湯佬如果成功會點對 Foxx，最後尾先發覺做 Hulk 嘅 Mark Buffalo 嘅有份演出，可惜佢戲份太少無乜作為。
肉羊哩咖 12:30 AM 04-09-21
《極主夫道》動畫版，真人嗰啲，啲老細講過晒，無謂重複。呢套啲「動畫」比例真係少到離譜，似睇漫畫格咁～啲筆蓆去晒邊？
話時話：呢套嘢幾「現實」-- 聽講日本啲黑幫近年被政府打擊得好勁，搞到好唔掂～
話時話：呢套嘢幾「現實」-- 聽講日本啲黑幫近年被政府打擊得好勁，搞到好唔掂～
肉羊哩咖 02:46 AM 04-09-21
出年 Sony 啲戲，會跟手上美國嘅 Netflix， 其他嘅地區未定
Starting in 2022, Netflix will be the first US streaming home for Sony Pictures films following their theatrical releases. Get ready for UNCHARTED, MORBIUS, BULLET TRAIN & WHERE THE CRAWDADS SING, plus future sequels to VENOM, JUMANJI, BAD BOYS & SPIDER-MAN: INTO THE SPIDER-VERSE
— NetflixFilm (@NetflixFilm) April 8, 2021
歌絲˙暮斯 03:31 PM 04-09-21
作者: 肉羊哩咖:
Pacific Rim The Black 一邊有少年冒險，一邊有機人大戰怪獸，又係末日世界片。樣樣兼顧到，又要好睇，機人由設定到動作，比得上電影。係爭在個細妹英門配音老咗啲，加上血槳便當隨意派發，其實幾黑。留晒尾有第二季。
總結：好！
岩岩睇左Pacific Rim The Black 一邊有少年冒險，一邊有機人大戰怪獸，又係末日世界片。樣樣兼顧到，又要好睇，機人由設定到動作，比得上電影。係爭在個細妹英門配音老咗啲，加上血槳便當隨意派發，其實幾黑。留晒尾有第二季。
總結：好！
變左喪屍片咁，人類既敵人始終都係人類
有樣野幾膠既係，起兩兄妹流浪沙漠時，完全唔描寫食物同飲水既問題
由手機版發出
肉羊哩咖 04:42 PM 04-09-21
老細提到呢個 bug 又啱，初頭仲嗌晒肚餓，跟住又無咗件事。另一套玩末日片格套套都係咁上下梗。
肉羊哩咖 05:47 AM 04-13-21
消息指會開拍真人版高達！只知係由 Jordan Vogt-Roberts 執導 （Kong Skull Island, Metal Gear Solid)，其他乜都未知～ 唔會玩 G-Saviour 呀嘛？！
Heaven 12:14 PM 04-13-21
拍返Pacific Rim咁上下質素收貨啦
肉羊哩咖 11:29 PM 04-13-21
Zack Snyder 套 Army of the Dead 有正式予告：
本人唔好呢味但作為盗寶片咁去睇，好似唔錯。
本人唔好呢味但作為盗寶片咁去睇，好似唔錯。
肉羊哩咖 01:46 PM 04-16-21
RE:IR 有予告（？）：
啲動畫手法好 — 「懷舊」噃～～
七月上
啲動畫手法好 — 「懷舊」噃～～
七月上
鐵之侍 10:06 AM 04-17-21
肉羊哩咖 04:36 PM 04-18-21
Thunder Force 係套超級英雄片，講兩個⋯⋯嚡，好多人踩呢套爛，特登去見識一下。故仔唔合理犯駁都算，好多明明簡單嘅小節，都夾粗拖到你嗌悶，有啲可能係笑位嘅，仲要唔好笑。作為一套超級英雄出身嘅頭卅分鐘，未睇過一套噉「平淡」嘅，結果頂咗一半，跟住首次用 1.5 倍速飛完。
https://www.netflix.com/TITLE/81079259
https://www.netflix.com/TITLE/81079259
肉羊哩咖 12:58 AM 04-20-21
Love Death + Robots Vol. 2 五月十四上：
肉羊哩咖 02:36 AM 04-23-21
宣告咗 Witcher S2、You 同埋 Cobra Kai S4 今年末季上。
而 Mindhunter S3 會復活？！
而 Mindhunter S3 會復活？！
肉羊哩咖 10:01 AM 04-25-21
Love and Monster 舊年有限度上戲院，而家 Netflix 上。故仔係講人類文明被巨大無脊椎生物毀滅，殘剩嘅人類呢埋地底求生。男主角同女友分隔七年，有日因為得知女嘅仲在生決定長途跋涉，返上地面要見女友一面，問題係，男係個見到怪物會驚到無反應嘅「無用鬼」～雖然幾走唔出「末日片」啲套路，主角同配角寫得好，連條狗都好有戲（比起嗰套雷片事旦一件都有格），劇情扭得令人追，間中有驚險又有溫情又有啲笑位。個結局留咗白，可能白得滯。
總結：中上。
總結：中上。