曼聯躉紅魔鬼地帶[VOL.100]曼聯過渡六季無冠期,坦克執教首季,率領紅魔摘下聯賽盃

[Busconcamp]

坦哈格被問到比賽結束後在對球迷說甚麼時，他回應：「我呼籲大家星期四一定要來支持球隊，那將會是一場大戰。大家要確保到時能夠到場，我們一起來擊敗巴塞。」

[Busconcamp]

冰人連迪洛夫於今場正選上陣，除開波初段有少少久疏戰陣嘅感覺外，其後表現越踢越有，專注防守下令李斯特城嘅攻擊球員感到波到人到，坦帥似乎又救到一個

連迪洛夫對李斯特城數據：
69次傳球成功
92%傳球成功率
96次觸球
8次奪回球權
9次失去控權
3次攔截成功
1次封阻射門
2次頭搥解圍
1次被侵犯

[Busconcamp]

［又講數據］
有啲報章/專頁話韋賀斯唔識入波，踢10場入得1球，其實呢點我認同架，射手觸覺係天生，你話佢無運咩？真係幾球「必入波」都係差少少偏偏就係唔入。

又好似呢幅圖嘅數據咁，韋賀斯逼搶嘅數據喺英超名列前茅（252次），而呢樣嘢亦係球迷好易喺場上見到。

我又唔會話坦克簽韋荷斯唔需要佢入波，前鋒識入波都係緊要嘅，不過從佢過往踢般尼嘅數據，相信坦克都心中有數唔係靠呢位荷蘭中鋒入晒啲波取勝，反而睇重佢背龍踢球嘅特性。

韋賀斯加盟後多場踢正選，淨係對阿仙奴輸波，6勝3和1負呢個數據更有說服力吧

[Busconcamp]

雖然今場並唔係17歲新人明諾首次為曼聯一隊上陣，但係今場10分鐘嘅表現比上次聯賽盃時有所進步，繼續努力

明諾對李斯特城數據：
10分鐘上陣時間
7次傳球成功
88%傳球成功率
11次觸球
2次失去控權
1次封阻射門

[Busconcamp]

巴塞隆拿體育總監祖迪‧告魯夫說：「人們經常把我和父親比較，他是永垂不朽的傳奇球王，而我只是名不見經傳的普通球員。當人們習以為常地拿我與父親比較時，壓力在所難免地落到了我身上，因為我絕不可能超越我的父親。當我為巴塞隆拿效力的時候，年輕的我承受著巨大的壓力；而我來到曼聯後，我感覺自己解放了，這當然是十分愚蠢的想法。」

「我至今仍會經歷這些比較，這是我的日常生活。當老一輩的球員和球迷看到我的時候，他們總會熱淚盈眶地想起我的父親，迫不及待地找我說話。他們必定會在我面前說起我的父親，而他們會想起父親的豐功偉績時，總會感動不已。但如今不同的是，我會聆聽他們的說話，並為父親感到自豪。」

[Busconcamp]

坦哈格：「梳爾的表現很出色，但當中要以他作為中堅的表現更令人驚艷，他讓後防線能推前同時他也在左邊防守得很好。作為左腳球員，你在控球時會有更好的角度，我們想要掌握控球率，當球隊持續控有球權在組織攻勢上會更容易。」

[Busconcamp]

[多奇出品] - 曼聯主場對李斯特城賽後檢討

曼聯主場出擊對李斯特城，憑住福仔梅開二度，再加上辛祖嘅入球，以3:0擊敗對手。雖然球隊以3球擊敗對手，但睇返上半場初段，李斯特城都有入波機會，如果唔係迪基亞擋到一球單刀波同一球必入頭搥，戰果可能好唔同。

曼聯主場出擊對李斯特城，憑住福仔梅開二度，再加上辛祖嘅入球，以3:0擊敗對手。雖然球隊以3球擊敗對手，但睇返上半場初段，李斯特城都有入波機會，如果唔係迪基亞擋到一球單刀波同一球必入頭搥，戰果可能好唔同。依家就同大家一齊睇曼聯球員踢成點：

一、福仔入球停不了。福仔落到場機會唔多，尤其係上半場佢一路俾對手守住。不過，福仔憑住對方守衛交失波，然後般奴一個直線俾佢，佢睇到定，之後勁射柱邊破網，領先1:0。到下半場福仔移向左邊，佢一見到費特控住個波就即刻加速，費特之後交個直線，福仔擺脫咗個後衛帶波入禁區，然後燙射入網，個人梅開二度，亦都入咗今季第24個入球。

二、般奴出色表現及辛祖調入激活攻擊線。今場比賽般奴表現出色，佢三番四次助攻俾隊友，如果唔係達洛治近門射空氣同韋賀斯出腳慢，般奴唔止得兩個助攻。佢一球助攻單力俾福仔，另一球就助攻橫傳俾辛祖第一時間熨射入網。另外，坦哈格喺半場休息時換出加拿祖，換入辛祖打進攻中場，激活成條攻擊線，亦都功不可沒。好明顯喺調動後，辛祖可以利用自己嘅突破能力同傳波撕破對方防線，令到攻勢愈嚟愈有威脅，最後佢亦都有1球進帳。

三、防守中場表現愈見平穩。由費特同薩碧沙帶領嘅防守中場，喺比賽初段踢得患得患失，成個中場輸晒比李斯特城。但係之後，韋賀斯幫手回後，再加上球隊站穩陣腳後，慢慢見到費特同薩碧沙多咗成功攔截。不過上半場始終佔唔到好大嘅優勢，福仔上半場入球，都係靠對方後衛嘅傳球失誤。到下半場，球隊適應咗李斯特城嘅進攻，慢慢費特同薩碧沙就主宰咗中後場，之後費特更助攻俾福仔射入第二球，然後到較後時間，費特都被換出休息，換入咗麥湯文尼攞番個比賽狀態。

四、迪基亞神勇表現救出必入球。球隊比賽初期未係站穩陣腳，尤其係連迪洛夫同達洛治太耐冇比賽，令到後防險象環生。好彩今場迪基亞表現出色，救出上半場早段兩個必入波，一球單力，一球頭搥，如果唔係李斯特城應該領先2:0。之後，後防慢慢踢番應有水準，馬天尼斯同梳爾壓住對方前鋒做緊逼，令到對手無咁易組織到攻勢，而達洛治同連迪洛夫亦都站穩陣腳。

除咗以上幾點球隊係表現得唔錯之外，筆者亦都想講講以下嘅隱憂：

一、般奴缺乏休息時間。始終般奴嘅位置暫時都係無球員可以代替到，見到佢每場比賽除咗做策劃之外，仲有助攻助守同做逼搶，睇到佢係出現疲態。嚟緊仲要對巴塞同聯賽盃決賽對紐卡素，睇見都有啲擔心佢可唔可以保持到狀態。

二、球隊未來硬仗連場。球隊由依家直至到3月19日仲有6場比賽要踢，當中要對巴塞、紐卡素、利物浦同白禮頓等硬仗，究竟球員可唔可以承受到呢？尤其係福仔、般奴、馬天尼斯、梳爾等，場場都需要上陣大部份時間嘅球員。
球隊依家有4條戰線，分別係聯賽、歐霸、聯賽盃同足總盃，球迷當然希望球隊可以攞個冠軍，但依條路都好漫長，希望球員努力比賽之餘，仲有就係避免受傷。

[Busconcamp]

#官宣 曼聯官方宣布今天開始出售2023/24球季的季票，票價比今季上漲5%。

在官方公告中，曼聯會方表示在連續11個球季保持季票定價不變後，成人季票的價格會上調5%，行政俱樂部會員的平均價格也會自下季開始上漲5%。在過去5年，比賽日的成本上漲了40%，僅僅過去12個月就上漲了11%。為了令球會可持續營運，會方只有將票價作上調。

[Busconcamp]

曼聯傳奇史高斯談及卡斯米路對曼聯的影響：「當他不在陣的時候，你會看到有很大的分別。想想他不在陣時對阿仙奴的比賽，我總是談論在足球場上需要有一位教練，對於坦克格來說，他是就那個人。他知道他希望每個人可以怎樣配合。我之前說過，我們很多人都對他的比賽質量感到驚訝，因為在皇馬，卻奧斯和摩迪是重心的，但他的向前傳送，他四周的人都意識到他太出色了。人們說他是一名控球型中場球員，但我不認同，我認為他無所不能。他和我所見過的球員相比，比較接近的是堅尼。作為一名曼聯中場球員，你應該參與一切，你應該能夠向前推進，你應該能夠作出傳送並協助防守，我認為他太出色了。」

[Busconcamp]

拉舒福特：「我會說是他的決心（坦哈格作為主教練最出眾的特質）。他不會輕易滿足，如果我們在一場比賽中以 3-0 或 2-0 領先下失球，我們知道他不會對此感到高興。他開始在隊內產生影響，因為現在這刻，即使對我或其他前鋒來說，我們也極之希望迪基亞和防守的隊友能夠保持不失球。如果我們贏了 1- 0，不失球當然非常重要；但如果我們以 4-0 領先，在過去，對方是否有入球並不那麼重要，而現在我們一直在努力做到最好，當我們在最好的情況下，我們不會失球。」

[Busconcamp]

韋賀斯：「無論是不是首要任務，作為前鋒你就會想入球，那是最棒的感受，作為前鋒那也是你在場上的工作。我仍在等待我在奧脫福球場的第一顆進球，很遺憾地對我來說這花費的時間比我想像的多，但我要保持沉著、繼續努力和拿出表現，然後就希望該來的進球會來到，到時一定會是個特別的瞬間。」

[Busconcamp]

K11賽前小分析: 歐霸附加賽次回合，曼聯將主場迎擊巴塞隆拿，坦帥呼籲球迷齊來支持球隊，擊倒巴塞。曼聯方面，雲拜沙卡、卡斯米路及華拉尼應會回到正選，而梳爾及馬天尼斯也應會上陣，卡斯米路於中場又可以復出，不過薩碧沙或費特應會由其中一人配合般奴上陣，前場也可能以韋賀斯、拉舒福特及辛祖正選上陣。巴塞隆拿方面，前鋒利雲度夫斯基應會正選上陣，而拉芬拿也可肩負攻擊的責任，不過加維及柏迪將會缺陣，中場只有傳曼聯主力迪莊較有壓場力，後防則繼續以阿朗素、觀迪及門將迪史特根來防守曼聯，激戰即將展開。

2022/23 歐霸盃附加賽次回合 - 曼聯 VS 巴塞隆拿
比賽日期: 2月23日（2月24日凌晨）
比賽時間: 04：00

預計陣容:
迪基亞
雲拜沙卡 華拉尼 馬天尼斯 梳爾
般奴 卡斯米路 費特
辛祖 韋賀斯 拉舒福特

[Busconcamp]

2022/23 歐霸盃附加賽次回合
曼聯 VS 巴塞隆拿
全場完：2：1

上半場：0：1
- 般奴單刀入禁區窄位射遠柱被迪史特根封位救出
- 福仔禁區頂突破被踢跌但球證無表示
- 般奴禁區內輕輕輕輕拉跌巴迪但被吹12碼
- 利雲度夫斯基主射12碼入1：0
- 般奴接應長傳禁區內射門被迪史特根接實
- 費特半傳半射楣頂高出
- 拉芬拿禁區頂撞射高出
- 迪基亞後場傳失被由卡斯米路飛身封阻射並搏得犯規化險

下半場：
- 安東尼入替韋賀斯
- 般奴助攻費特入禁區右腳射入成1：1
- 安東尼接應長傳半單刀被基斯甸臣封阻射門出界
- 福仔右路突破入禁區窄位射門出界
- 安東尼禁區頂射門被迪史特根接實
- 般奴無啦啦被認為吹罰後省人領黃而上半場巴塞球員有同樣行為係無事喎
- 迪基亞近門救出觀迪頭搥攻門
- 達洛治及加拿祖入替雲拜沙卡及辛祖
- 安東尼乘曼聯狂鬥下混戰後執雞射遠柱入網成2：1
- 福仔右路入禁區窄位射門省中人出界而球證指龍門球
- 麥湯文尼入替拉舒福特
- 華拉尼救出利雲度夫斯基射門嘅空門不過都越位在先

[Busconcamp]

2022/23 歐霸盃附加賽次回合 - 曼聯 VS 巴塞隆拿
全場完，曼聯2:1巴塞隆拿

次回合再鬥巴塞，對手中場雙核加維與柏迪雙雙缺陣，戰鬥力必定減弱。相反曼聯嘅馬天尼斯及薩碧沙皆可上陣，屆時穩固中後場防線。正選陣容方面，華拉尼夥拍馬天尼斯鎮守防線，而其他位置則與上場比賽無太大改動。

上半場開段2分鐘曼聯經已有一次黃金機會，卡斯米路中場攔下球權，立即大腳斜傳俾入攝嘅般奴成單刀，推入小禁區邊窄位射門，可惜射唔過達史特根十指關，之後卡斯米路又一腳半傳半射於門前越過。其後錯失黃金機會嘅曼聯於14分鐘被判罰十二碼，般奴禁區內回防時拉跌對手左閘巴迪，球證即時吹罰十二碼，並由隊內首席射手利雲度夫斯基主射，迪基亞抓到路單手撲到但照射入，巴塞憑住十二碼領先0比1。中尾段時間曼聯逐漸失去中場控制權，以及攻勢大多依靠中後場球員，如卡斯米路及馬天尼斯等人大腳交俾前場打反擊，但前場球員又無辦法搵到空位入攝，最具威脅似乎係35分鐘費特右路笠射高出。相反巴塞以地面組織，利用短傳連結發動攻勢，令曼聯中後場增添唔少壓力，完半場前44分鐘迪基亞更出現誤傳被對手於禁區頂跳起攔下，幸好有卡斯米路訓身封阻對手起腳力保不失，但半場係落後一球之下形勢唔太樂觀。

不過波係圓嘅，下半場坦帥立即作出調動，傷癒復出嘅安東尼入替韋賀斯，將辛祖放返左翼及福仔踢正前鋒且即時見效，46分鐘費特禁區頂接應般奴橫傳一控再右腳直射入網，協助曼聯追和至1比1，最重要係迪莊面前射入...隨後形勢落入曼聯手中，52分鐘福仔右路推落底線射斜出界，54分鐘安東尼禁區外燙射被達史特根接實，以及61分鐘又係安東尼右路接應卡斯米路直傳突破入禁區省中人彈出。至於巴塞下半場都唔係無攻勢，63分鐘觀迪嘅近門頭鎚被迪基亞托出已經最有威脅，但曼聯成功於72分鐘把握到機會反超前2比1，梳爾左路底線後腳傳俾般奴，再交俾後備入替嘅加拿祖攻門中人彈出，輪到費特試一腳又中人彈出，右邊嘅安東尼上前一燙彈地射遠柱入網。直至補時階段94分鐘華拉尼護空門，後防線眾人熱血叫喊，而巴塞亦無力回天，最終兩回合計4比3，曼聯憑住巴西雙子各入一球，成功擊敗西甲榜首巴塞隆拿晉級歐霸盃，下場歐霸盃則對陣另一支西甲球隊皇家貝迪斯。

[Busconcamp]

費特在淘汰巴塞後表示：「很高興聽到球迷大叫我的名字，這是一場精彩的比賽，我們必須繼續前進。上半場我們表現不似預期，下半場好得多了。我們中場休息時與領隊有好好交談，我們改變了心態後有很好的轉變。」

[Busconcamp]

終於都响奧脫福踢歐霸嘅迪莊，今場有巴斯基斯同基斯嘅保護下，令費特未能好好壓制到佢，亦令巴塞於上半場嘅行軍變得流暢，不過下半場可能體力問題而被費特緊追下無咩表現，都令巴塞攻擊力大大減低，坦帥想要佢唔係無原因嘅，都叫做响奧脫福踢過下歐霸丫，只係又係時候同奧脫福同歐霸講拜拜喇

迪莊對曼聯數據：
33次傳球成功
81%傳球成功率
1次創造機會
1次創造重大機會
69次觸球
8次奪回球權
14次失去控權
1次傳球被封
2次攔截成功
2次封阻射門
4次被侵犯

[Busconcamp]

右路嘅the Portuguese guy今仗開波初段先有半單刀失機再而被球證吹罰拉跌巴迪而罰12碼，但其後收拾心情，沉著應戰，而下半場轉回攻中位置即交出一球助攻俾費特入波，再而於前場迫甩對手腳下球後間接造成混戰下安東尼嘅反超入球，踢到尾段仲繼續不惜氣力去追波

FC Barcelona tell your coach, his name is Bruno Fernandes
沙維，他的名字： Bruno Fernandes （般奴費蘭迪斯）

般奴對巴塞隆拿數據：
22次傳球成功
76%傳球成功率
2次創造機會
45次觸球
2次奪回球權
12次失去控權
1次傳球被封
1次頭搥解圍
3次犯規
2次被侵犯
1張黃牌
2次射門
2次中框
1助攻

[Busconcamp]

坦哈格於主場淘汰巴塞隆拿後表示：「這是最重大的勝仗？是的，我也認為是的。我們曾贏下一些大戰，包括在主場拿下利物浦及阿仙奴，但我認為今場才是最重大的勝仗。巴塞隆拿現時是西甲領頭羊，8分領先次席的皇馬，而我們都知道皇馬本週在歐冠的表現（大破利物浦）。是的，我認為擊敗巴塞是現時為止最重大的勝利。」

[Busconcamp]

費特上半場未能好似首回合咁壓制迪莊，因為迪莊身邊多番個巴斯基斯，但係無限體力嘅費特下半場火速接應般奴助攻右腳射入為球隊追平之餘，下半場嘅體力反而變得無限，係咁又迫又搶，或者好多攔截都唔成功但相信迪莊真係覺得費特好很煩咁跟住晒結果令巴塞中場球員嘅心靈變得空虛、間接令利雲變得寂寞、再令西班牙人嘅教練沙維心情變凍，賽後獲球迷選為MOTM

費特對巴塞隆拿數據：
21次傳球成功
84%傳球成功率
47次觸球
3次奪回球權
11次失去控權
2次傳球被封
1次頭搥解圍
3次犯規
3次射門
1次中框
1入球
MOTM

[Busconcamp]

坦哈格談及費特的表現：「上週他在作客巴塞隆拿扮演了重要的角色，這場也是如此，他首要任務是阻止法蘭基迪莊，他必須像蚊子一樣在法蘭基迪莊身邊走來走去，他幹得很亮麗。上週費特在作客巴塞隆拿為拉舒福特作出了出色的助攻，今天他自己取得了入球，表現很出色。」

「我認為費特是可以踢得更前，他真正擅長的是在正確的時刻跑到對方球員身後，他把握時機跑到對方的中場球員身後是我們在對巴塞隆拿比賽計劃的一部分，這場比賽又一次做到了，這個跑動真的很有效。」

[Busconcamp]

般奴：「說到關於決賽，能夠站到這個舞台明顯是一種非常好的感覺，但如果你沒有贏下比賽，這種感覺總是苦澀的。在葡萄牙時我就有說過：決賽不是要來踢的，是要來贏的，而這很明顯也是所有人對這支球會的願景。每當我們想起關於決賽的事，我們就有比之前的比賽更高漲的情緒。這是一場在餘下賽季能夠給予我們巨大推動力的比賽。」

[Busconcamp]

安東尼入替嘅任務明顯就係令巴塞左邊唔可以好似上半場咁放肆，而安東尼亦令到巴迪下半場乖乖咁留番响後半場，同時不時製造麻煩俾巴塞左路，就响大家以為安東尼只係識製造小麻煩於邊線嘅時候，安東尼出現响正確嘅位置用一記射門致勝解決巴塞

安東尼對巴塞隆拿數據：
45分鐘上陣時間
11次傳球成功
69%傳球成功率
28次觸球
4次奪回球權
8次失去控權
1次攔截成功
1次被侵犯
3次射門
2次中框
1入球

[Busconcamp]

歐霸盃十六強完成抽籤，曼聯將面對另一支西甲球隊皇家貝迪斯。首回合將於香港時間3月10日清晨四時在奧脫福進行，次回合作客賽事則於3月17日清晨四時進行。

[Busconcamp]

英格蘭足總嘅用心良苦，成就卡斯米路可以抖夠專心對巴塞，結果今場亦顯示出卡斯米路嘅重要，當中最重要係迪基亞一次開波失誤後，卡斯米路即時回防嘅防守，呢啲真係級數嚟

卡斯米路對巴塞隆拿數據：
32次傳球成功
68%傳球成功率
1次創造機會
66次觸球
14次奪回球權
18次失去控權
3次傳球被封
1次封阻射門
1次禁區內截擊
1次頭搥解圍
1次犯規
2次被侵犯
1張黃牌（職業犯規）
1次射門
0次中框

[Busconcamp]

馬天尼斯︰「我也不知道為何我的外號叫『屠夫』，我甚至忘記了是誰給我起這個稱號。想必是因為我勇悍的球風，我才獲得這個名號。然而，我確實曾在家中，以阿根廷的地道做法來製作慢煮牛肉，所以『屠夫』一名也勉強算是實至名歸。」

「事實上我每次面對挑戰的時候，也會全力以赴，一往無前，將其視作人生最後一個考驗。因此，我的表現不斷改善，隨著閱讀球賽的能力不斷進步，我所作出的決定也更果斷，而我最近也在傳球上下了一番苦功。貪多務得的我只希望能繼續進步，每一方面的表現也要力臻完美。我相信我有無限的潛能，沒有東西能侷限我的成就，但倘若我要更上一層樓，我必須付出更多，辛勤苦練方能成事，這點永遠都不會改變。」