曼聯躉紅魔鬼地帶[VOL.100]曼聯過渡六季無冠期,坦克執教首季,率領紅魔摘下聯賽盃

[Busconcamp]

利物浦名宿加歷查向馬天尼斯道歉：「之前對馬天尼斯的批評不是針對馬天尼斯本人，而是針對所有英超聯賽中身高不足六尺的中堅。任何球員都會有弱點，無論是在身體上還是技術上，而最好的球員會隱藏他們的弱點。每個人都有弱點，我本身也不是個高大的球員，總是擔心自己在空中比拚中會被發現弱點或者被欺負。有時你會輸掉重要的對抗甚至失球，而他比我矮了三、四寸。」

「當馬天尼斯不在曼聯的防守線上時，不但是一個巨大的損失，還缺少了他控球和從後場發起進攻的能力。他是一名戰士，也是一名領袖。當我們談到球隊的核心時，當然有他和卡斯米路，這兩名新加盟球員對球隊產生了巨大的影響。我們已經談論過曼聯缺少卡斯米路對球隊的影響，同樣也適用於馬天尼斯。因此，我向馬天尼斯和曼聯球迷道歉，你們現在可以停止在twitter上提及此事了。」

[Busconcamp]

曼聯傳奇前鋒約基：「辛祖發現了自己很難達到他被設下的標準，英媒把他塑造成一個比他本身更出色的球員。辛祖對他自己的技巧缺乏速度和自信，他需要踢得更直接。曼聯在他身上投放了很多，需要他交出有巨大影響力的表現，但如果你始終沒有交出這種表現，那麼你可能適合去其他球會碰一碰運氣。」

[Busconcamp]

Fabrizio Romano報導曼聯快將和達洛治就續約條款達成一致，現時談判進度良好，只要雙方同意合約中的細節，達洛治便會簽下新約。達洛治今季在坦帥麾下表現不俗，不論是坦帥還是達洛治本人都希望他能夠繼續留隊。達洛治和曼聯的現行合約將於2024年屆滿，與他在夏天前續約是曼聯的其中一個優先事項。

[Busconcamp]

2022/23 英格蘭超級足球聯賽第三十七場
曼聯 VS 車路士
全場完：4：1

上半場：2：0
- 馬度亞基禁區外射門高出
- 梅迪歷接應傳中禁區內射斜
- 卡斯米路接應艾歷臣罰球頭搥攻門頂入成1：0
- 安東尼右路切入大位射門跣腳出界
- 安東尼反擊推入禁區頂斜線俾馬斯亞控甩
- 拉舒福特入替受傷離場嘅安東尼
- 夏維斯接應傳中小禁區邊頭搥頂斜
- 般奴禁區內被踩到腳踭VAR認為無問題
- 加拉加禁區外遠射出界
- 加拉加接應安素斜線入禁區射遠柱柱邊出界
- 卡斯米路吊入禁區辛祖禁區內冷靜傳遠柱俾馬斯亞射空門成2：0

下半場：
- 馬拉西亞入替梳爾
- 連迪洛夫搶到球權後引球到禁區頂傳俾辛祖set俾般奴撞射中楣角出界
- 梅迪歷推到禁區頂半傳半射被迪基亞落地托出底線
- 馬拉西亞傳中艾歷臣門前射門被卡柏回身救出後卡斯米路禁區頂射門柱邊出界
- 賀爾右路推入禁區射門被迪基亞救出後梅迪歷補射省中人彈高後被迪基亞飛身接實
- 福仔中場推進後傳俾般奴再回傳福仔可惜身後波失機
- 夏維斯接應傳中頭搥攻門無力被迪基亞接實
- 費特及加拿祖入替艾歷臣及馬斯亞
- 般奴禁區內通渠過人後被侵犯吹罰成12碼
- 般奴主射入網成3：0
- 馬拉西亞無啦啦領黃
- 福仔左路禁區邊射遠柱出界
- 般奴偷得科芬拿後場橫傳後傳俾福仔後推過科芬拿後射門被卡柏救到再補射入網成4：0
- 加拿祖禁區內接應橫傳射門省中楣
- 麥湯文尼入替般奴
- 菲臘斯推到禁區頂射地波入網成4：1
- 加拿祖接應傳中禁區內攻門被卡柏救出
- 福仔右路推入禁區大位射門被卡柏接實
- 麥湯文尼接應傳中禁區內射門被卡柏面部擋出

[Busconcamp]

2022/23 英格蘭超級足球聯賽第三十七場 - 曼聯 VS 車路士
全場完，曼聯4:1車路士

接下來兩場主場賽事只要取得一分便能守住前四，今仗正正迎戰近勢十分差勁嘅車路士，相對富咸亦係比較容易取分，所以希望曼聯能夠取分，提早一輪取得歐聯資格，正選陣容方面依然都係沿用原班人馬上陣。

上半場兩隊防線推得較前並選擇對攻，開段兩隊各自出現不下於三次黃金機會，但往往敗在埋門一腳上，不過雙方把握力及後防質素就稍稍成分野。曼聯早於5分鐘憑著卡斯米路接應罰球頭鎚頂入成1比0，為曼聯取得領先優勢，經VAR後亦亳無懸念地判無越位且入球有效。之後時間曼聯有相當多攻勢，包括12分鐘安東尼右路推大位起腳斜出，34分鐘辛祖一推再射省中人彈出等等，未算對車路士後防有太大威脅，值得一提係馬斯亞起碼有兩次半單刀機會都係自己控甩腳...。另外23分鐘安東尼受傷倒地需由擔架抬出，令坦帥不得不提早換人，換入福仔踢左翼，將辛祖放回右路位置，而事實上辛祖踢返右翼，表現又好過踢左翼嘅時候，唔知安東尼傷出會唔會成為辛祖踢返右翼嘅契機呢? 到半場補時曼聯先再入一球成2比0，卡斯米路禁區頂no look pass吊入禁區俾辛祖橫傳，遠柱有馬斯亞接應撞射入網，成條車路士後防線完全無反應，曼聯帶著兩球優勢返入更衣室。

另一邊廂嘅車路士上半場其實踢得唔差，攻勢甚至埋門機會都比曼聯多，2分鐘嘗試遠射楣頂高出，3分鐘左路傳中只係中間甩腳接應唔到，安東尼傷出後更令曼聯一度嚴重失勢，車路士中場控球在腳組織攻勢，控球率高達六成，對手左右兩翼分別交出數次傳中供應，只係前場球員唔爭氣射唔中龍或者起唔到腳，白白錯失黃金機會。31分鐘夏維斯後上插入小禁區接應傳中頭鎚攻門，居然頂唔中目標斜出，41分鐘左翼梅迪歷遠柱接應傳中射門省中雲拜沙卡彈出，44分鐘加拿加入攝禁區斜射又唔中目標出界等等，亦係幸好對手把握唔到多個機會，曼聯上半場先無失球，後防線守唔住車路士快速反擊。

下半場開段般奴先以一腳後上撞射展開攻勢，可惜射中死角彈出。其後雙方繼續對攻，49分鐘對手禁區頂面對住三名曼聯球員下起腳被迪基亞救出，51分鐘雲拜沙卡左路禁區內接應斜出一推試圖起腳被封阻，福仔再交俾馬拉西亞落底線傳中，門前有艾歷臣跑前一步用後腳攻門但被門將卡柏救出，58分鐘輪到迪基亞先撲出燙射，再飛身接實禁區頂遠射。雙方攻勢激烈，直至中段時間曼聯換入加拿祖及費特後，比數先再有改變，71分鐘般奴接應短傳後推入禁區並通對手中堅科芬拿坑渠，而科芬拿選擇第一時間落腳侵犯般奴成十二碼，般奴親自操刀輕鬆射入成3比0，同時打沉車路士士氣。77分鐘曼聯錦上添花成4比0，又係科芬拿後場傳失，般奴偷到再交俾福仔單刀撞入，隨後加拿祖都有數次射門非常近鎊，包括83分鐘接應福仔短傳省中人彈向門楣等等，88分鐘車路士憑著一次反擊破蛋，菲歷斯中場一路帶波推到禁區頂斜射入網成4比1。最終曼聯主場擊敗車路士全取三分，穩守前四取得來季歐聯資格，今季可謂超額完成，下場對上富咸相信會派上後備球員應戰。

[Busconcamp]

隊長般奴於上半場表現唔算太突出，但係下半場親自搏得12碼並射入加上截得對手後防失誤後助攻俾福仔入波（最尾入球唔計般奴助攻），直接帶領球隊重回歐聯

般奴對車路士數據：
86分鐘上陣時間
34次傳球成功
74%傳球成功率
1次創造機會
1次創造重大機會
62次觸球
5次奪回球權
16次失去控權
3次傳球被封
1次攔截成功
3次被侵犯
1次犯規
2次射門
1次中框（1次中楣角）
1入球

[Busconcamp]

安東尼雖然場上決定仍然大有進步空間，但係佢於場上嘅牽制力真係幾強，而且亦係充滿鬥心嘅一位戰士，希望安東尼嘅傷唔好影響足總盃嘅上陣


安東尼對車路士數據：
29分鐘上陣時間
3次傳球成功
43%傳球成功率
10次觸球
1次奪回球權
6次失去控權
1次射門
0次中框

[Busconcamp]

胖虎連續2場取得入球，而且第二球嘅策動亦來自呢位世界級防中，直接帶領球隊回到歐聯戰場，卡斯米路於賽後獲球迷選為MOTM

卡斯米路對車路士數據：
35次傳球成功
68%傳球成功率
61次觸球
13次奪回球權
12次失去控權
3次傳球被封
2次攔截成功
1次封阻射門
1次頭搥解圍
2次犯規
2次射門
1次中框
1入球
MOTM

[Busconcamp]

曼聯昨晚擊敗車路士後成功鎖定下季歐聯席位，賽後坦帥被問到對於當年雲加的得前四如奪冠的言論有何看法，坦帥表示：「我認為在英超聯賽中，的確就是這樣。英超聯賽的競爭非常激烈，這是不容忽視的事實。曼聯就是屬於歐聯。要在英超中取得好成績並不容易，因為眾多球隊都在爭奪前四。能夠成功達到這個目標算得上是個成就。我們雖然還未能交出最理想的表現，但重返歐聯對我們來說是重要的一步。」

[Busconcamp]

辛祖唔似加拿祖或安東尼嘅侵略性，佢係需要配合嘅球員，而只要有球員肯配合，辛祖嘅冷靜及眼界係做得幾好，今場錄得5次創造機會嘅次數，當中包括接應卡斯米路傳球後嘅一控一傳，就傳到俾遠柱嘅馬斯亞射入空門

辛祖對車路士數據：
28次傳球成功
82%傳球成功率
5次創造機會
3次創造重大機會
49次觸球
5次奪回球權
14次失去控權
2次傳球被封
1次射門
0次中框
1助攻

[Busconcamp]

坦哈格談到今季入球率不足的問題：「這是一整季的縮影，即使我們創造了過百顆入球和進行了不少賽事，要攻進下一個入球還是不輕易的事，這是我們要改進的地方。」

[Busconcamp]

艾歷臣今場交出一球助攻，亦於門前差啲入波，除此之外於中場做轉向、控制節奏等任務亦非常稱職，最記得有一球第一時間轉俾右路空晒嘅安東尼，顯示出艾歷臣嘅視野同技術

艾歷臣對車路士數據：
70分鐘上陣時間
18次傳球成功
82%傳球成功率
1次創造機會
31次觸球
3次奪回球權
8次失去控權
1次犯規
1次射門
1次中框
1次錯失重大機會
1助攻

[Busconcamp]

坦哈格在接受beIN Sports的訪問中表示：「比賽結束後馬上回應球員傷勢情況是很困難的，但是安東尼的情況的確嚴重。至於梳爾，我們還需要觀察，我不認為情況很差，但我們需要等待24小時。我們將進行診斷，屆時將會知道更多情況。」

「我不知道安東尼的情況，每個人都看到他被換出，我可以告訴你這是嚴重的，但我們必須等待至少24小時，然後我們才能更確切地了解傷勢的狀況。」

[Busconcamp]

K11賽前小分析: 於上仗擊敗車路士後，曼聯已取得下季歐聯資格，今季最後一場英超對於曼聯來說只是名次之爭，但下星期便有足總盃決賽的情況下，今場主場閉幕戰，著實需要給一眾已頻戰多時的正選球員休息一下，以免受傷。曼聯方面，個人希望除了加拿祖及連迪洛夫之外，其他主力也作休息，也可給後備球員一展身手的好機會，包括麥隊、費特、柏列斯查等等。富咸方面，同時也已無慾無求，但相信一眾正選仍會上陣包括米杜奴域、卡尼、迪奧普及門將利奴等等，好讓球員及球迷好好享受這場閉幕戰。

2022/23 英格蘭超級足球聯賽第三十八場 - 曼聯 VS 富咸
比賽日期: 5月28日晚上
比賽時間: 23：30

預計陣容:
畢特蘭
達洛治 麥佳亞 連迪洛夫 馬拉西亞
明諾 麥湯文尼 費特
柏列斯查 韋賀斯 加拿祖

[Busconcamp]

連迪洛夫就今季及上季的分別表示：「我認為（分別）在於所有人的心態以及為球隊的付出上。所有人都很清楚在比賽場上我們需要做到什麼，我們很有系統，都知道自己的職責。今季我們交出了不少漂亮的勝仗，所以我們絕對值得這歐聯席位的排名。」

[Busconcamp]

借將韋賀斯雖然唔算提高到曼聯嘅入球量，但係佢每次落場不惜氣力嘅付出，相信各位曼迷都睇得到，今晚有可能係韋賀斯最後一次以紅魔身份於主場奧脫福上陣

卡斯米路：「我在曼聯真的很開心，我非常喜歡身在英超聯賽之中。自從我加入這個球會以來，所有的工作人員、每位球迷也令我感到不可思議，我努力在球場上回報給他們。」

[Busconcamp]

[多奇出品] - 挺身而出的瑞典冰人-連迪洛夫

曼聯前一星期以1:0作客贏咗般利矛夫，依家只要喺餘下2場主場比賽攞到1分，就可以守住前4位置。球隊近6場英超聯賽成績一般，只得3勝1和2負，所以為免夜長夢多，球隊最後2場絕對唔能夠掉以輕心，尤其係球隊攻擊線攻力薄弱，後防壓力愈見愈大。幸好喺馬天尼斯傷出下，球隊最缺乏中堅時連迪洛夫挺身而出，鎮守後防線之餘，亦提供穩定嘅中後場傳送，真係幫到球隊唔少。

連迪洛夫以破球會紀錄3,075萬鎊轉會費引入，當時摩連奴希望靠佢冷靜嘅判斷力同埋球賽閱讀能力，穩固球隊後防線。可惜由於佢身型唔算高大同埋速度亦都唔算快，再加上佢踢法過於斯文，要喺英超競爭劇烈兼體力化嘅聯賽立足係相當困難。佢嘅拍檔麥佳亞未能夠挺身而出去支援連迪洛夫，而另一位中堅拜利經常受傷患困擾，所以曼聯後防線嘅穩定性相當不足，導致近幾年成績都係浮浮沉沉。

今季領隊坦哈格引入阿根廷中堅利辛度馬天尼斯後，主要拍夥華拉尼，連迪洛夫就少咗上陣機會，通常佢主要係踢歐霸分組賽出場，其餘比賽都好少用佢。直到歐霸盃8強對西維爾首回合利辛度馬天尼斯嚴重受傷後，球隊在極缺乏中堅嘅情況下，連迪洛夫再次被派上陣。球迷本來無對佢有特別期望但佢就愈踢愈好，依家甚至係球隊嘅必然正選。

連迪洛夫喺馬天尼斯傷出之前在英超只係踢過11場比賽，5次正選6次後備。當時筆者心諗佢夠唔夠比賽狀態？結果就憑佢對對方前鋒緊纏壓迫，令對方難於轉身做突破，而佢準繩嘅攔截同解圍亦都化解咗唔少危機。睇番連迪洛夫嘅攔截成功率有87%，平均每場有3次解圍同2次頭搥解圍，奪回控球權就平均有4次，仲有對維拉嘅頭搥護空門，對般利矛夫有球關鍵嘅頭搥頂高解圍，阻止對手攻門，都係令球迷對佢嘅表現加添分數。另外，連迪洛夫出色而且穩定嘅傳球技術，縱使球隊受到前場緊迫，亦都可以化險為夷，睇番佢喺中後場嘅傳球成功率有96%。最後，佢雖然比以前踢得硬淨，但犯則次數只係得6次同埋得1張黃牌，咁可以睇到佢唔會隨便輸罰球。

雖然連迪洛夫喺坦哈格心目中唔係首選中堅，而且出場機會又唔多，但係佢能夠堅持練習，保持良好狀態。當球隊需要佢時，能夠挺身而出，佢敬業樂業嘅態度真係值得球迷尊重。依家剩番兩場比賽，希望連迪洛夫可以繼續保持水準，穩守後防線。

[Busconcamp]

麥湯米尼已向朋友通傳　今夏離開曼聯

英國傳媒報道，曼聯中場「親生仔」麥湯米尼已向身邊好友通傳，打算今夏離開曼聯，期望在新環境有更好發展。

《Football Insider》報道，曼聯中場順序係般奴費南迪斯、卡斯米路、基斯甸艾歷臣、費特、沙比薩，最後先輪到麥湯米尼，由於曼聯今夏將繼續簽入中場新兵，麥湯米尼上陣時間將進一步壓縮，佢自知冇運行，唔想做下一個連格，只好求去。

26歲嘅麥湯米尼係曼聯青訓產品，2017年獲摩連奴提拔上一隊，至今7季上陣207場入19球，今季上陣37場，只有16場正選，佢全季上陣時間亦只有1126分鐘，比上季大跌50%。紐卡素同韋斯咸正密切留意麥湯米尼動向，一旦曼聯有意出售，佢哋就會出手接貨。

[Busconcamp]

般奴費南迪斯表示：「我們贏到一個獎盃以及鎖定聯賽排名前四，這是我們在今個英超球季季初所定下來的目標。現在我們希望好好完成聯賽，然後在足總盃決賽嘗試取勝。」

[Busconcamp]

2022/23 英格蘭超級足球聯賽第三十八場
曼聯 VS 富咸
全場完：2：1

上半場：1：1
- 達洛治右路入禁區接應傳中被利奴拍出
- 福仔罰球被利奴救出再中楣彈出
- 戴迪接應角球頂入成1：0
- 卡斯米路禁區內犯規被判12碼
- 迪基亞救出米杜奴域12碼
- 盧基禁區外遠射高出
- 曼聯一輪組織後般奴傳中加拿祖射門斜出
- 馬拉西亞斜直線傳俾加拿祖左路禁區內窄位射門中楣彈出
- 卡斯米路右路禁區內射門被利奴救出
- 費特由禁區外推進入禁區偶然下皮球落在辛祖面前加一腳入網成1：1
- 麥佳亞接應角球頂高
- 達洛治禁區外射門被利奴接實

下半場：
- 福仔接應卡斯米路長傳入禁區彈地波攻門柱邊出界
- 般奴接應費特直傳面對利奴冷靜挑射入網成2：1
- 般奴禁區外施射被利奴救出
- 艾歷臣、馬斯亞及麥湯文尼入替費特、加拿祖及卡斯米路
- 福仔左路推入禁區後射門被利奴救出
- 韋賀斯入替拉舒福特
- 柏列斯查入替般奴
- 麥湯文尼領黃

[Busconcamp]

般奴今仗創造多次機會，自己亦攻入一球冷靜嘅單刀，幫助球隊反超前並奠定勝仗，為下星期足總盃決賽做好準備，賽後獲球迷選為MOTM

般奴對富咸數據：
84分鐘上陣時間
26次傳球成功
63%傳球成功率
6次創造機會
55次觸球
7次奪回球權
21次失去控權
1次攔截成功
3次射門
2次中框
1入球
MOTM

[Busconcamp]

坦哈格更新安東尼的情況：「我們大家也看到他需要被抬離場的情況，但（檢查後）我們認為情況不是那麼壞，他基本上可以在下周足總盃時候命。」

[Busconcamp]

有網民於紐約的adidas專門店發現曼聯新球衣的宣傳照, 雖然與之前流出的款式大同小異，但心口贊助商的商標則採取了新設計，視覺上較以往美觀。而球衣上亦有抽象的玫瑰暗花設計，令人眼前一亮。

[Busconcamp]

曼聯創紀錄笑住收咧　坦哈格：傑出嘅球季！

曼聯喺周日(28日)英超煞科戰，憑查頓辛祖同般奴費南迪斯入波，主場2比1擊敗富咸，以英超第3名成績衝線，今場勝仗係曼聯今季第27場主場勝仗，追平球會史上單季主場最多贏波紀錄，第1季執教嘅坦哈格賽後總結：「恭喜球員踢咗一個傑出嘅球季！」

曼聯今場只係爭第3位，但19分鐘就被富咸率先入波，7分鐘後卡斯米路再輸12碼，不過迪基亞神勇撲出阿歷山大米杜域嘅主罰，令曼聯得以大反撲，由查頓辛祖同般奴費南迪斯入波反勝2比1完場。完場後曼聯全隊齊齊慶祝迪基亞奪英超金手套獎，總算係笑住咁收咧。

首季執教嘅坦哈格賽後向奧脫福球迷致辭：「首先我要多謝所有球員，佢哋踢咗一個傑出嘅球季。多謝職員同所有球迷嘅支持同貢獻，雖然我話多謝，但其實我哋仲有1場比賽，我肯定球員會傾盡全力去打敗曼城，我亦相信我哋好有機會將英足盃冠軍帶番奧脫福！」

[Busconcamp]

坦哈格專訪談組軍大計：預埋格連活特！

英超煞科後，各路雄師開始進入組軍模式，將會出戰英足盃決賽嘅曼聯，領隊坦哈格日前接受《泰晤士報》專訪講組軍大計，佢坦誠表示門將迪基亞同中堅哈利馬古尼位置尷尬，去留成疑。不過最爆嘅係，坦哈格首次公開談及年初被撤銷強姦等指控嘅格連活特，讚佢過往已證明自己能力，暗示球隊或有佢嘅位置。

21歲嘅格連活特去年1月被指虐打女友，被警方控告涉嫌強姦、傷人同控制他人等罪，不過今年2月獲撤銷指控，曼聯隨即發聲明話會內部調查，暫時繼續停賽停操，當時坦哈格只係話：「我冇嘢講，球會聲明已經講晒。」不過呢位荷蘭教頭喺周二(30日)《泰晤士報》專訪，就罕有咁作出強烈暗示。