烏克蘭加油

[Super Bus]

好似北朝鮮同老俄呢極權國家, 一條人命嘅價值係連一隻蟻都不如

[肉羊哩咖]

有價值，可以死人當活人辦，啲「同僚」謊報，順手抐鬼埋佢啲薪水。當然咁玩唔長，始終要交人就穿。

[flpchoho]

北韓士兵據報已加入俄羅斯對烏克蘭的戰事

美國紐約時報報道，北韓士兵已加入俄羅斯對烏克蘭的戰事，首次與佔領俄羅斯庫爾斯克地區的烏克蘭部隊發生衝突。

報道引述一名烏克蘭官員透露，北韓士兵與俄羅斯部隊並肩作戰，這場與烏克蘭部隊的交戰時間有限，可能是為了探查烏克蘭防線的弱點。

報道又引述一名美國官員說，交戰中有大量北韓士兵被打死。但報道說，目前不清楚這場戰鬥發生的時間。

烏克蘭總統澤連斯基日前表示，北韓士兵似乎已加入戰鬥，他呼籲烏克蘭的盟友協助應對這項新威脅。

https://news.rthk.hk/rthk/ch/compone...3-20241107.htm

[flpchoho]

澤連斯基指北韓士兵已與烏軍戰鬥並遭受損失又稱停火呼籲不負責任

烏克蘭總統澤連斯基，在匈牙利出席歐洲政治共同體峰會時表示，被派到俄羅斯庫爾斯克地區的北韓士兵有11000人，當中部分士兵已經參與同烏克蘭軍隊的戰鬥，並且在戰場上遭受損失。

澤連斯基又表示，提出在烏克蘭停火的呼籲是危險和不負責任，因為無法為烏克蘭提供安全保證，強調必須要有一個明確的計劃。他又認為，若歐洲向俄羅斯讓步以停止入侵烏克蘭亦是不可接受。

匈牙利總理歐爾班之前再次呼籲在烏克蘭停火，認為停火可以為交戰各方進行溝通並開始和平談判，提供空間和時間。

歐生急不及待即刻「做嘢」
就係知對家「老細」換咗人

[Dyhalt Rushifar]

作者: flpchoho

澤連斯基指北韓士兵已與烏軍戰鬥並遭受損失又稱停火呼籲不負責任

烏克蘭總統澤連斯基，在匈牙利出席歐洲政治共同體峰會時表示，被派到俄羅斯庫爾斯克地區的北韓士兵有11000人，當中部分士兵已經參與同烏克蘭軍隊的戰鬥，並且在戰場上遭受損失。

澤連斯基又表示，提出在烏克蘭停火的呼籲是危險和不負責任，因為無法為烏克蘭提供安全保證，強調必須要有一個明確的計劃。他又認為，若歐洲向俄羅斯讓步以停止入侵烏克蘭亦是不可接受。

匈牙利總理歐爾班之前再次呼籲在烏克蘭停火，認為停火可以為交戰各方進行溝通並開始和平談判，提供空間和時間。

歐生急不及待即刻「做嘢」
就係知對家「老細」換咗人

嘔野班果D係正常運作啫。
不過烏國家陣有兩樣要危險，首先硬打兩年結果一個選舉變成死路一條既軍心點維持，另一方面其他國家既然明知佢死硬咁點解唔CUT咗佢留返D錢擴軍？

[肉羊哩咖]

布丁係搵人肉去頂住檔嘢唔好畀佢冧，等對家嘅議和派搶到支咪夠大聲（《回到未來》嗰隻大聲），咁佢就實食無癡牙。都一早講咗拖係兵家大忌，而家唔係阿富汗呢類玩地形嘅戰爭，係無乜遮掩嘅戰爭，真係火力話晒事，布丁金仔「醒」到搵啲廉價嘅肉到同你鬥拖，烏克蘭同西方都無本錢（尤其係肉方面）跟佢手牌。

本人而家傾向好悲觀，要講數，布丁呢條老狐狸，佢深明侵記呢挺舖舖清，唔理中長遠後果嘅玩法，可以要扭扭擰擰繼續拖落去，唔攞盡著數唔停手 -- 好似抐鬼晒佢話係領土嘅四個省，烏克蘭永不入北約歐盟，要改變基輔政府等等，放長線，方便佢逐步食晒烏克蘭；

本大爺有啲是時間同人命，侵仔同你咁熟都好，你唔跪低，俺就唔信你會即刻反枱「提供前所未有嘅武器數量」（侵記訪談講如果布丁唔談判停戰），鬥拋？供應核彈吖笨？核戰俺有大把，鏟平你兩鑊都仲有剩～～～

[flpchoho]

作者: Dyhalt Rushifar

嘔野班果D係正常運作啫。
不過烏國家陣有兩樣要危險，首先硬打兩年結果一個選舉變成死路一條既軍心點維持，另一方面其他國家既然明知佢死硬咁點解唔CUT咗佢留返D錢擴軍？

好黑心/現實講
咁始終比錢烏國佢地自己用自己人民同性命去打，好過佢地自己出兵/人民去打，同埋令Putin無休息的時間去撩其他地方的火

拖住先

[Dyhalt Rushifar]

作者: flpchoho

好黑心/現實講
咁始終比錢烏國佢地自己用自己人民同性命去打，好過佢地自己出兵/人民去打，同埋令Putin無休息的時間去撩其他地方的火

拖住先

問題係淨係得錢係打唔到仗，唔係根本唔駛驚侵上任，而當權者最易諗既PLAN B就係由得烏克蘭被慢吞，自己就認真擴大軍備生產自保，又或者直接波蘭核武裝化。
可以拖當然拖，不過既然最大軍備供應收手既，就算點拖明年夏天基輔轉國旗係必然既事…

[flpchoho]

作者: Dyhalt Rushifar

問題係淨係得錢係打唔到仗，唔係根本唔駛驚侵上任，而當權者最易諗既PLAN B就係由得烏克蘭被慢吞，自己就認真擴大軍備生產自保，又或者直接波蘭核武裝化。
可以拖當然拖，不過既然最大軍備供應收手既，就算點拖明年夏天基輔轉國旗係必然既事…

而家唔用拖都無咩可以做

實際拖幾耐就睇Trump係咩時候Cut軍援＆歐洲個邊可唔可以頂得到定直接迫澤生講和＆下台換人
Trump最快都要下年一月先正式上任，中間呢段時間鳥國應該盡力拎得就拎，睡老人應該都會係收工前盡批
另外歐洲個邊就睇下佢地有冇意志/決心去幫手頂（雖則我覺得無的機會都好大）
始終佢地（NATO個班）都唔想大打一場，情願迫澤生下台＆搵人接觸Putin去講數, 起碼可以拖多幾年

但無左鳥國，佢地就要直接面對Putin，照計佢地應該都會加大軍事工業的生產力來頂住，但可以上到幾多就真心有疑問
你加大軍事生產，Putin都會趁呢幾年「和平」(如果傾好左）整理好軍隊/武器再去撩其地國家(尤其摩爾多瓦）

[Dyhalt Rushifar]

作者: flpchoho

而家唔用拖都無咩可以做

實際拖幾耐就睇Trump係咩時候Cut軍援＆歐洲個邊可唔可以頂得到定直接迫澤生講和＆下台換人
Trump最快都要下年一月先正式上任，中間呢段時間鳥國應該盡力拎得就拎，睡老人應該都會係收工前盡批
另外歐洲個邊就睇下佢地有冇意志/決心去幫手頂（雖則我覺得無的機會都好大）
始終佢地（NATO個班）都唔想大打一場，情願迫澤生下台＆搵人接觸Putin去講數, 起碼可以拖多幾年

但無左鳥國，佢地就要直接面對Putin，照計佢地應該都會加大軍事工業的生產力來頂住，但可以上到幾多就真心有疑問
你加大軍事生產，Putin都會趁呢幾年「和平」(如果傾好左）整理好軍隊/武器再去撩其地國家(尤其摩爾多瓦）

其實冬將軍就到除非烏國真係士氣低到好似當年阿富汗咁，歐洲續唔續供都一樣頂到侵上任。
等侵上任，睇佢表演24小時停戰先再決定都未遲。
而畢竟軍援名義上好似都係叫借既，侵可能真係即時要佢還，咁烏國就只有換總理或破產二擇。
只要成功迫到割地求和，又冇美國軍援(家陣大愛左膠只係敢供應軍備，保護主義上任後大概最多按照同共防守協議同佢講聲加油…)，烏克蘭係政治定軍事上都係冇得守。
歐洲可以做既最安全對策就只要強化軍備博俄國(又或到時既烏國傀儡)唔夠膽打。

[肉羊哩咖]

各位老世都知正如前兩年咁，十一月泥將軍登場，地面攻勢放慢，俄佬就「循例」「放炮仗」式狂炸發電等基建設施，十二月到二月就勁凍，睇下今年個天點玩，點唔太凍烏克蘭無電力死得更慘。三月到五月又輪返到泥記上，不過似乎太遙遠，頂埋今年再講。

睇咗條片講解烏軍放出嘅官方數據，飛彈攔截系統嘅成功率其實唔高，加上最強嘅愛國者得嗰七台，唔夠冚十五個杯。反而俄佬各大少型短中長程導彈幾乎無限，雙拳難敵四手。而家歐美「勁撐」都咁慘淡，兩個月之後預佢咳鬼晒，會點好快就知。

你老早打開口牌玩 deadline，布丁唔係傻得晒，你要 24 粒鐘本人就徧徧唔蘇你，落你面，吹咩？心急有求於人就要跪地戲豬乸；加上停戰唔係單美俄講咗算，澤潺一旦睇穿你美帝點都關水喉，又未似有自殺傾向（個人同政治生涯），你個刁點做，本人都好期待，從來唔係一邊強勢到要對家無條件投降趕盡殺絕（二戰係咁，同而家加沙都有呢個趨勢），一就係一邊搶個優勢令到對家政治軍事上絕望，又識見好就收，令對家死死氣氣要坐低傾；唔好畀本人開口中，俄佬個「和平」條件，一定包括取消制裁禁運，方便有人返返去向國民認屎認屁，布丁又可以集資等多三四年又玩續集，不亦樂乎？

歐洲安全保證？本人唔睇好個勢 - 美帝可以唔預佢。要知道布丁呢條老狐狸，除咗硬嘢，就有大把分化離間暗殺手段可以用，歐盟最大嘅德國啱啱個聯合政府散咗，國內極左同極右嘅政黨支持度大升，佢哋都主張停上軍事上支援烏克蘭，入面嘅其他二五唔再多講，除咗有幾個國家好似波羅的海三國同波蘭因為太近而好有危機感，都唔包烏克蘭一旦冧檔，呢啲國家入面會受壓換上投降派。其他遠啲嘅唔係轉向拉潮州音樂，行孤立主義，就係垃垃亂，大嘅又話唔到事，頂唔頂到多半年？唉，《六國論》可能好快又要再度讀一次。

軍事係政治嘅伸延，其實畀晒時間機會，返轉頭睇，當初兩年內盡力提供最大限度嘅武器兵力，可以打到俄軍殘晒，烏軍拎到優勢，見好就收，迫布丁談判，用政治手段，唔好貪攞得返克里米亞，烏東回歸同軍事上保證到俄佬好難再玩嘢⋯⋯而家發春夢無謂，戰爭係搏，牽連咁大，太多嘢捉摸唔到，拖到而家已經係大嘅一邊係咁有「朋友」技援，另一邊開頭天真到唔落足本，以為都可以借人哋嘅頭，拖死對家，白話大話講得太響，日子一長，畀對家逐過捉，各國就各自己縮返去。布丁嘅如意算盤，大致咁打喇～

本人無水晶球，更無預知能力，而局勢變數互動太多 -- 好似南韓嘅角色。

願天保佑烏克蘭人民。

[flpchoho]

烏克蘭官員證實特朗普與澤連斯基通話時　馬斯克曾參與

有烏克蘭官員透露，總統澤連斯基致電祝賀特朗普當選美國總統時，特朗普讓富商馬斯克與澤連斯基通話。

這名了解今次通話的烏克蘭高級官員證實事件，指特朗普把電話交給馬斯克，他與澤連斯基短暫交談。澤連斯基感謝對方協助烏克蘭連接星鏈衛星網絡平台。

澤生「密密做」

[Dyhalt Rushifar]

簡單幾個字就可以總結，四州同克半島一定冇得留

[flpchoho]

作者: Dyhalt Rushifar

簡單幾個字就可以總結，四州同克半島一定冇得留

Putin話有得傾的大前提烏東四州係「已經」屬於我哋之上再講，半島都已經食左咁耐，唔會再拎來講
同埋烏國「永不」加入NATO
之後係睇拎得幾多（例如澤生要執包袱走佬，比返亞努科維奇返去執掌烏國新政府）

[肉羊哩咖]

「除咗講句恭喜之外，都唔知講咩好。」

一就睇到侵營未來會好熱鬧，佢啲 friend 係會每件事上面都有份「加把咀」，個個都係自封專家，旺過街市，內幕爆過宮心計。

二就係烏克蘭睇你有冇咁嘅能耐，學沙特咁抬大腳畀著數，氹到侵記企你嗰邊，唔係就自求多福。

何止北約，歐盟都唔洗旨意，學老世講，變佢做白俄。

一旦「和平」，澤潺無撈就梗㗎喇，佢人一唔在位，布丁啲特務唔殺佢，都「請」佢去俄國「坐監」，須知道，俄國入面同布丁有仇嗰啲，無人「坐得長」嘅，放心。

[flpchoho]

前競選顧問指特朗普或要求烏方切合實際　過渡團隊稱不代表特朗普

美國當選總統特朗普所屬共和黨的策略師蘭薩表示，特朗普新政府在烏克蘭問題上立場是建立和平，並非烏克蘭收復失去土地的控制權，包括俄控克里米亞。

蘭薩接受英國廣播公司訪問時說，特朗普政府可能會要求烏克蘭總統澤連斯基提出切合實際的和平願景，如果澤連斯基在談判桌上主張有克里米亞才有和平，只反映他並非想認真談判。蘭薩說首要任務是和平及停止殺戮，呼籲烏方展開誠懇對話，強調如果烏克蘭將收復克里米亞控制權放在首位，烏方就只能靠自己實現這個目標。

蘭薩是特朗普爭取再度入主白宮的競選活動顧問。過渡團隊發言人否認蘭薩的言論代表特朗普，指蘭薩只是競選活動的承辦方，不算是為表特朗普工作，亦不代表特朗普發言。

有報道指澤連斯基在特朗普再度當選美國總統後，致電對方表示祝賀，特朗普的支持者、富商馬斯克參與通話，澤連斯基感謝馬斯克旗下的太空探索技術公司SpaceX的星鏈衛星群，協助烏克蘭連接衛星網絡平台。

澤連斯基之前一再表示，只有從烏克蘭領土驅逐所有俄軍，並歸還包括克里米亞在內所有被俄羅斯佔領的土地，才能建立和平。

放人出來「試水溫」
即係「用土地換和平」

[flpchoho]

美媒稱華府未來數周向烏克蘭運送5百多枚攔截導彈

《華爾街日報》報道，美國將在未來幾星期內，向烏克蘭運送500多枚攔截導彈。

報道引述五角大樓官員說，在美國總統大選前，華盛頓一直計劃在四月份之前向烏克蘭提供剩餘援助。這批包括愛國者導彈防禦系統和先進地對空導彈系統的交付，應能滿足烏克蘭今年剩餘時間的防空需求。

烏克蘭總統澤連斯基辦公室、烏克蘭國防部、五角大樓和美國國務院未有回應。

另外，美國總統拜登政府表示，將容許美國國防承包商，在烏克蘭工作，維護和修理五角大樓提供的武器，幫助基輔對抗俄羅斯。

睡老人：要拎就快

[Dyhalt Rushifar]

一定用領土換架嘞，差在係二州定四州架啫，反正即使冇晒成個烏克蘭甚至打埋西歐，美國都唔會有實際傷害而和談可以保障美國利益，至少侵係咁認為。

[flpchoho]

美媒指特朗普已經同普京通電話敦促別把俄烏衝突升級

美國《華盛頓郵報》報道，美國當選總統特朗普與俄羅斯總統普京上星期四通電話。

這是特朗普贏得大選以來兩人首次通話。報道引述知情人士說，特朗普在通話中敦促普京不要把俄烏衝突升級。而特朗普上星期三還與烏克蘭總統澤連斯基通話，表示將支持基輔。

報道引述知情人士說，烏克蘭政府事前已獲悉今次的通話，並不反對通話進行。

但烏克蘭外交部發言人反駁，指烏克蘭事先被告知特朗普和普京之間通話的報道是虛假，指出烏克蘭無法支持或者反對兩人通話。

熱下身先

——————————————

俄烏相互向對方發動戰事以來最大規模無人機襲擊

烏克蘭星期日表示，俄羅斯軍方當日凌晨，對烏克蘭多地發動大規模無人機襲擊，涉及145架攻擊型無人機，是俄烏爆發衝突以來有最多俄軍無人機來襲的一晚。總統澤連斯基再次敦促西方盟友，採取更多措施協助烏克蘭防衛。

俄羅斯國防部當日亦說，防空部隊擊落了70架烏克蘭無人機。其中，在莫斯科州上空摧毀34架，是自衝突以來針對莫斯科的最大規模一次襲擊。莫斯科三座機場一度實施臨時航空管制。

對於美國當選總統特朗普在競選期間表示，他可以達成一項可以帶來和平的協議，克里姆林宮發言人佩斯科夫認為是積極的信號，至少特朗普是談論和平，而不是對抗，但他亦認為，特朗普是一名難以預測的人。

美國國家安全顧問沙利文說，總統拜登將在餘下的任期內，向國會和下屆政府說明，美國不應該放棄烏克蘭，因為這可能會加劇歐洲的不穩定，而白宮會在拜登任期結束前，將國會通過援助烏克蘭的剩餘60億美元資金，目標是令烏克蘭在戰場上，以及最終在談判桌上都處於最強的位置。

埋尾60億，豪埋比你

[Dyhalt Rushifar]

咁侵點都要扮下工先既，一般美國人大概都係唔妥澤生老奉咁叫支援，不過未必個個都好想餓國完勝結束。
「我叫咗餓國唔好架嘞，係烏國唔生性，我又未上任冇實權，烏國消失唔關我事架…」

[肉羊哩咖]

嗰堆要「和平」嘅，尤其（自稱）侵營嗰渣，好多都係「另類反戰」，睇吓同一班人對以色列個態度～ 侵記原來好受以色列人歡迎，以色列嚮戈蘭高地佔領區有條村，叫做「侵峰」！ 無點你㗎。
https://en.wikipedia.org/wiki/Trump_Heights

當中有呢三樣諗法 -- 同烏克蘭無乜喇掕，無義務倒錢落去；一係就呢場唔係「義戰」，都係北約「東擴」唔啱在先；一係就呢場係「永續戰爭」(forever war）無得嬴，嘥錢嘥心機。

講到尾都係錢。

亦都同侵記啲「舖舖清」(transactional) 外交手法好似，係好快做到「成積」出嚟，亦好「經濟」地達到目的，好似嚮伊拉克暗殺一名伊朗高級將領就係一例；難聽啲講斃有著數就認承，「美國優先」，無乜其他原則性可言，好多時為咗攞彩，之後有咩長遠啲泛義啲嘅影響話知你，你死你賤。

突發：俄佬否認布丁同侵講過電話～～～ 耐人尋味。

[flpchoho]

作者: 肉羊哩咖

突發：俄佬否認布丁同侵講過電話～～～ 耐人尋味。

克宮否認普京與特朗普通電話　強調總統目前無計劃與對方通話

俄羅斯克里姆林宮發言人佩斯科夫，否認總統普京上星期與美國當選總統特朗普通電話，指有關報道內容完全錯誤，強調普京目前無計劃與對方通話。

美國《華盛頓郵報》星期日引述知情人士報道，特朗普與普京上星期四通電話，敦促普京不要升級烏克蘭戰事。

https://news.rthk.hk/rthk/ch/compone...abChangeable=0

大家都否認，即係有啦
負負得正，得咗

[flpchoho]

機翻：

川普競選團隊結束烏克蘭戰爭的計畫：美國報紙：目前戰線的領土會被凍結嗎？

美國一家主要報紙報道稱，當選總統川普的過渡團隊正在考慮「在未來20年內禁止烏克蘭加入北大西洋公約組織」等選項，以儘早結束烏克蘭戰爭。

6日，《華爾街日報》引述與候任總統川普關係密切的消息人士的話報道了過渡團隊正在考慮的結束戰爭的具體計劃。

其中包括以下內容：“作為烏克蘭承諾至少在未來20年內不加入北約的回報，美國將繼續向烏克蘭提供大量武器。”

目前被俄羅斯佔領的烏克蘭約20%的領土將被凍結，「沿著目前前線將建立約1290公里的非軍事區」。

同時，美國多家媒體11日報道稱，當選總統川普預計將任命參議員馬可·盧比歐為國務卿。

路透社報道，盧比歐參議員4月投票反對國會通過的對烏克蘭軍事援助法案，並被指出未來可能很難繼續援助。



----------------------------------------------



據報道，俄軍已經在庫爾斯克集結包含北韓士兵在內約5萬人，準備日內發動大規模攻勢

-------------------------------------------

如果上述報導的「和平方案」屬實，Putin應該會係呢兩，三個月盡量攻佔更多土地，到時埋枱傾個優勢就變得更好，同埋應該會堅持澤生及整個戰時政府的官員都要下台走人
咁其實Trump要烏國自保，不如將粒核彈擺係烏國？

[Dyhalt Rushifar]

核武基本上係最合理架嘞，不過侵唔會開呢個條件，烏國冇野值得令佢負核擴散第一人既稱號…
反正美國一CUT溶雪幾個月就唔會再有烏國，而侵只要話係歐洲冇盡力就可以全身而退。

佢要停戰唔駛同布丁傾，一句「你想冇四州定係冇烏國」就夠屈死阿澤。

[flpchoho]

美國政府首次確認北韓士兵正參與俄烏戰事

美國政府首次確認，北韓軍隊正參與俄烏戰事。

國務院副發言人帕特爾表示，超過1萬名北韓士兵已被派往俄羅斯，當中大部分人被轉移至西部庫爾斯克地區，並與俄羅斯軍隊一同進行戰鬥活動。

帕特爾認為，俄羅斯在戰場上能否取得成功，很大程度取決於能否將北韓士兵融入俄軍，俄羅斯需要克服包括互通性、語言障礙、指揮、控制及通訊等挑戰。

烏克蘭總統澤連斯基日前表示，被派到俄羅斯庫爾斯克地區的北韓士兵有11000人，部分已參與同烏克蘭軍隊的戰鬥。