睇左The Witcher第一集，
最後段格劍打得幾好睇，
唔似有d劇hea打雙方係咁斬空氣

預告：第四話仲正。

暫時睇左兩集感覺良好

The Witcher 煲完，總括嚟講中上。

無玩個 game 無睇過書。男主角入型竹格唔在講，女角 Yennifer 邪氣都幾好，但佢開頭個咀啲「角度」時時唔同嘅～而 Ciri 比較弱。可能兩位女角都係新手，故仔最大問題係為咗就個結局，所以有兩條時間線，唔留心對白唔知睇緊前定後。基本上 Geralt 嗰啲多數係之前，而 Cir 嘅現在。背景寫女角比較豐富，反而 Geralt 嘅好少，希望下一季會講多啲。除咗 Ciri 條線，大半話數都係 Monster of the Episdoe，有啲好有啲悶，好嘅在慢慢講主題「哲學」：命運，要順住命運走，抗逆命運會國破家亡。

打真係幾好睇，有大戰，有隻揪，但係啲質素時好時壞，唔係場場都好睇。而啲特技，大部份都一般。最唔老嚟嘅係成日撻啲專用名詞而無解釋，雖然唔係好影響欣賞，但總係爭啲咁。

Kingdom s2 終於有聲氣～

The Witcher八集其實劇情都算唔少，
三個主角劇情交代算足夠，
但睇完硬係覺得冇完滿一季既感覺。

幾同意有啲影評話呢季完全唔夠喉，最後一幕只係講到個故仔啱啱先至正式開始，有位甚至話要搵係咪有隱葳咗嘅第九同十話要 unlock 㗎～～～

題外：Entertainment Weekly 叫做又大又老嘅娛樂雜誌，佢出咗篇 The Witcher 嘅評論畀咗個 F 分，但爆出其實寫嗰條友只係睇咗一二同第五話，畀網民鬧爆～～～

題外2：Mark Hamil (Star Wars, Batman Animated, The Flash) 開玩笑咁話幾啱做 The Witcher 入面 Vesemir 呢個角式 -- 一個資深 witcher，Geralt 當係佢老豆。唔，都好喎。
https://twitter.com/HamillHimself/st...345797120?s=20

放假無聊, 見到Die Hard 5又上番架, 就撳左黎睇.

戲本身唔好睇, 不過當年戲院睇完就無再睇過, 唔記得晒劇情, 就再睇一次.

好奇Netflix 點解會嚮呢個時節上番呢套戲. 莫非Netflix 以為第5集仲係 Christmas movie?

與其睇DIE HARD 5，其實推薦你睇紀錄片THE MOVIE THAT MADE US，
入面就係有講DIE HARD嘅製作過程，值得一看。

唔知佢哋點計出嚟，Netflix 公怖話 The Witcher 扒咗 The Mandolrian 頭，成為全球 No.1 電視劇集。咁唔該你哋繼續鬥落去，咱們就有更多好戲睇。

另：隻（賞個錢畀你個 Witcher）被認為極洗腦，非 Netflix 授權版嚮網上熱播中：
https://soundcloud.com/giona_ostinel...o-your-witcher

佢隻歌我都loop 住咁播左好多次

Witcher 頭幾集的確好難入門 ...
我都叫做玩過下第三集隻game
但有d 位 都睇到 R 晒頭
好在去到後面既集數 好多野都可以連返晒
個劇情終於順返

超人的確係成套戲最大亮點
Yennefer 個演員個樣係有d 怪怪地，就算真人接受訪問時個面都係唔對稱的 XD

好似第一話 Ciri （同 Siri 係咪親戚？）同佢呀婆講咗句嘢，跟住 Renfri 同 Gerald 講緊同 Ciri 講嘅同一件事，觀眾先知個時序個關係；有啲係某啲配角再登場，講/做咗某啲嘢，再對照返之前個故仔先明。係最後尾會覺得所有嘢串埋會好滿足，但個過程會好亂，影響咗評價。

有分析片講，TV 版有啲原創角式，亦有好多劇情加入/刪減/混合/更改咗次序，同原著唔同。

如果佢個故事同演出做得好，唔同既媒體有唔同既版本都係好事
就好似小說同幾隻game 都有一定既不同

Witcher睇到第三集，感覺上每集都好慢長，可能喺敍事節奏（用對白推動劇情）
集集都有扑野情節，返工喺巴士睇真喺呢⋯⋯
其實睇咗三集都唔明個故事，獵魔哥哥扑野同行行企企好路人feel
由手機版發出

睇完第一季 Witcher。
唔講角色樣貎，其實大致上都OK。
係魔法師唔出魔法，相反用劍打，覺得怪怪地。。
男主角戰鬥能力又係，中後段弱化。。比

Witcher game無玩過 (買左擺嚮道好多年未玩 ).

睇左第一集, 係有D摸不著頭腦. 又或者我睇下停下睇漏左..........?
e.g.
- 又話男主係專殺妖魔, 點解兩邊都搵佢殺人類.
- 男主同個女人好似嚮酒吧才剛剛識? 但跟住又好快kiss. 睇唔到有咩感情增長過.
- 嚮尾段男主點解要同個女人打到你死我活? 理由係?
- 男主打贏後點解被掟石頭? 仲要佢救左既細路女都鬧佢?

係尾段場打鬥幾好睇.

Witcher 3 嚮 steam 既同時遊玩人數, 呢幾日回勇, 仲多人過初發售時
https://www.vg247.com/2020/01/02/the...-series-boost/

試吓解，都無乜透嘅**～～～
1 據個魔法師嘅理據，女叫 Renfri 嚮日全蝕時候出世嘅，體內已經異化/變種（X-Men?)，已經「唔係人」。加上 Renfri 要搵上門尋仇，所以請 Gerald 搞掂佢。
2 可能兩個人都好寂莫，一行埋就「撻著」都唔定～（唔係咁講唔知點解）
3 Renfri 為咗要對付個魔法師，開始捉晒全鎮嘅人做人質要協個巫師，亦可能係自殺嘅借口，Gerald基於 lesser-evil 嘅原則武力介入，但其實佢拎法律入自己手裡面，係遣背咗佢個原則。
4 鎮啲人唔知 Renfri 要捉佢哋做人質，亦唔知 Renfri 個底細，只知 Gerald 光天化日之下殺咗好多人，更加因為傳聞唔鍾意 witcher 呢啲「變種人」，同埋個魔法師嚮旁邊撥火，所以啲居民憎佢到要掟石；個細路女你當佢係魔法師啲手下都得。

根據啲解畫片講：要成為 Witcher 嘅經過特別訓練，要經過食藥呢關，十個大約三個過到關做到 witcher，其餘嘅唔死都殘廢。witcher 身體異化 -- 復原比一般人快，衰老亦都慢，可以食藥去再強化自己嘅能力等等，好似唔係個個 witcher 都白頭，因為 Gerald 佢過關嗰陣變成咁；間「學校」無咗，witcher 已經係稀有動物。因為 witcher 異於常人，又傳佢哋無人類感情，所以一般人好排斥同丕視佢哋，但有事唔求佢又唔得，好似風之谷入面啲馴蟲師咁。

我睇完都想玩下遊戲
喺咪可以隨意啪啪啪？
由手機版發出

要睇晒全季先會明佢故事大約講乜（命運，選擇）。呢套野唔係普通平舖直敍既故事。

男主角係異變人，係普通人眼中，佢係怪物，為錢做乜都得，所以乞人憎
（劇情會講到，人既睇法，會因乜事改變）
多啪啪啪係呢套野賣點之一，啱FEEL就上，唔需要太在意
GAME都一樣，當係 同級生系列玩就OK （誤）

第一集其實有提到，兩邊要殺既人都唔係普通人，所以都要男主角出手。

故事講到兩害取其一，男主角自己唔揀，但叫女角揀，留/走。
女角之後的選擇就迫返男主角做出選擇。

最後其實魔法師講要做某些事，男主角唔准，魔法師就用言語煽動民眾情緒

係，有錢就可以。
其他重要女角色就要睇自己選擇了
呢隻GAME 最好玩係 "選擇"，
能夠自我限制唔LOAD SAVE，就可以更加投入呢隻GAME。

WITCHER 3 呢隻係接近滿分之作。
因為超受歡迎，所以先拍呢套戲，亦因為GAME入面塑造女主角太完美，
所以WITCHER3迷 先會對 劇集既女主角選角極不滿意。

昆特牌大於一切
來玩昆特牌吧

Carole and Tuesday Part 2 食完：整體上好過上一部，故事性強咗，發揮出上一部開咗啲嘅故事線，對反映現代政治議題過敏者不宜。歌多咗亦多咗嘅唔同嘅風格。啲慳皮嘢硬照當動畫繼續咁多，好在嘅演奏動畫繼續一流。應該無 Part 3。

似乎香港netflix呢邊上咗Spider-Man: Far from Home,今次咁快有~!
同例牌農曆新年前會有一堆周星馳電影,
其他好似Men in Black: International、Maze Runner: The Scorch Trials都想睇~!

好耐無睇Netflix,應該都有4-5個月…
儲落一堆電視劇都未有心情睇添,
希望農曆新年前後會有時間煲下劇啦~!

Spider-Man: Far from Home
https://www.netflix.com/hk-en/title/81055822

Men in Black: International
https://www.netflix.com/hk-en/title/81057361

Maze Runner: The Scorch Trials
https://www.netflix.com/hk-en/title/80046310

Sony戲特別快有,上次Venom都係咁快。
由手機版發出