GAF會員移民打算及心得討論區

[怪盜小G]

日本移居要求好高呢

我無專長又唔係大學生拎住舊錢都唔知可以係果邊做乜

[肉羊哩咖]

嚟得呢個壇嘅，都對日本動漫有興趣，日本好自然係首選。學樓上某老細話齋，可以用「色」作為移民方法之一，本人對呢方面，無研究，唔知日本咁嘅方法得唔得～

有冇心得唔敢講，不過小心移民騙局，前排話有啲「顧問」公司，話你投資落某個項目度，做無決策權嘅「董事」，乜都唔洗做就可以等批居留，跟住間公司同個項目「不翼而飛」。各位小心。

[歌絲˙暮斯]

聽講.... 日本無所謂既移民政策, 本身國策無開放俾人移民

日本野大家都話正, 嚮往日本係可以理解.

諗真 d, e+ 我地見到既日本其實係食左兩個原子彈再俾美國為首既聯軍強行移植民主系統, 你就知日本其實有好多野不足外人道.

[小光]

日本其實好玩唔好住

[真!DC]

我諗哩度d人都對日本比較認識唔會對日本有太多幻想
由手機版發出

[歌絲˙暮斯]

上面咪 FF 緊移民首選

[STRIFE]

日本旅行好玩住就免喇,認識得多先更加唔想係日本生活

[歌絲˙暮斯]

有錢咪爽皮
無錢死左無人知

[書仔]

睇日戲或動畫已經睇到好多黑暗野啦

[1pi]

Del刪除

[細路翔]

綜合上面嘅結論
落樓下搵架貨車撞自己移民去異世界最有可能：）

講真，要移民唔好抱住單純走難嘅心態
要考慮埋如果有一日厲害國搞到去你住緊嗰度

你係咪可以作為當地人去保護家園：）

[1pi]

Del刪除

[IDGAF]

睇到果籽果邊有堆移民片,
大家慢慢研究~!

逃走他鄉的故事

97港人要移民；2020國安法來襲，港人再度講移民。記者走訪世界各地採訪，探訪移民港人、直擊當地生活、文化差異；深入拆解移民資訊、懶人包；駐場博客分享當地苦與樂。

https://www.youtube.com/playlist?lis...q7sc0-YEXJIaXJ

[歌絲˙暮斯]

作者: 細路翔

綜合上面嘅結論
落樓下搵架貨車撞自己移民去異世界最有可能：）

講真，要移民唔好抱住單純走難嘅心態
要考慮埋如果有一日厲害國搞到去你住緊嗰度

你係咪可以作為當地人去保護家園：）

抱住單純走難嘅心態既移民

其實係帶住舊錢既難民

[ko121314]

移民去別國我覺得係因為認同該國文化/理念/各種各樣所以嚮往當地生活
但係附近中日韓台/東南亞我都係覺得去玩下就好去住去感受文化就免了
歐美我自己都無咩興趣
都係係香港同生共死算
或者都係要用大貨車異世界移民大法

[Super Bus]

講真自己移左民過嚟美國眨下眼就廿幾年,
初初屋企人話要移民我都有十萬個不願,
始終習慣左喺香港嘅生活, 一去到外國未必會適應到,
而且果陣我英文又唔係太好, 言語溝通會有問題,
不過過左一段時間, 都已經習慣哂,
甚至會覺得會比喺香港仲好, 尤其是依家咁嘅時勢,
我都會叫我啲朋友, "你依家走得就好走啦,
唔係遲下土共惡起上嚟就算你一早已經有外國 Passport,
有外國國籍你都可能走唔到呀!"

總之打算移民係就係辛苦嘅,
因為你要預左一去到外國就要犧牲你原本喺香港你鍾意同做到嘅野,
不過我自己嘅經驗, 以喺美國嚟講, 我可以做到嘅活動,
甚至食嘅野, 選擇反而比喺香港仲要多,
當然如果你係要死守喺香港嘅衣食住行果一套,
甚至好似一啲大陸人咁去到外國都要食鹹魚臭到外國人都頂唔順嘅
(睇新聞真係有一單有一户人因為煮鹹魚臭到隔離屋要報警投訴),
咁就另作別論啦~

[肉羊哩咖]

據有限所知，歐美買日動漫收藏週邊，又少又貴又慢過人。

作者: 細路翔

要考慮埋如果有一日厲害國搞到去你住緊嗰度

你係咪可以作為當地人去保護家園：）

當地人唔當你係厲害國人先啦，實在見得太多「身在曹營心在漢」嘅「攞嚟衰」嚮度累街坊。

[小光]

作者: 肉羊哩咖

據有限所知，歐美買日動漫收藏週邊，又少又貴又慢過人。

以前會咁諗, 好在而家有網購, 雖然都有限制, 但比10幾年前好左好多架喇
而家o係香港買動漫周邊好多時都要網購啦

[Super Bus]

作者: 小光

以前會咁諗, 好在而家有網購, 雖然都有限制, 但比10幾年前好左好多架喇
而家o係香港買動漫周邊好多時都要網購啦

咪就係囉, 依家已經唔同十幾廿年前,
你依家想買 ACG 週邊比以前方便好多,
有啲好似 Goodsmile 壽屋果啲甚至自己有網店,
上去訂分分鐘仲有機會平過等佢出左先至去舖頭買,
有啲買滿一定金額仲有 Free shipping,
有時甚至有啲網上限定係你去舖頭買都冇嘅,
所以咖喱羊肉嘅講法喺今時今日某程度上已經唔成立

[零式]

有經濟能力一定走,可惜無...

重新開始唔係問題, 只係你有無錢可以比你"重新開始"...就算英國而家比個BC我又點?

[肉羊哩咖]

謝各位指正，本人係 肉羊哩咖，同「咖哩羊肉」無任何關係～

而家英帝都只係口講話睇情況畀港人嚮度工作 12 個月咁大把，呢班脫歐派講到尾最憎移民，睇死佢都係 lip service 居多，睇報導佢四月個 GDP 跌足 4成，畀你去到都未必搵到嘢做～

[ben wai]

Freedom of Movement by the way with roo

[Kinny Riddle]

作者: 肉羊哩咖

謝各位指正，本人係 肉羊哩咖，同「咖哩羊肉」無任何關係～

而家英帝都只係口講話睇情況畀港人嚮度工作 12 個月咁大把，呢班脫歐派講到尾最憎移民，睇死佢都係 lip service 居多，睇報導佢四月個 GDP 跌足 4成，畀你去到都未必搵到嘢做～

我又唔係咁睇喎，我同班英國唔少人傾過，佢哋政見左中右脫歐留歐蘇獨都有，都係一面倒歡迎港人嚟英國打天下。佢哋對香港人嘅態度係唔同對南亞及阿拉伯非洲裔人，一來香港人係富庶啲及受過教育高啲，實吸引有一定數目專才，二來文化差異唔會太大，唔驚因為宗教文化唔同而搞到衝突。

況且英國嘅建議係講到明BNO係做乜都得，但無得R福利，既然唔會同佢哋爭福利係咁就更加放心俾你嚟囉。

不過就應該唔會真係所有三百萬人過晒嚟咁誇張，而且而家疫情搞到全球經濟低迷，去到果度又係要從零開始。

[歌絲˙暮斯]

97 前 BNO 總數有 300 萬

近年最新數字，有效既有 30 萬左右
由手機版發出

[肉羊哩咖]

作者: Kinny Riddle

況且英國嘅建議係講到明BNO係做乜都得，但無得R福利，既然唔會同佢哋爭福利係咁就更加放心俾你嚟囉。

不過就應該唔會真係所有三百萬人過晒嚟咁誇張，而且而家疫情搞到全球經濟低迷，去到果度又係要從零開始。

老細你咁講嘅都有道理，問題係呢方面同佢現有嘅投資移民 visa 無乜分別 — 投資嘅批咗就要過去幾年搞生意，無得打工，等內政部睇你係咪真係投資，係就有批你有居留，唔係就要返歸；BNO 若果成事嘅只可打工；兩者一樣要進貢消售稅，一樣無得爭福利（除咗醫療）。前者今年三月尾已經轉咗唔係投資乜都可以，要創新仲要有人 sponsor 你個計劃。難度大咗好多。而家講緊學澳洲咁玩計分制，睇怕係咁嘅話，除非你未過四廿歲，或者非常有米，唔係都唔洗旨意。

二來係人，出口話畀 BNO 係外交部，移民入境係歸內政部管，而現任內政大臣出咗名右到痺，反移民（雖然佢上一代都係移民）唔在講，爭議性唔低得過佢老細約翰遜，唔信可以查吓。

都係嘅 ： 一來要 reboot 二來又唔係咁多人願改個生活，有冇一百萬人會用都未必。