[西片] 英語片綜合區（戲院上限定）

[昏迷童子Sleepy]

本童子睇左d乜L野……

龍珠終有挑戰者喇……

[肉羊哩咖]

等佢上 Netflix 再講。無期望。

[肉羊哩咖]

唔起新樓。講題材，呢套唔係咩主流爆谷大片，但入面粒粒都係天王巨星～～～ 亮點當然係 Matt Damon 再搭 Ben Affelick，由後者執導，仲有 Jason Batman 同 Viola Davis；其實，本人最想知嘅係邊個扮 Michael Jordan⋯⋯

Air，四月五號

[C.Ryo]

RENFIELD - 又B又cult嘅黑色喜劇，Dracula新玩法
Nicolas Cage今次做Dracula幾有氣場，主角RENFIELD 比佢食住做佢隻奴隸獸，亦因受咗Dracula小小能力而可以(啪某啲嘢) 有超人力量，咁打戲就交曬比主角，全片大玩暴力畫面，茄汁橫飛斷手甩頭乜都有，你喜歡睇Mad系黑色優默的話應該會睇得幾開心，不過同場前面有位觀眾可能唔合口味就中途離場了，我就睇得幾開心，片尾無彩蛋但背景不斷有再剪輯一啲各人物片段，其中有啲正片中無出現過，睇埋先走都無妨

[肉羊哩咖]

Reinfield（港譯《吸血鬼奴才: 雷菲爾》）： 同意樓上，亦同意 Cinema Threapy 講法，呢套主要探討一個無責任自戀狂嘅彊屍，同佢個奴隸獸嘅關係，可能太過集中，其他嘅枝葉，就太過大路老梗。由於係人物探討，演員狽重飛，Nicholas Cage 比上一部《喪盡癲材》更放，完全入晒格，做 Reinfield 嘅都幾好，而班配角，Awkwafina 正正經經做戲稱職，反而互助會班閒最正。

故仔大量茄汁同兩關語笑話，覺得啲誇張暴力為咗賣飛，同 The Boys 一樣咁有創意好睇，笑話真係好正。當超英睇都無乜問題。

睇返嘅評論，原來開頭嗰段黑白係跟到足 1933 年有套疆屍片！

[肉羊哩咖]

二戰版 John Wick? SISU，5 月上：


問題係班德國佬邊度整架 DC-3 返嚟㗎？

[肉羊哩咖]

SISU 套片好有塔輪天奴嘅風格，分章節，特別嘅攝影風，係無乜腳啫～當 Inglorious Bastards 同 Django Unchained 混合。主角幾乎完全無口，全部靠其他角式描述。套戲唔長，亦好快入去動作場面，第一幕嘅動作最可觀，後面就爭啲。有啲場口好明顯向《奪寶奇兵》「致敬」；一心睇血腥暴力嘅會好滿意。攝影就爭啲，好多荒野可以拍得好啲。

[C.Ryo]

真・男人的浪漫
睇咗GUY RITCHIE’S THE COVENANT
意外地好睇，片中部份情節應該幾真實表現到interpreter呢個職業，同埋當時前線美軍打塔利班有幾辛酸，
加上兩大男主角唔知係為愛定係為責任出生入死，完全不計後果咁捨命互救，睇到人又緊張又入心入肺，隣座叔叔睇到流下男兒淚，呢套值得入場一看

[肉羊哩咖]

Sound of Freedom 真人真事改編，講男主角有工都唔做，單人匹馬，走去拯救被販賣兒童嘅故事，據聞極之感人



香港上咗。

[肉羊哩咖]

又一套以 AI 為題材嘅電影，The Creator，玩「走難片」諭意路線，八月上：

[亍 ◣]

CQ拍了呢集關於KEN





呢套原本都冇諗睇,不過之前條TRAILER 又好吸引

不過今週點都睇左核彈先....

[肉羊哩咖]

套芭比唔會睇，不過⋯⋯ fine, I am doing it myself!

[C.Ryo]

The haunted mansion 鬼咁多大屋
呢套又估佢唔到唔係純玩鬼怪attraction轉做adventure 笑片，主角線係有小小感性位，加成班烏合之眾集合打鬼，啲鬼就見開果啲咁，相對真恐怖片就直頭係可愛類型，最凶隻大佬係Jared Leto，不過真様只出係掛畫度，隻鬼樣完全係cg都唔知佢真係有冇真身拍，整體ok，叫做幾發揮到個廸廸妮鬼屋主題得黎又有笑有感性有暖心位

[肉羊哩咖]

Strays 係啲成人向嘅真人夾「假」狗片，啲狗造型動畫都 OK，大量屎尿性場面笑話，講 toxic 關係比 Renfield 仲到，啲情節誇張荒謬得嚟，有啲笑料又真係好好笑，最抵笑係玩啲之前以狗做題材嘅電影，聲演之中以 Jaime Foxx 最正。成部戲唔洗 90 分鐘，放低個腦笑吓又幾 OK 嘅。

[肉羊哩咖]

Sound of Freedom 係套真人真事改編電影，講有個美國國土安全部探員 Timothy Ballard，一次行動中救咗個被拐帶咗去做性奴嘅男童，得知佢個家姐都係畀人拐走咗去賣，因為國土安全部管唔到咁遠，佢就辭咗份工單人匹馬去救埋個女仔。

以戲論戲，男主角 Jim Caviezel（The Passion of the Christ、Person of Interest）繼續扮個冷靜講嘢陰聲細氣嘅主角，都 OK 嘅，但係如果一心諗住係嘅刺激鎗戰片，就會好失望；套片幾踏實，主角唔係神勇到拎支鎗走去挑戰犯罪集團，反而係係鬥智，實情主角片入面一鎗都無開過⋯⋯

套戲拍好成五年有多，原本畀霍士買咗發行，但係無耐就跟住霍士電影同時被賣咗到滴住嚟，跟住就放咗去倉底不見天日；係今年班監製就夾錢買返，由專放基督教片嘅 Angel Studio 發行。

故仔作為社會寫實片好引起人注意到人口販賣，現代奴隸嘅問題，講到現今世界淪為奴隸嘅，多過奴隸制仲係合法嘅時代，係好事；套戲講耶穌嘅極少，反而入面班主角啲正義感強到爆。另一套 The Equalizer 3 啲宗教意像可能仲強啲。

不過美國方面就有好大爭議 -- 好喇，原本係好事，但啲陰謀論四圍飛：右派就話滴住嚟特登唔放套片，係有「你明嘅」原因；而左派又鬧呢套係極右啲 FF，又話係「Pizza 門」嘅「續集」，加上主角 Jim Caviezel 嘅天主教背景，加上佢不時公開認同唔少右派嘅陰謀論，令到套片有啲不必要嘅色彩。

現實係以票房計，絕對係今個暑假嘅奇疤，唔止美國撼低好多大片，而家國際上，據聞係好多中南美洲國家上個週末嘅票房冠軍。

[肉羊哩咖]

The Equaliser 3 個名就係系列第三部，但係因為每套都好獨立，故仔又唔係咩複雜嘢，好似本人無睇過前兩套（好似 Netflix 上面有），都無乜所謂。講主角一次去到義大利某個臨海小鎮 -- 啫係啲旅遊節目間唔中見到，個鎮依山起，近海有條公路嗰隻。主角畀個鎮啲居民好心收留，當正佢自己人，點知原來有班惡霸搞事，主角就仗義出頭⋯⋯

單數華盛頓演出好，配角同反派就平板咗啲。有評話似啲意式西部片，睇落都幾似。風景拍得幾靚，動作場面唔少，但係就住主角一把年紀，唔好期望另一套 John Wick，點都好過 Liam Neeson 嗰堆。要挑骨頭嘅，唔洗下下都要硬套扯埋啲恐怖主義㗎～

簡簡單單，成部戲唔洗二粒鐘，當入場歎吓冷氣都幾 OK 㗎。

[肉羊哩咖]

Dumb Money 係講 2021 年，有班散，同班基金大鱷玩 Game Stop「夾倉」嘅事，焦點落咗去一件 YouTuber，幾個佢嘅支者，再加埋當事嘅基金同 Robinhood，故仔就大家知乜事嘅就好明，唔知乜係「夾倉」嘅，導演話知你，唔似同類「真人真事」改篇嘅 The Big Short，會講你知後面啲財經知識。

雖然主要角式唔多，除咗主角同佢啲家人比較有趣之外，跟個主角「開大」嗰班，除咗有個 Game Stop 個員工少少突出，其餘嘅咳咗佢哋都無乜所謂，因為實在唔夠深刻，睇嘅唔會投入。反派係 Seth Rogen 比較突出，佢後面班出資人同 Robinhood 其中一個創辦人，都一樣唔係咁出。

有心睇了解單嘢，不如睇 Netflix 同 Max 啲紀錄片好過。

[C.Ryo]

作者: 肉羊哩咖

The Equaliser 3 個名就係系列第三部，但係因為每套都好獨立，故仔又唔係咩複雜嘢，好似本人無睇過前兩套（好似 Netflix 上面有），都無乜所謂。講主角一次去到義大利某個臨海小鎮 -- 啫係啲旅遊節目間唔中見到，個鎮依山起，近海有條公路嗰隻。主角畀個鎮啲居民好心收留，當正佢自己人，點知原來有班惡霸搞事，主角就仗義出頭⋯⋯

單數華盛頓演出好，配角同反派就平板咗啲。有評話似啲意式西部片，睇落都幾似。風景拍得幾靚，動作場面唔少，但係就住主角一把年紀，唔好期望另一套 John Wick，點都好過 Liam Neeson 嗰堆。要挑骨頭嘅，唔洗下下都要硬套扯埋啲恐怖主義㗎～

簡簡單單，成部戲唔洗二粒鐘，當入場歎吓冷氣都幾 OK 㗎。

之前已睇，呢套單數carry, 不過動作戲只算擺下pose就完事，打得唔夠過癮，記憶中好似前兩集係打得激啲同展示到主角啲爆lvl 技能樹多啲？ 不過今集算係落幕篇，比年事已高主角安享晚年，睇下靚境小鎮都ok嘅

[C.Ryo]

The Nun 2 - 修女登場很優雅

Valak 見咗咁多次已經無乜驚嚇感，女主靚女似乎變成僅有賣點，今集相對玩美術場境設計，幾幕修女現身前戲都有心思，令到人印象深刻，不過女主因身世突然有威能令個結尾短同草草了事咗啲，但好似話之後會接番去正傳做系例完結，咁當你留咗力啦

[C.Ryo]

A Haunting in Venice - 恐怖過the nun

呢套今集又算終章？ 退休白頭神探被老友利用而再度揸案，今次mix 咗鬼片原素，效果唔錯，啲jump scare仲好過the nun 2
楊紫琼個神婆只係客串性角色，不過好得

[肉羊哩咖]

作者: C.Ryo

之前已睇，呢套單數carry, 不過動作戲只算擺下pose就完事，打得唔夠過癮，記憶中好似前兩集係打得激啲同展示到主角啲爆lvl 技能樹多啲？ 不過今集算係落幕篇，比年事已高主角安享晚年，睇下靚境小鎮都ok嘅

講動作，主角有份見到嘅動作印象中得開頭嗰少少， 仲要大部份係「暗場交待」⋯⋯

[Rv250]

作者: 肉羊哩咖

The Equaliser 3 個名就係系列第三部，但係因為每套都好獨立，故仔又唔係咩複雜嘢，好似本人無睇過前兩套（好似 Netflix 上面有），都無乜所謂。講主角一次去到義大利某個臨海小鎮 -- 啫係啲旅遊節目間唔中見到，個鎮依山起，近海有條公路嗰隻。主角畀個鎮啲居民好心收留，當正佢自己人，點知原來有班惡霸搞事，主角就仗義出頭⋯⋯

3集都係貫徹路見不平. 同第一集冇關係, 第二集睇咗會覺得個呢集故事同結局完滿啲.
前兩集有利用環境就地取材嚟打, 特別係第一集, 今集純粹單數開無雙


The Expendables 4唔係睇開可以慳番...其實睇開都可以

[C.Ryo]

作者: Rv250

The Expendables 4唔係睇開可以慳番...其實睇開都可以

睇完Expend4bles係覺得好普通，仲要卡士大不如前，今集得番Christmas（Jason Statham已成action爛片王）加隻改做人咩根fox做主線，龍哥又係年事已高客串下行行企企，票房好似已仆直，可能都無下集

[C.Ryo]

The Creator - SiFi 之 We are family

比予期好睇，世界觀幾好，AI機人同亞洲聯盟變成受害一方， 老美反而係邪惡軸心，啲科技物件載具等等啲設計幾正，由其成日有啲繁體中文字mix日文嘅markings幾吸睛，CG亦有水準，
Hans Zimmer配樂又依舊高水平，主角John David Washington （單數華盛頓呀仔）+ 老婆Gemma Chan + 小妹子Alphie 個主線寫得幾好，幾位亦演得唔錯，結尾算令到觀眾投入到角色們嘅情感，算係近年比較好嘅一套科幻片

[肉羊哩咖]

《特工阿街佬》予告：


好多星，開頭 Sam Rockwell 真係認怇唔到～ 好似過癮爆谷片。

Apple 似乎繼上 Killers of the Flower Moon 搵拍檔進攻戲院，呢套二月上～