曼聯躉紅魔鬼地帶[VOL.96]21日內7場地獄賽程展開

[Busconcamp]

蘇斯克查談及卡雲尼：「他足球經驗豐富。不過需要面對的挑戰是好像要與威廉斯和格連活特溝通的語言障礙。 卡雲尼未懂得說英語，還在學習中，但是他們每天在訓練中溝通。在球隊中，需要有不同配搭，在經驗和年輕球員之間取得平衡。 對於我們的年輕球員來說，一班年過30的球員如馬達，馬迪、迪基亞和卡雲尼是他們的榜樣。我們沒有很多這些球員，但他們非常重要。 我喜歡年輕，我喜歡熱情和激情，但也需要經驗。 這就是我們把卡雲尼帶進來的原因。」

[Busconcamp]

文仙尼教得好　曼聯又想簽佢



文仙尼率領意大利擊敗波斯尼亞，在歐國聯順利出線4強，意大利喺佢執教2年來錄得22場不敗，迫近2006年7月奪得世界盃冠軍以來最佳成績，該國傳媒爆料，由於文仙尼教得好，已經吸引曼聯關注。

意大利現時保持22場不敗走勢，主帥文仙尼功臣至偉，佢執教2年來，成功帶領意大利殺入歐國盃決賽周，喺今屆歐國聯亦打入4強，意大利對上一次有此不敗走勢要數到2006年7月，當時由納比執教，以25場不敗成績奪得2006年世界盃冠軍。

文仙尼嘅領軍能力以及所得成績，獲得外界認同，被視為歐洲頂級主帥，佢同意大利足總到2022年約滿，意大利希望同佢續約，但文仙尼似乎唔太心急。

文仙尼曾經在英超豪門曼城執教，熟悉英超運作，意大利《共和報》報道，曼聯已開始關注文仙尼動向，文仙尼如果想重返英超，機會多的是。

[Busconcamp]

基迪拉想去英超搵食　3大豪門爭住要



祖雲達斯中場基迪拉今夏離隊不成，搞到被球會雪藏，今季仍然未上陣過，據悉呢位33歲德國老將希望明年1月轉會市場重開後，轉投英超球隊，其中曼聯、熱刺、愛華頓都有興趣簽佢。

基迪拉將於明夏約滿，佢曾經提出同祖雲達斯提早解約，以自由身走人，但會方堅持要收轉會費，最終反晒面，教練派路亦將佢打入冷宮。

基迪拉等到明年1月就可以同其他球會傾加盟問題，佢有意去英超搵食，更揚言踢英超係佢自細嘅夢想，隨即引起曼聯、熱刺、愛華頓注意。

曼聯領隊蘇斯克查一直想簽基迪拉，改善中場攔截力，雖然蘇B近年推行年輕化，但早前仍然簽入33歲嘅卡雲尼，所有唔排除簽埋基迪拉。

至於熱刺領隊摩連奴執教皇馬時期，曾經同基迪拉合作過，非常欣賞呢位悍將，有意再次搵佢幫手。

愛華頓領隊安察洛堤同樣係執教皇馬時，曾經同基迪拉共事，了解對方實力，「肥安」今季都向皇馬簽入舊部占士洛迪古斯，隨時簽入基迪拉都唔奇。

[Busconcamp]

雙紅齊出手　冬窗搶奪萊比錫中堅



冬季轉會窗仲有個多月就到，對於利物浦嚟講佢哋急須買個有實力嘅中堅，而曼聯亦一直希望買個頂級中堅嚟夾哈利馬古利，英國《鏡報》報道，利物浦同曼聯同時睇中RB萊比錫中堅烏柏美卡奴，雙方都準備出手斟介，隨時爭崩頭。

利物浦喺華基爾雲迪積克重傷收咧後，早就部署冬窗出手物色具份量中堅，22歲嘅法國中堅烏柏美卡奴成為目標人選，至於曼聯同該中堅一直有聯繫，紅軍出手在即，曼聯亦要加快斟介步伐。

據報道，除兩支英超豪門，拜仁慕尼黑亦對烏柏美卡奴有興趣，不過該球員同RB萊比錫合約嘅違約高達4000萬鎊，拜仁已放棄收購，依家最有機會簽佢嘅，唔係利物浦就係曼聯，畀着你係球員，你想去邊隊？

[Busconcamp]

VAR兩次幫手！曼聯由輸變贏



周日(22日)凌晨英超，曼聯上演「爭議10分鐘」，全靠VAR幫手，以1比0擊敗西布朗，終於取得今季英超首場主場勝仗。

曼聯對住今季聯賽仲未贏波嘅西布朗，都陷於苦戰，踢到下半場2分鐘，更加幾乎先失守，當時般奴費南迪斯喺禁區內疑似踢跌對手干拿加歷查，球證大衞古特一度判罰12碼，但佢睇完VAR之後，認為般奴費南迪斯並冇犯規，取消12碼判決。

9分鐘之後，輪到曼聯博到12碼，般奴費南迪斯主射被西布朗門將森莊士東撲出，但球證大衞古特又要睇VAR，發現般奴費南迪斯起腳前，森莊士東腳部已經提早離開龍門白界線，需要重射，結果般奴費南迪斯今次勁射入網，真係唔入射到入。曼聯10分鐘之內，由幾乎落後0比1，變成領先1比0，來回兩球，夠晒戲劇性。

曼聯9月英超對白禮頓，球證吹雞完場，但翻睇VAR，改判12碼，由般奴費南迪斯射入，全取3分，VAR今場又「建功」，可以話曼聯今季「最佳12人」。

[Busconcamp]

點解曼聯贏得咁辛苦？謎底終於解開



曼聯對住今季聯賽仲未贏波嘅西布朗，僅靠博到12碼，險勝1比0，實在令人費解。根據squawka統計，原來曼聯前鋒球員今季英超射門轉化成入球嘅比率，只有7.7%，屬於20支英超球隊之中最低，難怪想入1球波都咁辛苦。

拉舒福特今季英超19次射門，只入2球，安東尼馬迪爾8次射門，格連活特7次射門，同樣冇波入。

老將卡雲尼5次射門入1球，已經係4位前鋒之中，射門轉化成入球比率最高嘅前鋒。總括而言，4人合共39次射門，僅入3球，比率只有7.7%，所以對住西布朗，都要靠12碼，先至入到波。

根據《曼徹斯特晚報》民意調查顯示，有60%受訪者認為，曼聯領隊蘇斯克查應該用卡雲尼踢正選，或者可以提升曼聯鋒線入球能力。

[Busconcamp]

[多奇出品] - 曼聯主場對西布朗賽後檢討



今場曼聯喺主場有17次射門之下，僅僅靠般奴球十二碼以1:0贏咗西布朗，以8戰得13分排第9位，總算喺主場打開勝利之門。雖然球隊贏波，但對住下游嘅西布朗踢得咁辛苦，問題究竟喺邊度？

一、馬斯亞、福仔欠缺製造機會同破門能力。踢前鋒嘅馬斯亞同福仔始終係踢翼鋒出生，要佢哋帶住個波以速度後上扭過人攻門係無問題，但要佢哋作前點保持控球權、走位去突破越位單刀、做一啲前場駁腳、頭搥同搶點攻門係比較困難。當然我唔可以話馬斯亞同福仔一無事處，佢哋亦都有優點就係速度同反應快、踢波又唔茅，不過已經講過好多次佢已經俾人睇通晒。吓吓都要交到腳波，但波到腳後就俾後衛用身位撞開，失去控球權；交啲走位波俾佢哋又經常唔為意導致交失波，所以對方後衛只要留意住球隊地面組織就已經守到大部份攻勢。

另外，馬斯亞射門風格屬於冷靜型，係睇定嚟食，但如果對方門將捉到路就好容易救到個波，好似上半場15分鐘，麥佳亞傳俾福仔，然後福仔橫傳般奴即彈俾馬仔，佢冷靜地一射，龍門捉到路撲出。仲有佢哋少入小禁區攻門，完全無利用到泰利斯斬波優勢，泰利斯係要到27分鐘先從左路斬出第一球，而且得般奴走入禁區。到39分鐘，泰利斯先斬出第二球波，仲要無人接應。福仔射門決心就夠大，今場48分鐘有球波佢拉弓勁射，個波直飛左上角，最後就俾對方門將莊士東擋出，之後可惜都係無咩入禁區迎波攻門。

二、前線攻擊瓣數少，直接影響般奴同馬達發揮。由於馬斯亞同福仔進攻套路單調，嚴重影響咗般奴、馬達發揮。其實般奴同馬達組織攻勢又得，埋門得分又得。組織攻擊可以係小組入滲、長傳高波、直線單刀，但偏偏馬斯亞同福仔只係得一招控球在腳，就算般奴同馬達傳送地波技術幾高超好，都俾人睇穿。佢哋吓吓俾對手睇穿下傳波，唔俾人截到傳球同搶到腳下球就怪。埋門得分其實般奴同馬達都得，不過有個大問題就係當般奴同馬達上咗去，有邊個可以組織到攻勢呢？福仔同馬斯亞喺無壓力底下成日交失波，搵佢哋幫手組織會令攻擊線更亂，所以球迷點解話球隊攻勢單調咪咁解囉。

雖然球隊踢得唔好，但亦都有值得讚賞嘅地方：



泰利斯表現可圈可點。泰利斯速度快，攔截準，上半場有兩球到位嘅出波。下半場最少三次中途攔截到對方傳球，而且下半場領先一球後，加上默契好咗，做到兩三球小組，製造到埋門。

卡雲尼做到前鋒要做嘅工作。佢不斷喺前線走位，64分鐘般奴就有球直線單刀俾佢，可惜越位在先。除此之外，佢好勤力做逼搶，令到對方唔可以容易地組織攻勢。佢無論喺頭搥爭頂，保護皮球同搶點走位都做得稱職。

費特勤於走動，保護成個中場。費特彌補馬迪速度上嘅不足，全場不斷奔跑補位，延遲對方進攻速度，令到對方唔可以輕易地組織攻勢。再加上費特夠死纏爛打而又唔粗野嘅踢法，為球隊後防建立一道堅固嘅屏障。

迪基亞一球靚救，令球隊不致落後。52分鐘雲拜沙卡漏頂，個波落喺唐辛腳下，人哋睇定嚟射，勁度十足，好彩有迪基亞挺身而出用腳擋到依球必入波。三分鐘之後，般奴就射入十二碼。

球隊贏波固然開心，但前線攻擊力不足問題仍然存在，蘇B有咩方法可以令班年輕球員去調整踢法呢？

[Busconcamp]

曼聯名宿史高斯選出心中曼聯的最佳陣容：「我認為加利尼維爾認為他和C朗拿度、朗尼、迪維斯一起效力的那隊曼聯是最佳球隊。但我自己更喜歡1999年的那四人組合，別誤會我，朗尼、C朗拿度及迪維斯，這是三人組合，打反擊的速度絕對是毀滅性的，但對我來說，我經常以10號位和舒寧咸及約基一起比賽，我很喜歡出任10號位與他們配合聯繫，而蘇斯克查和安迪·高爾亦很出色。 這兩對組合之間沒有很多選擇餘地，我可能會更喜歡這個組合(四人組)，因為我和他們關係更緊密，而在2008年那組合並沒有那麼多。」

[Busconcamp]

曼聯2位門將都要走　迪基亞自己踢埋佢



甸恩軒達臣上季喺錫菲聯表現出色，但今季重返曼聯之後，始終未獲領隊蘇斯克查重用，英國《太陽報》指呢位23歲英格蘭門將已經決定明年1月轉會市場重開後離隊，加上另1位後備門將羅美路亦要走人，曼聯下半季隨時要迪基亞踢晒所有比賽。

據悉，甸恩軒達臣要力爭入選英格蘭國家隊23人名單，出戰明年歐國盃決賽周，如果繼續留喺曼聯坐冷板，好可能會落選英軍，所以必須趁轉會市場重開走人。

英冠球隊般尼茅夫計劃借用甸恩軒達臣，但佢比較想留喺英超比賽，列斯聯、白禮頓都有意簽佢，呢兩隊可能成為甸恩軒達臣新落腳地。

不過，如果曼聯一次過放走晒甸恩軒達臣、羅美路，隨時有滅門危機，可能要等到紅魔鬼搵到合適替補人選，先至會放走佢哋。

[Busconcamp]

般費跳起射12碼　門將：唔公平！



曼聯日前憑般奴費南迪斯12碼奠勝，1比0擊敗西布朗，賽後西布朗門將森莊士東認為球例唔公平，因為球員可以跳起射門，但門將雙腳不准離開白界，佢認為，跳起射門呢個動作，應該禁止。

事實上，森莊士東的確在般奴費南迪斯首次施射成功撲出對方射門，但VAR判斷當時佢雙腳離開白界，因此獲判重射機會，第2次射門般費就成功射入，咁即係「只准般費跳起，不許門將郁腳」。森莊士東表示：「門將不能移動腳步，主射球員卻可以跳起，咁樣唔公平，既然我哋唔可以移動，射球者都唔可以跳起。」

森莊士東嘅講法係有佢道理，英超名宿伊恩胡禮都好認同，佢話：「咁樣的確存在唔公平情況，門將不能移動，射門者卻可以跳起，呢個跳起動作形成不公平情況。最灬平嘅做法，就係射門者助跑後直接起腳，唔可以跳起。」

[Busconcamp]

英超下星期開放觀眾入場　曼聯利物浦冇份！



隨住英國嘅封城令下星期完結，英國政府宣布由12月2日開始，包括足球賽事在內嘅室外競賽運動，可以重新開放畀觀眾入場，不過新例會根據唔同地區嘅風險而實行「三級制」，而根據目前嘅地區分級，曼聯、曼城同利物浦所處城市屬於高風險嘅第3級，所以佢哋嘅球迷仍然被禁止入場。

自今年3月禁止觀眾入場後，英格蘭各級聯賽球會蒙受天文數字損失，熱刺最新公布上季財政報告，就錄得6,400萬鎊虧損，而且預期如果全季都冇觀眾收入，球會將要面臨1.5億英鎊損失。

不過喺新措施入面，阿仙奴、車路士、熱刺等倫敦球會身處第2級區域，即係每場可以有2,000名觀眾或球場一半容量觀眾(以較低者為準)。英超球會當中，只有修咸頓同白禮頓位於最低風險嘅第1級，每場最多可以有4,000名觀眾入場。

[Busconcamp]

曼聯傳奇射手朗尼憶述2004年轉會曼聯的經過：「我知道在2004年歐國盃之前是有選擇權加盟曼聯。我知道當時曼聯想簽我，我認為如果在歐國盃交出好表現能夠提高轉會費，可惜我當時受傷了，並發現了愛華頓當時確實想把我出售套現，正在聽取其他球隊的報價。他們試圖迫使我與車路士簽約，因為車路士出價高昂，不過當我知道曼聯對我有興趣，我就想確認一下他們是否想簽下我。

當我知道曼聯確實想簽下我後，我唯一想去的球會便是曼聯了，對我來說也非常合適。

曼聯實際上想多等一年，直到之後一季才提出收購，但隨後紐卡素開始與愛華頓以及我本人進行會談。那時我心已不在愛華頓了，所以我急不及待地準備去紐卡素了。我與他們交談，我們談到了薪水和我想要的東西。我並告訴他們假如日後曼聯向我招手時必須讓我走。紐卡素對此表示同意，當時我讓曼聯知道這個情況，如果那一刻不進行收購，我將帶一個條款前往紐卡素。 曼聯顯然不希望我去紐卡素，所以我便馬上來到了曼聯。」

[Busconcamp]

蘇斯克查更新球隊傷情：「我希望球員能盡快康復。梳爾及鍾斯也會繼續缺陣。連加特因曾接觸確診患者而正自我隔離。我希望普巴能候命，他今天有進行訓練，但仍感不適及痛楚，因此我們會再作決定。我希望梳爾能在休息了4周後復出但腿筋受傷不宜冒險，他仍然未能一起訓練。希望4周但似乎需要6周的時間才能復出。」

[Busconcamp]

曼聯傳奇史高斯：「對西布朗的比賽是一場醜陋的勝利，希望他們能從中找到點信心。你會好奇如果沒有般奴費南迪斯的曼聯會是怎樣，在他到來之前曼聯在比賽時不能創造機會，哪怕只是一次的機會。」

[Busconcamp]

蘇斯克查談及換人名額達5名的制度：「五名換人制度對比賽沒幫助，但可以給予球員提早休息，因為如果你想在半場時間換入兩個替補球員後仍然有機會作出輪換。這將是一個漫長的賽季，不僅涉及一場比賽，還涉及日積月累的比賽。我喜歡五名換人制度，讓球員覺得在陣容鼎盛的球隊裡能參與其中，尤其是在賽季暫停期間，當球員被告知不在陣容裡，那必須待在家裡，誰也不能見，不能去見朋友，也不能和朋友一起看比賽，因此我們必須照顧球員的心理。」

「我喜歡歐聯正執行中的五名換人制度。般奴肯定不會全勤。我對他在國際賽期只為葡萄牙踢了一場半比賽而感到非常高興。」

[Busconcamp]

2020/21 歐聯分組賽第四場 - 曼聯 VS 巴沙克舒希
全場完，曼聯4:1巴沙克舒希

上半場開段1分鐘福仔試圖帶波入攝禁區起腳但被封阻，6分鐘曼聯先開記錄，雲迪碧克開出角球後般奴禁區外接應遠射射穿網底成1比0。13分鐘雲迪碧克、般奴及卡雲尼踢出小組織後般奴再遠射可惜柱邊出界，18分鐘曼聯再入一球，泰利斯左路傳中後，般奴趁對方門將未有接實門前第一時間射入網成2比0。32分鐘福仔右路半單刀於禁區內被對方球員侵犯，曼聯獲得十二碼，並由福仔主射射右下死角入網成3比0，半場完。

下半場49分鐘對手燙射被迪基亞封出，其後曼聯換入多名球員包括占士、威廉斯及格連活特，61分鐘麥佳亞禁區內接應角球頭鎚頂中但高出，69分鐘格連活特接應隊友短傳後右邊嘗試推過對手並起腳但射中人彈出，74分鐘迪基亞救出對方罰球，但經門線技術檢測後顯示為有效入球，對方追回一球至3比1。79分鐘對方球員遠射中楣彈出，比數直至完場前才有改變，格連活特右路傳中後，占士跑至門前接應形成單刀射地波入網，最終曼聯嬴巴沙克舒希4比1。

[Busconcamp]

連格又撞板　同確診者接觸被隔離



曼聯今晚在歐聯分組賽主場迎戰巴沙克舒希，主帥蘇斯克查在賽前記者會表示，中場連格肯定缺陣，原因係佢最近同確診者有密切接觸，正接受自我隔離。

連格上季為曼聯射入英超埋齋入球後，一直有傳聞獲其他球隊斟介，但最終冇晒下文，而佢雖然留隊，但在英超仍未上陣，僅在英聯盃上陣2場，對上一次上陣係英聯盃對白禮頓，最後9分鐘亮相，入替費特洛迪古斯。

報道指，連格近日被禁止到曼聯訓練場，只能留喺屋企自我操練，佢在社交網上載片段踩健身單車保持運動；蘇斯克查表示，連格嘅隔離即將結束，大家好快會見番佢。

[Busconcamp]

慣性的MOTM，不過原來今場只係般奴今季4場歐聯入面第一場拎MOTM，而今場般奴以一記靚射抽爆網先開紀錄，再於清新空氣嘅奧脫福藉住門將甩手送入空門梅開二度，而且配合著雲迪碧克及卡雲尼更令般奴踢得比較多空間下，輕鬆成為今場MOTM

般奴對巴沙克舒希數據:
59分鐘上陣時間
30次傳球成功
71%傳球成功率
3次關鍵傳球
1次致命傳球
4次奪回球權
4次射門
3次中框
2入球

[Busconcamp]

繼續成為球場鬼見愁，費特繼續响中場掃蕩，令對手中場球員感覺如被毒蛇纏身一樣，令後防壓力大減，不過傳送仍有待改善

費特對巴沙克舒希數據:
65次傳球成功
88%傳球成功率
3次關鍵傳球
1次致命傳球
1次被侵犯
2次犯規
1次攔截成功
8次奪回球權

[Busconcamp]

目前能夠單場交出比般奴多關鍵傳球嘅球員唔多，而泰利斯就係其中一個，而且踢法具侵略性同埋可以幫輕下般奴去開角球嘅重擔

泰利斯對巴沙克舒希數據:
32次傳球成功
78%傳球成功率
4次關鍵傳球
1次犯規
2次奪回球權
1次攔截成功
1次頭搥解圍

[Busconcamp]

蘇斯克查於主場輕取巴沙克舒希後表示：「我感覺到在上半場，你能看到球隊有多直接。球員們希望落場及享受比賽。這是在奧脫福的歐聯主場賽事，我們創造了很多好機會，取得一些漂亮入球，我對此感高興。我們需要多一分來晉級但我們希望成為小組首名。這是我們的目標但PSG正迎面趕上來，因此我們要好好準備。」

[Busconcamp]

大家引頸以待嘅雲迪碧克正選踢足全場，而今場更擔任中場中及攻中2個位置，踢中場中時令般奴可以變得輕鬆並更多空位發揮，而轉任攻中時亦見到其decision making嘅優點及聰明嘅踢法，齋睇數據唔突出，但有睇波就知Donny係正野

雲迪碧克對巴沙克舒希數據:
56次傳球成功
88%傳球成功率
2次關鍵傳球
1次致命傳球
1次犯規
3次奪回球權
1次攔截成功

[Busconcamp]

蘇斯克查更新連迪洛夫和雲拜沙卡的傷勢：「希望他們周末能夠上陣，但我們現在不能確定。連迪洛夫是背部受傷，而雲拜沙卡則是腳踝受傷，因此(作出換人而)無必要冒險了。」

[Busconcamp]

據報道，修咸頓希望在1月轉會窗借用曼聯的班頓威廉斯。去年夏天，聖徒已對班頓威廉斯很感興趣，但被曼聯領隊蘇斯克查拒絕。

班頓威廉斯上賽季為紅魔上陣36次。這名左閘很快就在一隊嶄露頭角，贏得了領隊的信任，成為一名可靠的成員。

不過隨著左閘位置被梳爾及泰利斯佔據，右閘則有雲拜沙卡和科素文沙，班頓威廉斯在本賽季上陣時間已經大幅減少，一月份有可能會落實外借。修咸頓很可能會再次嘗試提出借用班頓威廉斯，也許這一次會成功。

[Busconcamp]

馬達被問及將來是否考慮在教練場上與年輕球員一起，他回答：「說實話，我不知道。現時我只完全集中在球場上能夠做的事情。當然，無論何時有新球員加入球會，或者青訓球員，我都會盡力幫助他們。我知道進入職業足球環境有多困難，所以我嘗試以這種方式提供協助。當然，我的主要重點是繼續享受我的足球和繼續比賽，因為我覺得我可以為球隊付出更多。」