要 脅 缺 席 許 志 安 逼 新 城 加 獎

[岸邊露伴]

本 來 只 得 三 個 名 額 的 「 勁 爆 男 歌 手 」 及 「 全 球 勁 爆 歌 手 」 獎 ， 無 厘 頭 由 三 變 四 ， 各 增 多 一 席 位 ， 令 公 信 力 大 打 折 扣 ， 難 怪 四 個 歌 手 有 獎 在 手 一 樣 笑 唔 出 。

要 脅 缺 席 　 許 志 安 逼 新 城 加 獎

新 城 「 勁 爆 頒 獎 禮 2003 」 於 週 日 （ 十 二 月 廿 八 日 ） 舉 行 ， 講 明 不 會 出 現 「 港 台 十 大 頒 獎 禮 」 ， 人 到 一 樣 無 獎 的 尷 尬 情 況 ， 新 城 一 口 氣 勁 頒 八 十 個 獎 項 ， 務 求 做 到 人 人 有 份 。
在 港 台 「 十 大 」 頒 獎 禮 食 白 果 的 許 志 安 ， 原 本 只 奪 得 一 首 「 金 曲 」 及 「 勁 爆 男 歌 手 」 獎 ， 但 安 仔 嫌 兩 個 獎 唔 夠 喉 ， 兼 又 被 死 敵 李 克 勤 騎 住 ， 於 是 向 唱 片 公 司 正 東 施 壓 ， 以 缺 席 出 現 頒 獎 禮 作 要 脅 ， 要 求 新 城 加 獎 ， 最 後 新 城 在 「 順 得 人 」 情 況 下 ， 將 原 本 只 得 三 個 名 額 的 「 全 球 勁 爆 歌 手 」 獎 ， 在 劉 德 華 、 陳 慧 琳 、 郭 富 城 之 間 ， 加 多 個 位 俾 安 仔 ， 貫 徹 人 人 有 獎 分 宗 旨 。

爭 到 底
過 往 從 未 試 過 有 樂 壇 頒 獎 禮 ， 一 次 過 頒 發 八 十 個 獎 項 ， 今 次 「 新 城 勁 爆 頒 獎 禮 」 ， 唔 單 止 獎 多 ， 臨 時 臨 急 醒 多 個 獎 一 樣 無 問 題 ， 呢 個 「 太 公 」 都 算 唔 話 得 。
例 如 原 本 已 定 由 李 克 勤 、 許 志 安 及 劉 德 華 奪 得 的 「 勁 爆 男 歌 手 」 獎 ， 卻 因 為 陳 奕 迅 近 日 與 英 皇 合 約 拉 鋸 有 突 破 性 發 展 ， 可 能 會 續 約 留 低 關 係 而 改 寫 。 據 知 英 皇 進 行 揮 獎 期 間 ， 認 為 Eason 只 得 「 勁 爆 歌 曲 」 及 「 四 台 聯 頒 歌 曲 」 兩 個 獎 根 本 唔 夠 ， 於 是 向 新 城 要 求 加 獎 ， 否 則 將 不 安 排 Eason 到 場 ， 最 後 與 本 來 已 經 危 危 乎 得 「 勁 爆 男 歌 手 」 獎 的 安 仔 ， 展 開 最 後 爭 奪 戰 。
為 怕 順 得 哥 情 失 嫂 意 ， 獎 項 終 於 三 開 四 ， Eason 、 安 仔 同 時 入 圍 。 雖 然 力 保 「 勁 爆 男 歌 手 」 獎 項 ， 但 剛 在 港 台 「 十 大 」 頒 獎 禮 食 白 果 的 安 仔 ， 對 於 只 能 奪 兩 個 獎 ， 相 對 陳 慧 琳 、 陳 奕 迅 、 容 祖 兒 、 楊 千 嬅 、 梁 詠 琪 都 奪 三 個 獎 ， 表 現 得 十 分 不 滿 ， 連 日 來 不 斷 向 正 東 唱 片 施 壓 ， 強 烈 要 求 一 定 要 多 奪 一 個 大 獎 ， 否 則 就 會 「 好 嬲 」 ， 更 會 缺 席 出 現 頒 獎 禮 。

拋 磚 引 玉
唱 片 公 司 為 安 撫 安 仔 ， 出 動 多 位 高 層 跟 新 城 拉 鋸 ， 令 兩 星 期 前 已 經 落 實 得 獎 名 單 的 「 全 球 勁 爆 歌 手 」 獎 ， 由 原 先 的 三 個 名 額 劉 德 華 、 陳 慧 琳 、 郭 富 城 ， 在 頒 獎 禮 舉 行 前 兩 天 ， 才 臨 時 加 插 安 仔 入 內 。
除 了 安 仔 、 Eason 向 新 城 威 逼 加 獎 外 ， 連 新 人 獎 一 樣 爭 餐 飽 。 今 年 到 場 的 十 多 個 新 人 組 合 ， 除 Cheers 及 吳 展 濠 外 ， 全 部 都 奪 得 「 新 登 場 歌 手 」 做 安 慰 獎 ， 其 中 表 現 最 出 色 新 人 所 奪 得 的 「 新 人 王 」 獎 ， 今 年 被 迫 一 開 三 ， 由 2R 、 張 敬 軒 及 Boy'z 瓜 分 。 但 英 皇 為 了 幫 ○ 三 年 谷 極 唔 起 的 新 人 吳 浩 康 做 勢 ， 夾 硬 要 新 城 將 他 加 入 「 新 人 王 」 獎 項 中 ， 並 以 Twins 將 不 會 幫 新 城 做 「 友 情 show 」 做 威 脅 ， 成 功 得 米 。


自 己 顧 自 己
近 日 公 開 炮 轟 唱 片 公 司 「 加 際 娛 樂 」 ， 在 未 有 知 會 的 情 況 下 推 出 精 選 碟 的 劉 德 華 ， 跟 唱 片 公 司 關 係 已 到 水 火 不 容 地 步 ， 在 剛 舉 行 的 「 新 城 頒 獎 禮 」 ， 華 仔 個 人 捧 走 五 個 獎 項 ， 整 晚 意 氣 風 發 。 不 過 ， 出 身 自 加 際 高 校 （ 華 仔 任 訓 導 主 任 的 藝 人 訓 練 學 校 ） 的 三 人 組 合 Cheers ， 卻 在 十 二 個 新 人 獎 中 捧 蛋 。 原 來 ， 華 仔 答 應 出 席 新 城 頒 獎 禮 的 附 帶 條 件 ， 還 包 括 不 與 同 屬 加 際 的 新 人 同 ^ 慶 功 。 據 知 ， 華 仔 自 跟 唱 片 公 司 擘 面 後 ， 便 開 始 密 謀 明 年 中 約 滿 即 自 組 唱 片 公 司 ， 加 際 高 校 所 有 學 生 ， 將 會 成 為 「 孤 兒 仔 」 。
另 外 ， 有 關 華 仔 與 加 際 因 精 選 碟 而 鬧 翻 一 事 ， 據 知 原 來 華 仔 事 前 一 早 知 道 會 出 碟 ， 更 有 份 挑 選 碟 內 歌 曲 ， 如 今 卻 否 認 一 切 ， 明 顯 前 言 不 對 後 語 。

[sillyth886]

haha.....RELI!?

[BH>_<]

唔多相信
我覺得係新城分豬肉..唔關歌手事

[witchblade]

其實d 獎根本無公信力,一個新人獎 5,6個人分,果d 全球xx歌手獎,你一間cheap電台(不嬲覺得新城 cheap) 憑咩資格代表全球班 a d 獎比人 \"/

[t-cup]

witchblade :
其實d 獎根本無公信力,一個新人獎 5,6個人分,果d 全球xx歌手獎,你一間cheap電台(不嬲覺得新城 cheap) 憑咩資格代表全球班 a d 獎比人 \"/ [/QUOTE]

全球勁爆男歌手, 無話明要香港歌手

[DQGUNDAM]

D獎根本無公信力,都唔知D人爭黎做乜(自己整要幾多有幾多LA),而且唔知幾時D獎變左做勤學獎,你出席就有,唔黎就冇

[街車王]

呢d垃圾獎
拎番屋企都嫌阻訂

[Rosicky]

其實拎黎都冇用，冇公信力既野...等同垃圾一樣

[Metal Gear NT]

Originally posted by 高佬 :
其實拎黎都冇用，冇公信力既野...等同垃圾一樣

就係冇公信力先要拎
如果唔係即係話連分豬肉都唔到俾你，咪仲弊

[Rosicky]

Originally posted by Metal Gear NT :

就係冇公信力先要拎
如果唔係即係話連分豬肉都唔到俾你，咪仲弊

怪不得佢地明爭暗鬥喇

[達比]

又係唔係d 報紙吹水呀

[神秘過客]

Originally posted by 達比 :
又係唔係d 報紙吹水呀

係唔係都冇咩所謂啦...
對於新城個頒獎禮黎講加幾多個奬都唔係問題....

[BH>_<]

Originally posted by 達比 :
又係唔係d 報紙吹水呀

吹水機會大

[石光]

勁爆d獎要唔要都罷啦

[管家婆]

已而家許志安ge名氣...要咁做嗎?吹水多啦話

[Metal Gear NT]

Originally posted by 管家婆 :
已而家許志安ge名氣...要咁做嗎?吹水多啦話

咁如果得三名，我俾都會華哥、克勤、Eason......
以前華哥都試過求tvb俾個最受歡迎男歌手佢

[BH>_<]

Originally posted by 管家婆 :
已而家許志安ge名氣...要咁做嗎?吹水多啦話

完全認同

[大覺屋師真]

擺明分豬肉, 要o黎把鬼

[ヴィタさんさんKS☀]

但邢家許志安咁 up dup...都要做下野搏出位啦