烏克蘭加油

[flpchoho]

莫斯科及德黑蘭批評所謂俄軍用伊朗製無人機是編造藉口

俄羅斯及伊朗批評，烏克蘭與西方國家指稱俄軍在烏克蘭使用伊朗製無人機，無非是想透過編造藉口，向莫斯科及德黑蘭施壓，達到一石二鳥的效果。

俄羅斯常駐聯合國第一副代表波利揚斯基說，伊朗並無向俄方提供在烏克蘭作戰的無人機，又說不要低估俄羅斯無人機行業的技術及能力。

伊朗常駐聯合國代表伊拉瓦尼就指出，有些國家為了政治目的，不遺餘力散布虛假消息，捏造針對伊朗的指控，所謂伊朗輸出無人機，是毫無根據及未經證實的言論，伊朗對此表示堅決反對。

https://news.rthk.hk/rthk/ch/compone...abChangeable=0

哈哈哈

[肉羊哩咖]

追加，保守黨立例，呢舖特例要有過一百名議員推薦，先可以參選，下星期一就有侯選人名單（更正）。而家保守黨議員共有三佰五十幾人（更正），當日首相府送波記行嘅，唔夠一百名議員（明點解咁玩未？）～～～前排條友去咗美帝嗰邊巡迴講座搵真銀，跟住去加勒比海歎世界印印腳，據傳聞佢聞訊之後急急返緊去英國，趕唔趕得切？又拎唔拎夠支持？政治一日都嫌長，啲花生又斷市啦。

再追加：新首相會下星期五上任，快過打針。本人無得投票，有得㨂梗係投首席捕鼠大臣阿貓拉利喇。

有機會可以噏下義大利前總理單醜聞～

[Dyhalt Rushifar]

金毛獅王係都等多幾年先，雖然在下本來就覺得好地地換咩鬼野，不過既然人民覺得品德比能力重要既，依家上返去都只係同卓慧思鬥快。
陣間真係快過明智光秀就唔係幾好啦…

[wing]

作者: flpchoho

不要低估俄羅斯無人機行業的技術及能力。

我記得架, 綁部日本民用相機上去做偵察機呀嘛, 好有創意呀

[肉羊哩咖]

［離題］本人呢挺庶民，見到英國脫歐之後咁差咁麻煩，萬一會被推上去做領袖，會死都唔肯；不過又有好多人趨之若鶩，權力有幾吸引，可見一斑。

波記呢類政客，本人覺得佢志在用權攞著數，靠把口同個人魅力胡混過關，根本唔係治國。成個英國歷史都只係曾經有兩個首相可以落台之後再冧莊，其中一個係邱吉爾，如果佢真係能夠復僻，咁真係英國之「福」，各位英國嘅朋友小心睇路喇下。純粹偏見，各位老細唔同意無所謂，

［正題］義大利政壇剛剛選出新嘅「極右」政黨，佢哋嘗試組成執政聯盟就陷入「危機」，前總理貝盧斯科尼有段對話流出，入面佢講布丁係佢五個朋友中，「最親」嗰個，前排布丁生日，仲收咗佢廿支伏特加，同封「好甜」嘅信。仲「鬼拍後尾衴」話，呢段對話萬一流出就好大鑊～ 條友事發之後當然否認，話講嘅係「咸豐年前」嘅事喎。

結果當選個候任女總理大為「火光」，佢奉行親歐洲政策，如果貝盧斯科尼所屬個「中間偏右」嘅政黨真係勾結俄佬，話就算組唔成政府都「無所謂」～～～
https://www.euractiv.com/section/pol...ussia-scandal/

講真，歐洲大部份都由左轉右，有啲甚走極右，好似瑞典；但不如布丁所願，會各家自掃門前雪，方便佢分化離間（好似呢幾年英美咁），呢場戰爭繼續團結歐洲各國。問題係今年冬天⋯⋯

[flpchoho]

作者: 肉羊哩咖

［離題］本人呢挺庶民，見到英國脫歐之後咁差咁麻煩，萬一會被推上去做領袖，會死都唔肯；不過又有好多人趨之若鶩，權力有幾吸引，可見一斑。

波記呢類政客，本人覺得佢志在用權攞著數，靠把口同個人魅力胡混過關，根本唔係治國。成個英國歷史都只係曾經有兩個首相可以落台之後再冧莊，其中一個係邱吉爾，如果佢真係能夠復僻，咁真係英國之「福」，各位英國嘅朋友小心睇路喇下。純粹偏見，各位老細唔同意無所謂，

［正題］義大利政壇剛剛選出新嘅「極右」政黨，佢哋嘗試組成執政聯盟就陷入「危機」，前總理貝盧斯科尼有段對話流出，入面佢講布丁係佢五個朋友中，「最親」嗰個，前排布丁生日，仲收咗佢廿支伏特加，同封「好甜」嘅信。仲「鬼拍後尾衴」話，呢段對話萬一流出就好大鑊～ 條友事發之後當然否認，話講嘅係「咸豐年前」嘅事喎。

結果當選個候任女總理大為「火光」，佢奉行親歐洲政策，如果貝盧斯科尼所屬個「中間偏右」嘅政黨真係勾結俄佬，話就算組唔成政府都「無所謂」～～～
https://www.euractiv.com/section/pol...ussia-scandal/

講真，歐洲大部份都由左轉右，有啲甚走極右，好似瑞典；但不如布丁所願，會各家自掃門前雪，方便佢分化離間（好似呢幾年英美咁），呢場戰爭繼續團結歐洲各國。問題係今年冬天⋯⋯

真係「聽天由命」
今年堅寒冷的話，部份政府為左獲得穩定的能源供應，唔排除私下同俄仔達成協議

作者: wing

我記得架, 綁部日本民用相機上去做偵察機呀嘛, 好有創意呀

當時睇完條解剖片我笑左出來XD

--------------------------------------------

烏克蘭官員稱因俄軍攻擊供電供暖或受影響幾周至數月

烏克蘭總統澤連斯基辦公室主任顧問表示，俄羅斯對能源基礎設施發動的攻擊，可能影響烏克蘭供電或供暖幾個星期，甚至幾個月，情況存在較大局限。

該名顧問又說，烏克蘭境內目前已有1800個住宅區，停止供水、供暖及供電。

烏克蘭電力公司昨日表示，哈爾科夫州、波爾塔瓦州、蘇梅州，以及中部一些地區，採取臨時限制供電措施。

https://news.rthk.hk/rthk/ch/compone...6-20221021.htm

[flpchoho]

埃爾多安稱不引渡恐怖分子不同意瑞典加入北約

土耳其總統埃爾多安表明，瑞典若不引渡土耳其通緝的恐怖分子，就不會同意瑞典加入北約。埃爾多安重申，土耳其立場不會改變，無意作出任何讓步。

較早前，瑞典首相克里斯特松表示，已準備好前往土耳其討論瑞典申請加入北約。

瑞典和芬蘭今年5月正式申請加入北約，但遭到土耳其反對。土耳其指責兩國支持庫爾德工人黨、敘利亞庫爾德武裝人民保護部隊和居倫運動，要求兩國驅逐或引渡恐怖分子。隨後三國舉行多輪談判並在6月底達成協議，三國在馬德里簽署三方備忘錄，強調三方加強在反恐領域合作，土耳其則支持芬蘭和瑞典加入北約。土耳其和瑞典已就引渡恐怖分子問題，進行多輪談判。

果然識玩

[肉羊哩咖]

火雞王又玩嘢，正⋯⋯

[Dyhalt Rushifar]

唔知點解開始覺得瑞典冇咩必要急住入，可以由佢慢慢玩…

[肉羊哩咖]

瑞典新政府暫時個國防外交基本方針無變，急唔急真係唔敢替佢答。

（離題更新）Penny Mordaunt （好似係）第一個宣怖參選，佢對上嗰次排第三，而通常都準到痺嘅賭博公司開咗盤，波記個嬴面最大，都話班議員，畀對家拋離卅個百份點以上，慌失失唔理性㗎喇。

但最新 YouGov 民調顯示，波記復僻，得兩成七人高興，五成二嘅人唔老嚟，如無意外（真係無意外咁講），要到 2024年 先正式有大選，到時先再算：

Would you feel happy or unhappy if Boris Johnson returned as prime minister?

Happy: 27%
Unhappy: 52%
Neither happy nor unhappy: 18%https://t.co/Cjb7JvFd2z pic.twitter.com/9nQgMaPAe4

— YouGov (@YouGov) October 21, 2022

[flpchoho]

普京視察動員人員訓練情況　親身試射新型狙擊步槍

俄羅斯總統普京，日前到訪莫斯科東南面城市梁贊，視察動員人員在射擊場訓練的情況。

俄羅斯電視台播放普京視察的情況，並親身試射新型狙擊步槍，普京又與將會前往烏克蘭作戰的士兵交談及擁抱，為他們打氣。

普京在西部軍區的靶場，聆聽國防部長紹伊古有關動員人員訓練狀況的報告，並視察戰術、火力、工程和醫療的訓練。

https://news.rthk.hk/rthk/ch/compone...abChangeable=0

班士兵要去做炮灰，仲走去「鼓勵」！？
唔怕出事咩？

[肉羊哩咖]

專制國家，出得鏡啲人事前全部揀過，甚可能係演員，有可能得一支鎗開得嘅～～～

［又離題］存心望返轉頭嘅政客多數失敗收場，古有王莾，啱啱英國有卓慧絲 -- 佢一心學戴卓爾夫人，仲有個布丁，（仲有嗰位費事令呢度有麻煩）

[Dyhalt Rushifar]

https://hk.news.yahoo.com/%E7%BE%8E%...163013112.html

之前唔係話唔_同美國呢D三流國家傾架咩？

[flpchoho]

澤連斯基促西方警告俄羅斯勿炸毀當地一座水壩

烏克蘭總統澤連斯基促請西方國家警告俄羅斯不要炸毀一座水壩，以免導致烏克蘭南部大片地區被淹浸。

澤連斯基在電視演說中表示，俄軍已在赫爾松的新卡霍夫卡一個水壩布置炸藥。世界所有人都必須迅速採取強而有力的行動，防止俄羅斯再度發動恐怖攻擊，呼籲各國領導人明確表態，炸毀水壩將被視為使用大規模殺傷力武器，後果會與俄國動用核武或化學武器相似。

而俄羅斯反指烏軍用火箭攻擊水壩並計劃摧毀它，烏克蘭官員認為這是俄方試圖炸毀水壩並歸咎烏克蘭。

這座水霸位於第聶伯河，一旦被炸掉，洪水將席捲下游的赫爾松，烏軍正展開對赫爾松的反攻，希望收復這座城市。

Putin:你咁樣講我係唔會驚㗎

[flpchoho]

烏克蘭稱多處能源設施遭襲擊　部分地區停水停電

俄軍繼續向烏克蘭發動空襲，烏克蘭官員說，敖德薩、基洛沃拉德和盧茨克地區的能源設施，都遭受襲擊，部分地區停水停電。

首都基輔、敖德薩、切爾尼戈夫等地啟動防空系統，基輔警方說，烏軍在當地擊落一枚俄羅斯導彈，碎片落在一處森林。

烏克蘭總統辦公室主任批評，恐怖份子再次利用火箭襲擊民用基礎設施和人民。

烏克蘭國家能源公司宣布，星期六繼續在基輔、切爾尼戈夫等地區，採取限電措施，以減少電網負荷，呼籲民眾節約用電。

https://news.rthk.hk/rthk/ch/compone...abChangeable=0

[肉羊哩咖]

［繼續離題］辛偉誠支持者稱已拎到過百個議員支持，入場券到手；而波記會英國時間朝早飛返到英倫，天空新聞拍到佢機上嘅相。

留意：同美國唔同，做得英相嘅，唔只一定要係一黨黨主席，仲要係一定要係下議院議員。好似當年肥彭掉咗個議席，連黨主席都無得做，所以波記呢條友，好似 May 姐咁，唔係首相都好，仲有議員一職，但佢一於少理，議會開返佢完全無返國會開工，去咗美洲梳乎，本人唔想評論老世嘅價值觀，你話喇～

況且條茂利仲畀下議院個委員會查緊佢，「派對門」有無特登呃國會，嗰度唔係法庭，唔會係無罪假定，11 月到會有結果，萬一裁定有罪，可以被罰禁止入國會，一旦係咁，就要舉行補選，據報波記所屬個選區，被工黨拋離成 9 條街咁遠，萬一補選失敗，就連苜相都無得做，仲要儘快舉行大選～～～以而家保守黨嘅民望，可以一舖清枱～～～當然波記議會入面咁多死粉，好多人願意讓個位畀波記去出選嘅保住個相位，但佢之後就執政就寸步難行，唔只班反對派，啲「黨友」唔伺機「攞佢命」都幾難。

咁各位老世可見啲保守黨議員有幾「騰雞」，連個定時炸彈都要擺上枱。都係嗰句，各位英國朋友睇路～

[Dyhalt Rushifar]

其實邊個做同會唔會變天都唔係D咩大問題，反正佢地有得選，變天又唔駛死人既。
邊個做等佢地買定講埋點行先講，都係轉返台去餓國侵略啦。
雖然去到密謀炸水壩之後冇咩進展…

[肉羊哩咖]

Okay，okay 唔離題住～～～ 各位老細 Sorry。

有分析指，炸水壩其實好戇居，一炸故然會水浸愘爾松，但大部分水會淹浸西岸，啫係俄軍撤退嘅位置，再加上水壩啲水係供應畀克里米亞，炸咗克里米亞就無五恆欠水，都係死。

人會自殺，軍隊都會自殺，所以佢係靠嚇，定係真係會做儍事，拭目以待。

英國軍情表示，俄軍已經舖咗另一條新浮橋，等供應（同走佬）都易啲，睇幾時畀人炸埋～

[flpchoho]

俄羅斯斥北約正在接近與俄進行直接軍事衝突危險界線

俄羅斯外交部認為，北約正在接近與俄羅斯進行直接軍事衝突的危險界線上。

俄羅斯外交部防擴散和軍備控制司副司長沃龍佐夫，在聯合國大會的辯論中發言，他表示，北約國家對自己參與烏克蘭危機的情況沉默，但實際上，他們繼續向基輔政權運送武器彈藥、提供情報、訓練士兵，提出作戰方向，越來越接近與俄羅斯進行直接軍事衝突的危險界線。

沃龍佐夫指出，根據資料顯示，西方對烏克蘭的軍事援助總額，已經達到423億美元，其中大部分、即283億美元來自美國。沃龍佐夫又表示，向烏克蘭供應武器令歐盟和北約國家，成為對俄攻擊和基輔8年間對平民軍事犯罪和恐怖襲擊的幫兇。

https://news.rthk.hk/rthk/ch/compone...abChangeable=0

[肉羊哩咖]

咁伊朗呢？又係一邊靠嚇，一邊賊喊捉賊～

作者: wing

我記得架, 綁部日本民用相機上去做偵察機呀嘛, 好有創意呀

啱啱聽到《軍武器研》講，啲 Canon 機好可能由瑞典公路用啲相機拆出嚟，運咗去俄羅斯，再裝落去啲無人機上面～
https://www.thedrive.com/news/speed-...-drones-report

[肉羊哩咖]

冬天故然影響到戰事發展，其實另一個重要因素係十一月個美國中期選舉。（唔好意思，又係選舉），而家眾議院由民主黨佔多數；一般個慣常情況，到時會由共和黨攞返多數。而家對烏克蘭嘅援助，以數額，美國係唔成比例咁大，失咗眾議院，批錢可能再無咁爽手。俄佬當然明呢個道理，似乎又暗玩「干涉別國內政」呢個慣技。

[Dyhalt Rushifar]

又唔係真係完全唔想見選舉野，不過D過幾日就大局已定既變數，而且就算辛上台，甚至真係因此而俾工黨過到不信任而變天，應該都唔會立即180度去舐餓，共就難講D…

美國選舉的確幾令人擔心既，以前既共和冇咩所謂，不過依家其實正名叫侵黨，而侵的確係想就地停火等一年後烏國再俾人打過，玩多一兩次就冇辦法復興唯有投降。
而歐洲條碟意粉會唔會成為第二凶國都好令人在意。

[肉羊哩咖]

本人從善如流嘅，旨在服務分享，無所謂嘅，有人有心指正，本人一把年紀覺得慶幸。本人真係想講英帝政壇啲衰相，有需要咪開過楝樓再講咯。

美帝嘅問題，近呢廿幾年，所謂兩黨合作基本上嘅絕無僅有，分化得好嚴重，咩原尤留返畀各位老世去考究喇，總之兩大黨而家係「黨性」先行，「敵人」讚成我反對，佢哋覺得我黨嘅建議點都比你嘅對國家好，議會功能幾乎癱瘓。當夾埋去啲議員有私心，佢哋好自然想搵到有個大「碼頭」，夠號召力嘅帶佢哋連任，事關美國眾議院，選得好密，機乎一上任就要諗住點連任咁滯。所以本人覺得，兩邊都走向極端，「侵」也好，一個唔好彩係「 AoC」也好，呢個現象某程度上係必然。鞋～

唔只大西洋其中一邊係咁，各家自掃門前雪好正常，自己辛辛苦苦搵搵埋埋科咗啲稅金，政府慷他人之慨，送咗去你啲錢都唔知去邊，用嚟打生打死喎，仲有人話嗰度係好貪污腐敗，你都會唔多高興喇，有錢梗係留返益自己人（定義隨情況變嗰隻）。唔只政府，19 年前大慨都會聽過有啲香港嘅「XX派」話，而家「XX化」都顧唔掂，搞乜鬼「國際線」吖？

好喇，返返去正題，依呢個簡化咗嘅情況，援烏克蘭嘅法例仲嚮度，但若果共和黨佔多數，過國會呢關就難度大咗好多，就算過到，都好可能變到「連阿媽都唔認得」；北約除非真係有心拖長場仗嚟打，就大部份時間長遠戰略規劃唔夠，或者直接地判斷錯誤。以本人一貫「學院派」嘅諗法，要打就快手啲解決咗佢，歷史上証明，搞得越耐，變數越多，好多時想收掣都無法控制，到頭嚟害人害己，手尾好長。

而義大利係就係組得成新政府，以佢換政府快過換季嘅往績，不如好似英國玩西生菜咁，睇吓佢倒台先定係轉軚先好過⋯⋯

追加：西伯利亞又發生戰機墮落民居事件，今次係件 Su-30:

Russian Air Force continues to test manned suicide drones, this week an SU-30 in Irkutsk Oblast. pic.twitter.com/e4T65ovNi6

— Darth Putin (@DarthPutinKGB) October 23, 2022

[Dyhalt Rushifar]

基本上在下真係覺得2月果陣就應該俾烏克蘭緊急入北約，一係收兵一係核戰，大家唔駛煩。
不過「特別軍事行動」呢個IDEA其實幾吸引，自覺有威脅就可以唔宣戰直接炸_對家城市，如果西方準備要烏國投降既，真係要好好學習點樣將呢招玩到極致…

BTW，餓國真係連進軍都費事，齋炸烏國能源系統…

[flpchoho]

俄羅斯防長與英法土防長通電話　憂慮烏克蘭使用髒彈

俄羅斯國防部長紹伊古，分別與英國國防大臣華禮仕、法國防長勒科爾及土耳其防長阿卡爾通電話，討論到烏克蘭局勢。俄羅斯國防部表示，紹伊古轉達對烏克蘭使用「髒彈」可能進行挑釁的擔憂。

俄羅斯傳媒引述消息人士報道，表示基輔政權準備在烏克蘭境內，引爆一枚低功率核炸彈，來指責俄羅斯使用大規模殺傷性武器。

另外，俄羅斯國防部表示，俄羅斯武裝力量，透過高精度遠程武器，打擊烏克蘭軍事控制和能源系統，成功摧毀所有目標，又對扎波羅熱、赫爾松、哈爾科夫及頓涅茨克的烏克蘭部隊、彈藥庫及儲油庫進行打擊，並擊落15架無人機，6枚海馬斯炮彈和1枚AGM-88高速反輻射導彈。

https://news.rthk.hk/rthk/ch/compone...abChangeable=0

---------------------

美俄防長三日內兩度通電話　再討論烏克蘭局勢

俄羅斯國防部表示，防長紹伊古，分別與美英法等多國防長通電話。

今次是紹伊古三日內，第二度與美國防長奧斯汀通話，俄方未有透露通話內容。

較早前，紹伊古分別與英國國防大臣華禮仕、法國防長勒科爾尼及土耳其防長阿卡爾通電話，討論到烏克蘭局勢。俄羅斯國防部表示，紹伊古轉達對烏克蘭使用「髒彈」可能進行挑釁的擔憂。

英國國防部發聲明，駁斥紹伊古有關西方國家正在促成烏克蘭局勢升級的說法，警告俄方不應將類似指控作用進一步升級局勢的藉口。

俄羅斯傳媒引述消息人士報道，表示基輔政權準備在烏克蘭境內，引爆一枚低功率核炸彈，來指責俄羅斯使用大規模殺傷性武器。

https://news.rthk.hk/rthk/ch/compone...abChangeable=0

突然間咁多接觸？