曼聯躉紅魔鬼地帶[VOL.95]各項賽事三連勝,入球眾數,重上正軌？

[Busconcamp]

迪基亞再送禮　堅尼：我想打死佢！



曼聯作客1比1逼和熱刺，保羅普巴後備上陣做救世主，不過西班牙門將迪基亞就再一次令球迷失望。熱刺翼鋒上半場先開紀錄入波，喺曼聯後半場舞龍咁舞，最後射門雖然有勁度，但角度其實唔係太刁鑽，但迪基亞撲救居然將個撲咗入網，搞到有份評述場波嘅曼聯名宿堅尼扯晒火！

《天空體育》主持堅尼喺半場期間瘋狂發炮：「呢個波(貝雲積入波)令我震驚，我睇過無數比賽，呢啲失球係令人扯火，我係講緊哈利馬古尼，同埋一個睇到我想死嘅龍門(迪基亞)。畀着係我，半場嗰陣我會喺更衣室打死佢(迪基亞)，馬古尼同迪基亞完場之後都唔使上隊巴，叫佢哋自己坐的士返曼徹斯特，迪基亞係我咁耐以嚟見過最名大於實嘅球員。」

[Busconcamp]

A山有得留效國際米蘭多1年



阿歷斯山齊士今季被曼聯外借去國際米蘭之後，表現仍然冇乜起色，曾多次傳出國米將於今夏放棄佢。不過，根據意大利傳媒爆料，國米正在同曼聯商討續借A山多兩個月，以便完成今季賽事，與此同時亦唔排除再借用呢位31歲智利國腳多1季。

據悉，國米教練干地有意喺餘下賽事重用阿歷斯山齊士，包括嚟緊周一(22日)凌晨，派佢擔任正選，出戰森多利亞。

A山亦豪言自己已經準備好，隨時可以上陣。A山喺近期操練中，表現出色，狀態更勝2位正選前鋒盧卡古、拿達路馬天尼斯，令干地對佢另眼相看，希望再畀機會佢。加上拿達路馬天尼斯可能轉投巴塞隆拿，所以國米考慮再借用A山多1季，以備不時之需。

A山周薪達50萬鎊，現時由曼聯同國米共同分擔，其中國米只支付4成人工，如果再續借多1季，兩間球會支付A山人工嘅比例，就要再傾過，成為雙方最大分歧。

[Busconcamp]

麥湯米尼同紅魔鬼續約到2025：非常興奮



23歲中場麥湯米尼獲得領隊蘇斯克查給予穩定的一隊上陣機會。今次簽新合約，他跟曼聯官網表示：「非常興奮，你見到我們現在的球隊，實在很棒。外面的人看也應該會覺得我們真的有機會做得很出色。我們必須腳踏實地，每日努力訓練，聽從教練團隊的指示，並嘗試將他們的理念實行到球場上。」

蘇斯克查傾向倚重球會的青訓產品，麥湯米尼亦十分同意領隊的方針，並坦言希望自己可以為小球員們展示好榜樣。(Goal.com)

[Busconcamp]

蘇B為迪基亞反擊堅尼：連他也阻不到入球

【Now Sports】曼聯名宿堅尼在對熱刺比賽裡炮轟迪基亞把關不力，領隊蘇斯克查維護迪基亞指這名昔日隊友也無法阻止這記入球。

曼聯名宿堅尼（Roy Keane）評論紅魔對熱刺的比賽時，狠批迪基亞遠被高估，並指中場休息時會揍他一頓。眼見昔日隊友如此批評麾下球員，領隊蘇斯克查（Ole Gunnar Solskjaer）也開腔回擊：「堅尼是一名出色球員，也是我的好友之一，我也不肯定他百份百能夠阻止這球入球。」 「但這不是重點，其實迪基亞對無法擋出這球感到失望，因為球在空中改變了方向。我們失守後態度仍然保持積極，迪基亞在5分鐘後也有成功的撲救，至少在半場之前我們仍然保持是落後一球的情況。」蘇斯克查補充指。

今仗焦點還有普巴的復出，蘇斯克查提到：「普巴經歷了一場傷患惡夢，但我敢肯定所有人都看到他對比賽的渴望。而且他的質素是有目共睹，無論是協助華舒福的傳送，或是搏得12碼，都表示他是世界最佳球員之一。曼聯希望薈萃所有最佳球員，普巴亦證明他能夠和般奴費蘭迪斯合作。」 曼聯戰罷熱刺後，下周將會主場迎戰錫菲聯，其後再作客白禮頓。

[Busconcamp]

D1
S23
M5
L2
W29
M31
P6
F18
R10
G26
M9

Sub:

R22
B3
W53
M39
F17
M8
P15
J21
I25

[Busconcamp]

6分鐘
M9接應R10橫傳,
近門快腳篤入
1:0

43分鐘
W29右路地波,M9門前輕鬆掃入
2:0

73分鐘
R10>M9挑入
3:0

[Busconcamp]

馬斯亞戴帽搶fo 曼聯3：0起「菲」

【Now Sports】雖然普巴、般奴費蘭迪斯在周三英超首次齊擔正，但馬斯亞轟入3球搶盡風頭，帶領曼聯主場大勝錫菲聯3:0。

曼聯有中場普巴重返正選，跟般奴費蘭迪斯擔任雙核，為馬斯亞（Anthony Martial）、華舒福、美臣格連活鋪橋搭路。錫菲聯門將施蒙摩亞今季第2次上陣，取代因借用條例未能出戰的甸軒達臣。

開賽僅6分鐘，華舒福突破後傳中，馬斯亞在近柱射入，紅魔領先1:0。雖然中堅哈利麥佳亞頂入後被判詐糊，但曼聯仍然在完半場前憑馬斯亞再建一功，擴大優勢。

下半場戰至74分鐘，馬斯亞跟華舒福做one-two後笠入，助紅魔奠定3:0勝局；這名法國國腳取得生涯首次帽子戲法，而且今季在英超已累積14球，打破個人紀錄。

最尾3位的球隊，諾域治主場以0:1不敵愛華頓，般尼茅夫作客狼隊僅負0:1，阿士東維拉出訪逼和紐卡素1:1。今輪後3弱排名不變，諾域治以21分包尾，尾2維拉、尾3般茅同得27分，後者得失球差較佳，至於安全線上的尾4韋斯咸也是27分。

[Busconcamp]

韋達：曼聯勁到Mark唔到



【Now Sports】周三英超，曼聯大勝錫菲聯3:0，錫菲聯領隊韋達坦言曼聯是日表現流暢，令球員難以防守，成為今仗的落敗關鍵。

劍指歐洲賽席位的錫菲聯在作客奧脫福時再受打擊，被馬斯亞大演帽子戲法之下痛失3分，領隊韋達（Chris Wilder）表示：「曼聯第3個入球是漂亮的入球，絕佳的組織和走位，他們全場的動作都非常流暢，令球員難以貼近防守。這是令人失望的事，也讓我們陷入被動，結果給予頂尖球員足夠的空間掌控比賽，對他們來說這場比賽是非常容易的比賽。」

英超賽季重啟以來，錫菲聯的表現一落千丈，前兩輪分別悶和阿士東維拉及不敵紐卡素，今仗作客奧脫福再吃敗仗，韋達直言是今季最難捱的一場賽事：「即使狀態不佳，我們仍希望在今場比賽爭取立足之地，但顯然沒有發生。上半場先失一球後，我們對世界級球員的防守就變得相當廉價。」

「我和助教談過，如果我們在上半場能夠取得1:0的優勢，就很大機會贏得今場比賽，可惜最後由紅魔實行我們的計劃，上半場領先我們1:0，雖然下半場還有45分鐘，但我們還是有不少失誤導致落敗。」韋達補充道。

[Busconcamp]

蘇B：一直訓練馬斯亞觸覺

【Now Sports】射手馬斯亞在周三英超連中三元，協助曼聯主場以3:0炒錫菲聯，換來領隊蘇斯克查賽後激讚。

馬斯亞（Anthony Martial）今場極有效率，4次埋門，3次射中目標，取得3個入球，除了成就個人生涯首次帽子戲法之外，更是自傳奇領隊費格遜退休後，首名戴帽的曼聯球員。

今季讓馬斯亞改任9號位的蘇斯克查坦言為對方高興：「第3個入球很漂亮，但對我來說，第1、第2球更好。我們一直訓練他在禁區的觸覺，希望更常爭取到這樣的機會，他已經準備就緒。」

對於中場普巴、般奴費蘭迪斯首次正選合作，蘇B認為：「兩人都展示出質素，我們很期待與這樣的天才球員合作。我們控制了比賽，踢出美妙的足球，今場本應可以取得更多入球。」

[Busconcamp]

FA Cup

[Busconcamp]

11打10
加時118分鐘先靠M5門前混戰督入,
浪射多過中龍
與其話告爾上身,倒不如話隊波係禁區頂唔知踢乜

[DevilElvis]

曼聯始終都係冇啲解決老鼠拉龜嘅球員

[Busconcamp]

誓死效忠！拉舒福特話永不離開曼聯



曼聯22歲前鋒拉舒福特年紀輕輕已經成為球隊絕對主力，最難得係對紅魔鬼忠心一片，根據曼聯名宿艾拉爆料，佢同「福仔」私下傾過，呢位天才射手言之鑿鑿，話永遠唔會轉投其他球隊，要效力曼聯至掛靴為止。

現時擔任曼聯青年軍教練嘅艾拉話：「我之前同拉舒福特進行過一次對話，當時仲係摩連奴執教曼聯，佢話自己過得唔開心，仲有好多球隊邀請佢加盟，遊說佢離開曼聯，但佢同我講，永遠唔會離開曼聯，因為曼聯係世界上最佳球會，我聽到都好感動。」

拉舒福特今季於各項賽事為曼聯上陣32場入19球，並已續約至2023年，周薪達20萬鎊，梗係唔想走啦。

[Busconcamp]

曼聯同麥湯米尼續約至2025年



曼聯同麥湯米尼簽新合約，呢名蘇格蘭中場將會喺紅魔鬼效力至2025年，並附帶條款可以延長合約1年。

23歲嘅麥湯米尼本來同曼聯仲有3年合約，依家球會提早提供一份新合約，可見對佢非常重視。麥湯米尼2012年加入曼聯青訓，至今為紅魔上陣75場射入6球，今季更被領隊蘇斯克查視為主力球員，其中一場代表作，係曼市打吡離門40碼射入空門，協助紅魔擊敗曼城。

領隊蘇斯克查表示，麥湯米尼自佢上任以嚟都係球會重要成員，來來幾年佢將會成為球隊嘅重要資產，期望佢不斷進步。

[Busconcamp]

蘇斯克查：曼聯未夠料爭英超



曼聯現時在英超排第5，英足盃同歐霸盃仲爭緊，人腳仍在重整當中，領隊蘇斯克查戴定頭盔，認為曼聯仍未具備英超爭冠條件，希望各方耐心等待。

紅魔管理層畀足時間蘇帥重建球隊，季初高價買入哈利馬古尼，季中再收購波基斯費南迪斯，陣容調整後愈打愈好，已經累積12場不敗，蘇斯克查坦言：「現有人腳我都幾滿意，不過距離英超爭冠仍有一大段距離，明顯仲未比得上利物浦同曼城。」

「曼聯現時目標，係挑戰歐霸盃同英足盃，以及取得英超第4名，之後再決定來季擴軍規模。」有報道指，曼聯必須確定來季歐聯席位，才會斥資超過1億鎊向多蒙特收購查頓辛祖，如果未能參加歐聯，收購計劃便會擱置。

[Busconcamp]

馬迪爾「戴帽」！曼聯炒起錫菲聯



曼聯喺周四(25日)凌晨英超主場以3比0擊敗錫菲聯，紅魔鬼前鋒安東尼馬迪爾包辦3個入球，自7年前尹佩斯之後，再有曼聯球員上演帽子戲法，亦係費格遜退休之後，首位「戴帽」嘅紅魔鬼球員，意義重大。

安東尼馬迪爾今場盡顯「小禁區殺手」本色，開波7分鐘就接應拉舒福特右路傳中，窄角度飛身鏟入，之後喺幾乎同一個位置又入1球。

下半場中段，又係拉舒福特助攻，安東尼馬迪爾入楔冷靜挑高個波入網，非常瀟灑，亦係呢位24歲法國國腳職業生涯第1次上演帽子戲法。

安東尼馬迪爾今場有4次射門，就入咗3球，效率極高，佢仲有5次嘗試過人，26次傳球有24次成功，表現非常搶鏡。

事實上，安東尼馬迪爾今季狀態大爆發，於各項賽事已經入咗19球，係佢加盟曼聯5年以來，最高單季入球數字，證明自己配得上代表首席射手嘅9號球衣。

[Busconcamp]

雙核威力勁！曼聯13場不敗爭雙冠王



曼聯以3比0擊敗錫菲聯之後，於各項賽事已經保持13場不敗，踢出球隊今季最強氣勢，波基斯費南迪斯同保羅普巴第1次一齊正選上陣，立即製造大勝，終於令曼迷睇到紅魔王朝復興嘅希望，就算今季無緣英超錦標，但要爭做歐霸盃及英足盃「雙冠王」仍然好有機會。

曼聯對上1次輸波已經係1月主場不敵般尼，其後於聯賽及盃賽取得9勝4和，期間包括擊敗曼城及車路士，今場大勝爭前4位對手錫菲聯3比0，令對方遭受今季最大敗仗。

曼聯可以贏得咁漂亮，除咗前鋒安東尼馬迪爾腳風順入3球之外，2位天價中場波基斯費南迪斯同保羅普巴首次正選合作，亦發揮重要作用。

2位大牌球星今場主宰中場，令曼聯組織進攻暢順，其中第2個入球，波基斯費南迪斯帶波到中路，做出假動作後，傳畀普巴，呢位法國國腳再分畀雲比沙卡傳中，由馬迪爾射入，過程賞心悅目。

曼聯第3個入球亦係由「6+18」發動，當時普巴右路直傳，波基斯費南迪斯第1次時間後腳彈畀馬迪爾，後者同拉舒福特配合後射入。

雖然波費同普巴今場並冇直接助攻，但2人之間嘅簡單配合，已經可以牽引對手防線，令隊友們有更多空間走位攻門。正所謂得中場、得天下，曼聯中場線有雙核，得天下指日可待。

[Busconcamp]

馬古尼加時建奇功！曼聯殺入英足盃4強



曼聯運勢返晒嚟，紅魔鬼於周日(28日)凌晨英足盃8強，即使派出多位後備上陣，以半力出擊，仍然憑中堅哈利馬古尼於加時尾段入波，作客以2比1擊敗諾域治，向「雙冠王」目標又行近一步。

曼聯領隊蘇斯克查對今場正選陣容作出多個調動，包括由2號門將羅美路把關，艾歷拜利、達洛治、連格、恩哈路都擔正，並由「中超殺手」恩哈路於51分鐘入波先開紀錄，諾域治由中場簡威爾建功扳平，法定時間打和1比1，需要加時分勝負。

賽事轉捩點發生喺89分鐘，諾域治防中添姆高路斯被逐，令曼聯喺加時佔上風，並於完場前2分鐘，由身價達8000萬鎊(約7.7億港元)嘅哈利馬古尼於門前混前中鏟入，贏2比1率先打入4強。雖然曼聯今季無緣英超錦標，但英足盃同歐霸盃都仲叫緊胡。

[Busconcamp]

【賽後解碼】曼聯最明智係留住恩哈路



曼聯可以淘汰諾域治，晉身英足盃4強，除咗靠哈利馬古尼加時攻入致勝1球之外，前鋒恩哈路表現亦可圈可點，呢位「中超借將」今場先以一記高難度轉身「虎尾腳」凌空射入，為曼聯打開紀錄，並於89分鐘博到對手添姆高路斯犯規被逐，令紅魔鬼可以喺加時人多打人少情況下，贏波晉級。

恩哈路今年1月尾以借用身份由中超上海申花加盟曼聯，引來唔少球迷質疑，但佢迅速融入球隊，加埋今場建功，為紅魔鬼上陣11場入5球，如果單計正選，更加係4次踢正選入5球，效率極高。

原本借用期只係去到5月31日，但由於新冠肺炎大爆發，令英超等賽事延期，曼聯一度就買斷或續借恩哈路一事，出現分歧，呢位30歲尼日利亞上月尾幾乎被逼離隊。

好彩曼聯最終同上海申花傾掂數，續借恩哈路多半年，否則紅魔鬼今場能否晉級都係未知之數，亦證明曼聯留住恩哈路，絕對係明智之舉。

事實上，盧卡古離隊之後，曼聯缺乏1位正前鋒，即使拉舒福特、安東尼馬迪爾入球數字唔錯，但亦難以發揮恩哈路衝鋒陷陣嘅作用，有佢在陣，令曼聯鋒線進攻招數更多元化，與其不斷續借，不如直接買斷恩哈路。不過，隨住恩哈路表現愈來愈好，恐怕佢現時身價已經唔係之前所講嘅2000萬鎊。

[Busconcamp]

曼聯夢碎　世少冠軍隊長約滿離隊



一度被視為曼聯未來巨星嘅英格蘭世少盃冠軍隊長安祖高美斯，加盟4個球季以來甚少上陣，其合約將於周二(30日)結束，曼聯會方未有延長合約舉動，這位19歲天才即將結束紅魔生涯，來季另覓發展。

2000年出生嘅安祖高美斯，可選擇代表英格蘭、葡萄牙及安哥拉3個國家，而佢揀咗英格蘭，仲係U16至U20嘅必然成員，並擔任隊長，同時由於佢喺曼聯青訓出身，一隊好快就同佢簽職業合約，提拔佢上一隊。

安祖高美斯喺國家梯隊表現出色，以隊長身份帶領英格蘭奪得U17世少盃冠軍，亦係曼聯1953年以來最年輕上陣球員，佢喺2017年5月對水晶宮上陣，以16歲263日打破朗尼保持嘅舊紀錄，亦係英超首位2000年出生嘅上陣球員。

不過4季以來，安祖高美斯僅在英超上陣5場，連同其他賽事，4季僅亮相10場，雖然曼聯好想捧佢做巨星，但似乎捧唔起，英國《天空體育》報道，安祖高美斯同曼聯合約於周二到期，領隊蘇斯克查表示：「未聽聞球會打算這幾天同佢見面，達成什麼協議。」安祖高美斯嘅紅魔之旅，至此結束。

[Busconcamp]

曼城、車路士晉級　英足盃4強戲碼超勁



英格蘭足總盃4強產生，曼城同車路士喺周一(29號)凌晨有驚無險攜手晉級，將會同曼聯、阿仙奴會師4強，呢4隊波包辦晒過去11屆英足盃嘅10屆冠軍。4強抽籤後，曼市雙雄會分途出擊，曼城抽中對阿仙奴，而曼聯就會硬撼車路士，兩場4強賽事同決賽都會喺溫布萊球場上演。

曼城喺8強作客紐卡素贏得輕鬆，上半場有加比爾捷西斯博到12碼，奇雲迪布尼操刀先拔頭籌，下半場再有史達寧禁區外轟入，以2比0贏波晉級。另一場8強李斯特城大戰車路士，上半場車路士表現麻麻，領隊林柏特半場期間一口氣換入3個球員，其中一個入替嘅巴克里就喺63分鐘攻入全場唯一入波，帶領車仔小勝1比0晉級。

曼城係冠軍大熱，車路士次熱。曼城今季已經贏咗英聯盃冠軍，依家仍然有機會贏英足盃同歐聯，繼續向住盃賽「3冠王」目標進發。

英足盃4強抽籤

曼城 Vs 阿仙奴

車路士 Vs 曼聯

比賽地點：溫布萊球場

比賽日期：7月18日及19日

[Busconcamp]

費南迪斯起孖！曼聯大勝破38年宿命



周三(1日)凌晨英超，曼聯又贏1場，作客以3比0大勝白禮頓，紅魔鬼中場波基斯費南迪斯個人梅開二度，包括接應保羅普巴傳送射入，盡顯「雙核」威力，今場波亦係曼聯自1982年之後，首次作客擊敗白禮頓。

曼聯今場開波16分鐘，就由18歲新星格連活特個人突破射入，之後成為波基斯費南迪斯表演時間，佢先係接應保羅普巴橫傳，於禁區頂射入。呢位葡萄牙國腳第2個入球仲精彩，當時格連活特左路傳中，「波費」凌空抽射入網。

25歲嘅波基斯費南迪斯今年1月以5500萬歐元轉會費，由士砵亭加盟曼聯後，迅速成為球隊核心，至今為紅魔鬼上陣13次，射入6球及4次助攻，曼聯喺呢13場比賽，取得9勝4和，換言之只要波基斯費南迪斯有份踢，球隊就可以保持不敗。

最難得係波基斯費南迪斯同另1位中場球星保羅普巴迅速建立默契，2人今場仲合力創造入球，令球迷對「雙核」充滿期待，紅魔鬼下季或者可以王者再臨。

值得一提，白禮頓2017年升上英超之後，過去2季聯賽主場都擊敗曼聯，紅魔鬼今次終於打破宿命，贏番1場，證明球隊已全面復甦。

曼聯於各項賽事已經保持15場不敗，現時於英超落後踢少1場嘅車路士2分，仲有機會爭入前4位。

[Busconcamp]

格連活特複製「大哨」入球！直逼朗尼紀錄



曼聯作客以3比0擊敗白禮頓，除咗梅開二度嘅波基斯費南迪斯之外，今場出任正選嘅18歲新星格連活特表現亦非常搶眼，射入1球及貢獻1次助攻，佢嘅入波更似足巴西傳奇射手「大哨」朗拿度嘅招牌式入球。

當時格連活特於右路盤球突破，殺入禁區之後，面對白禮頓3位球員夾擊，佢做出兩次「插花」假動作，呃過對手後再射入，呢招正係「大哨」全盛時期最煞食嘅射門，年紀輕輕嘅格連活特已具備呢種級數嘅射術，的確令人驚喜。

格連活特今季各項賽事已經射入13球，就算另1位曼聯天才射手拉舒福特19歲前，亦只為紅魔鬼入12球。

同埋格連活特今季英超已有6球進帳，根據OPTA統計，佢成為自2003/04年球季嘅朗尼之後，第1位可於單季英超入到6球嘅18歲球員，當年朗尼效力愛華頓，入咗9球，格連活特今季仲有機會超越呢位曼聯名宿。

[Busconcamp]

曼聯傳奇射手受怪病困擾　可能得番1年命



曼聯傳奇射手高爾自從2017年接受腎臟移植手術之後，身體健康狀況不斷轉差，呢位48歲前英格蘭國腳近日透露，擔心自己過唔到50歲生日。

高爾接受英國傳媒訪問時，表示因為新冠肺炎大爆發，自己1個人生活，足足有8星期冇出門，直至上星期先至有女兒去探望佢：「我個女來陪我，係我近9星期第1次同人接觸，當時阿女話許咗個願望，就係要爸爸勇敢活下去。」

高爾仲話自己同女兒講過，如果可以活到50歲，已經好開心，依家最擔心會出現腎衰竭，佢話：「如果有1日我醒來發現自己腎衰竭，我仲可以再承受多1次手術嗎？仲捱得過嗎？」

高爾球員時代曾經效力紐卡素、曼聯、曼城等多支球隊，最威水係效力曼聯期間5次捧英超冠軍，包括1999年成為三冠王，佢同約基被稱為「黑風雙煞」，成為曼聯經典鋒線組合。

[Busconcamp]

感動！格連活特慶祝手勢有特別意思



曼聯18歲新星格連活特喺上場英超對白禮頓，入波之後做出「A」字手勢，到底係乜嘢意思呢？原來係代表將入波送畀今夏約滿離隊嘅安祖高美斯。

格連活特同大佢1歲嘅安祖高美斯都係曼聯青訓產品，2人自細一齊受訓，非常老友，但安祖高美斯未獲續約，過咗6月30日就會以自由身離隊。

格連活特入波後，做出「A」字手勢，A代表Angel，即係安祖高美斯嘅名字，向呢位好兄弟道別。

安祖高美斯見到都非常感動，佢喺社交網上話：「唔使講嘢，兄弟，我愛你，特別嘅球員，謝謝你將入球送畀我。」格連活特回應話：「承諾就係承諾。」

睇嚟格連活特喺比賽之前，已經下定決心，今場一定要入波送畀安祖高美斯。