A24 呢個製作兼發行公司，做小眾電影同其他娛樂產品都有。舊年有幾套評價唔錯嘅片上咗，好似 The Green Knight，Lamb，C'mon C'mon 同 The Tragedy of Macbeth，利申全部未睇，不過嚟緊有幾套好有趣嘅，因為多數都係得本人一個睇過，所以夾夾埋埋開定個楝樓先。

睇咗 X，故仔係．．．．．．都係睇下面條予告，基本上講咗係乜。故仔好識玩懷舊好鬼秘好氣氛，仲特發配合時代，玩『低清』，想『睇肉』嘅其實無乜，一半未到就嚟茄汁大平賣，本人唔好呢挺，所以套戲唔長，都幾難頂吓～ 各位鍾意 Texas Chainsaw Massacre 嘅應該幾啱胃口。





睇返嘅資料原來前傳後期中，好似出年上．

之前提過，呢套北美上先過 Dr Strange 2，呢邊反而月中先上，不過論成本，論創意，似乎更勝一籌噃：


有老細提過：呢套 C9 戲似多元宇宙多啲～ 極期待！

Everything Everywhere All At Once -- 天馬行空？！睇咗，去開嗰間無上，搞去要去遠啲嗰間先有。

總結：快啲去睇啦，快啲去睇啦

詳細：去睇返套戲楝樓啦～

另一套驚慄片 MEN 呢邊就嚟想，個導演專拍女性電影，呢套似乎玩心理問題：

Marcel The Shell with Shoes On 係套 stop-motion 動畫，原本係一系列 YouTube 小影片，今次上大銀幕，啱啱美國有限上咗畫，予告：

上面講過套 X 有前傳，叫做 Pearl ，啫係個阿婆後生嘅故事；有予告：

呢套玩「誰是兇手」，上個禮拜北美廣泛公映；呢邊下個月先上，評價麻麻：

The Whale《盗墓迷城》系列男主角 Brandon Faiser 復出之作，影評人大讚，絕對係搏攞獎片：



唔係化妝，佢本人而家變咗咁漲。

連續睇咗兩套「室內片」，The Whale，唔好意思，又搞鬼錯，Brandon Faiser 係著咗套肥杉花個肥妝，不過，演出極有感染力，圍住佢啲角色，一隻手數得晒，但係個都得，尤其係 Stranger Things 入面做 Max 嘅 Sadie Sink，未到捧獎級，但唔認唔得嘅係，咁多個 ST 出身嘅，最演得係佢。

呢套劇極度抑鬱，睇得好辛苦，同時極之雲吞，可能去睇 Hanks 爺套 AMCO 好過。

終於睇咗，係一套好淡口嘅電影，扮紀錄片形式，用啲好 cute 好萌嘅方式去表達親情，友情，生死呢啲幾文藝嘅主題，連啲冒險嘅情節都無，所以睇得幾舒服，不過唔啱口味就會悶死～

以佢做主題嘅幾套短片，可以呢度睇到：
https://www.youtube.com/@MARCELTHESHELL/videos

Past Lives 係套好淡口嘅愛情片，男女主角係對青梅竹馬，女嘅十二歲成家移咗民，只可以講佢哋廿四年之後再見面。

由新晉導演宋席琳執導，雖然韓語對白為主，由拍攝到表達手法，似西片多過一般嘅韓劇，寫女主角嘅亦比較多，對白亦表達到主角啲心境，成熟，去到第三幕，嗰種「佢哋會唔會吖」玩得含蓄但吸引，又唔流於 C9 劇搧情催淚；雖然係咁成套戲有種淡淡嘅無奈哀愁，但係睇得幾舒服。演員除咗個「奸夫」John Magaro (The Big Short，Umbrella Academy) 之外，全部都唔識，人物唔多，有時間寫得夠深入，有好多主角嘅動機可以討論嘅，不過一支公講無乜癮。

總括嚟講算中上。

Stephen Curry Underrated幾好睇，喺Apple TV+，開頭剪接有佢寫論文，又講返佢讀大學時的比賽，最尾原來講佢最近終於完成課程攞畢業證書，幾感動。

舊年做咗《貓王》，今年做埋「貓后」-- 唔係，係貓王個元配 -- 嗰邊嘅故事：



由蘇菲亞．哥普拉執導，本尊監住嚟製，十一月三號上

睇咗Nicholas Cage主演套Dream Sceneario, 故事小小怪雞, 講突然好多人夢中見到Nic Cage個角色Paul, Paul突然由一個不成功嘅老professor 變成如kol嘅存在, 佢嘅家庭生活亦開始有所變化

整體有啲似2000年期啲人生雞湯類電影，不過呢套喜劇頭小sad尾，Nic Cage叫做終於做到個正常人角色有得爆發下情感（?) 而睇番IMDb原來本身Ari Aster 做導演揾咗 Adam Sandler做Paul，後來Kristoffer Borgli 套 Sick Of Myself (2022) 好評，A24同Ari就比番佢自己導自己個劇本，而佢亦換咗Nic Cage做主角，Ari同Nic都有份做Producer；又同期同樓上套Priscilla喺多倫多拍。

呢套戲反思既恴義上幾好, 好多野可以諗下.

即將成為現實？Civil War 講 2024 年（！）美國再度發生內戰，加州同德州脫離聯邦，仲向華盛頓市進軍，主角係戰地記者，向住首都進發，報導真相～ 4 月 12 上




預映同映評解禁咗，幾乎一致好評，仲話一定要睇 IMAX，睇嚟又要破費～

睇咗IMAX Civil War, 只要你明白呢套係用記者視角去睇件事係好好睇，導演亦用公路電影套路帶出主角群穿州過省嘅經歷，黎表現美國實質係如何分裂； 有啲意外最後大場口拍得幾有大片格，IMAX全畫幅之下自己就如身在現場，不停中彈又感覺到近距離爆炸咁，正

睇咗IMAX Civil War, 只要你明白呢套係用記者視角去睇件事係好好睇，導演亦用公路電影套路帶出主角群穿州過省嘅經歷，黎表現美國實質係如何分裂； 有啲意外最後大場口拍得幾有大片格，IMAX全畫幅同環廻聲之下自己就如身在現場，不停中彈又感覺到近距離爆炸咁，正



做乜edit完生多個post

出面開多個主題

A24 出資最昂貴嘅一套電影 Civil War 終於睇咗。

新聞工作者嘅公路片係牌面，亦可以好似某啲評論咁講，講如果人對暴力麻木嘅話，導演亦對啲呢個現象進行警告。

除咗肥佬之外，個個都被場戰事吸引，Kirsten Dunst 做咗 N 年戰地記者，正所謂乜世面未見過～ 亦都對暴力場面，除咗後尾係完全抽離麻木；Wagner Moura 完全為咗搶獨家貪過癮；而作為觀眾視點嘅 Cailee Spaeny，亦都慢慢變化，變到腎上腺素上腦，鏡頭下面嘅人唔再係人。要注意，英文，影相開快門同開鎗都係用個 shoot 字，而唔知點解，某角好特登用一部好懷舊嘅菲林相機，仲要轉菲林十足換彈匣嘅音效，令人亂咁諗多咗～

呼，技術層面絕對唔講笑，啲鎗火音效校得特別突出大聲，好多影像，尤其係第三幕啲光暗位，仲好巧妙利用間唔中嘅黑白定格，製造出一刻定格嘅氣氛。而場面中，係 Jesse Plemons （紅眼鏡）嗰場，緊張到～ 嗰幕最後有 Cailee Spaeny 個畫面極度震撼！！！

呼～ 呢套入場前千祈唔好睇啲預告，劇透鬼咗好多。

導演故意模糊個政治環境，甚至「荒謬」到現實政治上左右兩極嘅加州同得州居然會聯手，結果好多場口，尤其 sniper 同 Jesse Plemons ，根本唔知係邊邊打邊邊，亦好可能正如某角咁講：「唔知呢，總之對家想殺我，我咪要殺返佢囉。」之前成日有人嚮度鼓吹要返轉頭去返「森林法則」，呢個森林法則囉～ 你敢保證你唔會係事旦一件，血流五步橫屍街頭嘅茂利？！

戲外：有啲人鬧導演「無站邊」，套戲係完全無 point 兼無聊，可以見到「文化戰爭」真係無謂去到咩程度，心諗阿導演就算㨂咗邊而你又唔啱，佢哋咪又鬧，鬧佢「左膠」「傳教」之餘此類～ 《笑傲江湖》有句，大致係兩邊都唔揀，你玩中立都係敵人，因為唔跟我就係反我～