[美劇] 有無人睇Netflix?

[肉羊哩咖]

《拳願》S3 下半，正式比賽好睇到爆，完全估唔到個故仔流向，作畫以決賽啲水墨效果最正；但係有三話無喇喇場外「比賽」好有滲水嘅成份，拖拉之餘，動畫硬照多到離譜～ 人物都好有騎士道精神，或者話好傳統日于嗰隻打人一世工都好感恩。

致於傳說中嘅「神結局」，留返各位老細參長～

[wing]

作者: 肉羊哩咖

《拳願》S3 下半，正式比賽好睇到爆，完全估唔到個故仔流向，作畫以決賽啲水墨效果最正；但係有三話無喇喇場外「比賽」好有滲水嘅成份，拖拉之餘，動畫硬照多到離譜～ 人物都好有騎士道精神，或者話好傳統日于嗰隻打人一世工都好感恩。

致於傳說中嘅「神結局」，留返各位老細參長～

可惜漫畫第二部係完全失控的垃圾。

[肉羊哩咖]

仲有好多第一身畫面，好有畀對面揼一拳嘅感覺。

回上：話雖如此，好有可能會繼續拍落去～

[肉羊哩咖]

Game 改篇作品，睇呢個罷喇～


11 月！

[肉羊哩咖]

《我的快樂婚約》-- 賢妻「強力」推介之下，開頭以為係粵語殘片，點知中段都未到變成另一套作品，妙在後尾又兜得番先有趣。第二季出年一月預定。

[肉羊哩咖]

《胆大黨》校園「純愛」撈埋啲外星人同鬼怪，變成極度爆笑嘅動作片。第一話上咗，勁好玩，男女主角格係老梗咗啲，睇得過癮無所謂。啲畫風好刻意玩懷舊手法，呢度鍾意過《怪獸 8 號》啲。

乜水樹奈奈連婆婆都玩埋？！

隻 OP 由 Creepy Nuts 唱，唔係唔好，未到肌肉魔法司嗰個 level 啫。

[wing]

作者: 肉羊哩咖

《胆大黨》校園「純愛」撈埋啲外星人同鬼怪，變成極度爆笑嘅動作片。第一話上咗，勁好玩，男女主角格係老梗咗啲，睇得過癮無所謂。啲畫風好刻意玩懷舊手法，呢度鍾意過《怪獸 8 號》啲。

乜水樹奈奈連婆婆都玩埋？！

隻 OP 由 Creepy Nuts 唱，唔係唔好，未到肌肉魔法司嗰個 level 啫。

2套都有睇漫畫, 膽大黨好睇過8號，但睇睇下都係放棄左。

[肉羊哩咖]

又會嘅？！

而家 GAF 區《胆大黨》開咗棟樓，移送過去先～～～

[肉羊哩咖]

《青春之箱》Blue Box 校園（一男兩女？三角）戀愛青春體育劇，呼；男主角由被暗戀嘅學姐邀請打one-on-one，到發展成同居關係，個鼻都無開噴泉，夠定力，或者太遲鈍？畀多兩話佢，睇啲競賽味夠唔夠，

都話咗今期好鬼死忙～～～

[肉羊哩咖]

《青春之箱》暫時一個好有機心嘅女主角之外，仲未開波，本人耐性有限⋯

[真!DC]

作者: 肉羊哩咖

《青春之箱》暫時一個好有機心嘅女主角之外，仲未開波，本人耐性有限⋯

除左畫面真係冇咩特別優點
由手機版發出

[肉羊哩咖]

作者: 真!DC

除左畫面真係冇咩特別優點
由手機版發出

人物畫風唔係本人杯茶／咖啡，不過啲 CG 做得好正。

第三話《青春之箱》，總算有「比賽」，但係個前輩未免玩得太過份～ 呢期真係太多嘢睇，連 Vox Ex Machina 都未得閒開，仲有新一季嘅《劍心》，陰功～

都係畀多一話過佢。

[肉羊哩咖]

《青春之箱》4:終於叫做有比賽，但係都叫少，男女感情仍然係主線，亦牽動到個比賽。似乎預告咗今話個賽果，仲追唔追好？！

[肉羊哩咖]

遲到好過無到，套《青春之箱》雖然第五話尾爆「大鑊」，但係第一女主角實在太模糊，真係寫唔夠佢想點，反而第二女主角（呢套係女男女）個格清清楚楚易了解。比賽只係用嚟過橋，又點到即止，唔係太差但係實在追開嘅都出現積存情況，有緣再續。

[IDGAF]

偶然行超市見到NETFLIX出的零食原來香港都有得賣。

[肉羊哩咖]

Arcane S2 頭三話：好嘅動畫絕對精彩，好多時要提住係睇緊動畫，唔係真人戲，動作精彩有創意同有意思，唔係單純為打而打。唔係咁好嘅係故仔有啲慢，開咗好多條線，除咗延續姊妹之間嘅爭鬥，地面同地下嘅衝突，亦加多咗新嘅明爭暗鬥，暫時唔知佢收唔收得切，人物焦點唔完全放晒去兩姊妹度，反而家姐個戀人角式仲重啲，佢好有 bad end 陣除，主要角式已經多，同時又有唔少新角加入，暫時都後者都活動佈景板居多。

第二 part 聽日上。

兩季夾埋要成 貳億伍仟万之譜，好睇又平套過套乜鬼 The Acolyte 吖，但 Riot Games 都係要兩季完。

[肉羊哩咖]

Cobra Kai S6 出咗兩 part 共十話，以會完要煲喇，點知仲有第三 part 出年，大約係二月先完。

睇咗就寫。

頭三話極度慢、無聊、搵戲嚟做。開始打就順暢好多，但係始終主要角式去到呢度實在太多人，要畀每個都有啲戲，結果就變咗太多無無謂謂誇張嘅劇情，唔係就係重重複複嘅情節，前十話都有呢個毛病，雖然係咁講，有度某兩個走咗去做「自己嘢」，最後極之感人，利害在你估唔到嗰兩位主角可以咁有戲。

打就真係好正，雖然有啲形式唔係太合理，不過節奏結果同觀賞度都，大部份係一流，尤其係最後一幕，睇完個下巴要搵咗兩日先執得返。問題係兩位女主角好明顯生疏晒啲練習，比啲新人搶晒，尤其係請到一個真正女武術家參演，由台型、性格、樣貌到動作，完全搶晒啲主角嘅風頭，邊個唔講，佢一出就變成焦點。

[肉羊哩咖]

作者: 肉羊哩咖

《我的快樂婚約》-- 賢妻「強力」推介之下，開頭以為係粵語殘片，點知中段都未到變成另一套作品，妙在後尾又兜得番先有趣。第二季出年一月預定。

失驚無神出咗第十三話 OVA，接住季尾嘅故仔，除咗設定好下季之外，無事發生，嘥氣～

[肉羊哩咖]

作者: 肉羊哩咖

Arcane S2 頭三話

剩低嘅兩 part 共六話完食。

中間嗰三話主線轉晒，尤其係細妹同新角嘅關係帶出嚟，跟住有感人位，但係唔長，一貫地變成悲劇～

最後三話以為嘅變成大戰，點知有成話同主線好似完全無關，唔係，直情係「另一個世界」咁，初初會好怪尾三嗰一話居然咁玩，但呢話係好多人認為成個系列最正嘅一話，唔止真係製作極之上乘，而令到之後個反差更大。最後兩話可以話係高潮位，可惜係去得太急，大量事發生，有好多角式無個結尾同解釋，尤其三位科學家同黑玫瑰嘅線。

細妹仍然係推動故事嘅動力，佢嘅變化呢兩 part，由反叛到失去動力到變做真正英雄，家姐就爭一大截，佢呢一季大部份時間都好被動，其他角式反而份量唔多，推動個故仔好有助力；而反派呢一季以嚟舖排到最後，畀到你 Thanos 嗰一種震撼力，嗰場二打一，個反派都強到離譜。

係有啲唔係咁好，動畫水準之高唔在講，加埋音樂音效利用，可以話係近年最佳電視劇集之一。

[肉羊哩咖]

The Diplomat 上咗兩季，講住第一季先，共八話。

故仔講由 Keri Russell (MI:3, The Americans) 做嘅女主角 Kate Wyler，開頭因為英國嚮波斯灣出咗事，而美國個駐英大使咁啱離咗任，佢就因為白宮嘅政治力學被任命去咗英國做領事（點解唔劇透住）。

故仔以波斯灣單嘢做主線，講好多外交慣常手法，側寫英美兩國政治，因為係外交做主線，真係講多做，又唔好以為好似 Jack Ryan 呢啲「動作外交」，出奇地唔會悶，因為主角設定係個有心人，兩公婆都係科班出身，專業外交人員，唔係捐班 -- 捐啲錢畀總統競選就可以做名喻領事歎外交特權嗰隻，加上啲情節好多時極之峰廻路轉：搞得掂一邊，另一邊又話唔同意，搞到單嘢複雜晒，甚至成唔到事，有時以為明晒成件事係點，又突然爆出有新發現，令到成壇嘢唔同晒玩法。

主角兩公婆若即若離嘅關係為重心，老公係個外交紅人，極富個人魅力，手腕夠晒古惑靈活，資深得嚟又瓣瓣都食得開，包括同唔係美國做朋友嘅國家，女主角一直都係佢「背後嘅女人」，突然間個兩個嘅角式互換，加上佢兩位嘅政治嘅野望好唔同，或明或暗有衝突，再加上又同某人玩三角戀，啲戲味好濃。其他角式，多啲戲嘅係駐英領事入面主要講個外交副官同 CIA 個主管。除咗幫手講解領事同駐外情報工作點做之外，佢兩位啲線都同主角好有關連。英國方面主要講首相同外相，佢兩個個性格同戲都出色。

搞出呢個系列嘅係 Debora Cahn，佢曾經替《白宮群英》 S4-S7 做過編劇同監製，雖然唔係該劇嘅黃金時代，可以話對政治劇有咗個底；後亦做過《暗戰》 (Homeland) S7 嘅監製同編劇，打造呢套睇嚟都相當順手。佢有好多風格向《白宮群英》致敬 -- 個鏡頭跟住角式邊行邊講，甚至帶去另一對繼續邊行邊講，而季尾一樣玩得好爆，令到觀眾好想知啲角式安危。

係咪左膠？個故仔雖然同現實世界局勢好似 -- 英國脫咗歐，俄國打緊烏克蘭，敍利亞俄佬有份打內戰，利比亞亂晒龍加埋有個俄佬搞嘅「僱傭兵組織」參與其中，伊朗畀西方制裁到一窮二白，美國總統，唔知咩黨派，只知係個年事已高健康好有問題（但唔係懵）嘅長者，而英國首相同樣唔知邊邊嘅，只係個鷹派，好理選民感受，但衰易衝動同好易得罪身邊嘅人。無晒《白宮》嘅理想主義傾向，好多時講實利計算，同女主角嘅理念有衝突，佢個身份只能夠擺平各方要求，無咩嘢可以主動做。

想明多啲國際外交事務，呢套都可以作為一窺其運作嘅一麟半爪。

[肉羊哩咖]

Wallace & Gromit： Vengeance Most Fowl 係老牌英國定格動畫 Aardman Animations 最新傑作；香港譯作《超級無敵掌門狗》，呢套係其中一部早期短篇動畫《著錯褲》(The Wrong Trousers) 嘅續集，呢套比之前篇長多成兩倍咁滯，唔透上一部係點，故仔叫做通，又一啲都無拖，亦似上一套長片 The Curse of Wererabbit，加入少少恐怖片嘅原素。

故事都係一貫因為 Wallace 闖咗禍，而 Gromit 點樣救佢個「主人」為主，中間好多老式英國情懷，而穿插唔少向各名電影電視致敬場面（異形續集、007 、甚至 Senfield），亦有其他 Aardman 創作嘅角式客串一 兩秒；一半笑料係英式幽默，一半係差里式嘅 slapstick comedy，好笑過 Sonic 3 。睇咗會發現 Reboot 原來有另一番意義～～～

雖然話係定格動畫， Aardman 近年都現代化咗好多，加入咗好多電腦動畫輔助效果，但係無搶到原本手作嘅效果。

原本配 Wallace 係已故嘅老牌英國演員 Peter Sallis，近十五年由 Ben Whitehead 配，今次都非常稱職。

成個系列，另一樣極之難得嘅係，Gormit 同今次個反派都係完全無對白，靠晒啲表情做戲。

留意嘅係英國，亦只係英國，唔係去 Netflix 上面睇，要去 BBC iPlayer 睇，英國嘅老細唔好去錯。

[肉羊哩咖]

作者: 肉羊哩咖

The Diplomat 上咗兩季，講住第一季先，共八話。

The Diplomat S2 全六話。頭四話緊接返上季結局嘅事件，頭一話仲好緊張各角式嘅安危，但好快又用足四話時間帶返出去個故仔嘅兩條主線 -- 波斯灣事變同女主角嘅政治前途，雖然演出落力，但難免有拖嘅感覺，如果係 TWW 迷，會發現好多位向 TWW S2 致敬～ 而最後兩話，由 Allison Janney (The West Wing, American Beauty, Juno, The Creator, I Tonya 等等等等）飾演嘅美國副總統正式登場，由台型、談吐、壓場感到政治手碗，真實嗰位阿賀嬸唔好話替佢拎鞋都唔配，簡直難望其項背；唔單止令到兩條主線再起爆，個結尾比上一季玩得更「大」，女主角陷入前所未有嘅感情同政治危機之中。

縱觀無上一季咁正，一來個頭去得太慢，有啲哆嗦；二來人物寫得爭啲，新角除咗副總統之外無乜吸引力，而主角群都失色咗。

S3 已經開咗綠燈，不過未知會唔會係最後一季～

[肉羊哩咖]

Lincoln Lawyer 去到第三季，共十話。

緊接上季尾事件，故仔涉及冤案，加埋主角相當關心受害人，變成單幾個人嘅案。一貫穿插其他細案件，第三話開始慢晒落嚟，其他配角嘅線少少哋講，開頭以為用嚟攝時間，去到尾三四話，佢哋啲線又連返主線，尤其主角個第二前妻變得吃重。當成壇嘢變得緊湊嘅時候，個結局好可惜地由外力解決，無咗正義張顯嗰種痛快感，有少少失望。縱觀都幾好睇，但十話未免太長，欣賞個氣氛陰沉咗，人物一如呢類系列作會越整越多，好在有啲舊角慢慢淡出，唔係會仲慢。

睇個結局第四季應該走唔甩，Netlfix 似乎畀多一季佢玩。

[IDGAF]

https://www.netflix.com/hk/browse/genre/81921064

https://www.netflix.com/hk/title/81788927

偶然留意到宜家香港Netflix有做WWE直播，
多數香港時間朝早9點開始，
以前睇過Netflix劇GLOW：華麗女子摔角聯盟，
有興趣可以留意下。

https://youtu.be/Yb6Xjez65II?si=w1OaGpNfO54No4ue

[肉羊哩咖]

《我的幸福緍姻》第二季第三話：走咗個惡後母，今季換個惡家婆，仲要係傲嬌～～～