就算打得嬴仲要清埋佢大軍,當時情況遲一秒就死多唔知幾多人仲邊有得俾佢慢慢玩

Scarlet Witch 係勁
但可惜（故事編排下）不敵戰艦 (始終唔係打1 on 1)
CM更勁，但又不及Thanos 醒目拿粒Power Stone 出來用
肥仔雷神就算啦，佢係Fit 3打1個場已經win

其實諗番
1. Time Heist拿番粒石 unsnap有完整Plan （但實際執行又另一回事)
2. 開頭斬Thanos，CM出波突襲鎖頸其他人一人拉一隻手腳再斬佢隻手落尼 有夾過

Hulk snap 完之後都係Thanos 主導，根本就無得選擇
加上兩邊曬馬，無得比你集中打Thanos一個先

Rocket：今話變返路人，不過繼續毒舌；佢拍醒科嗰度最好嘢；如果佢同 Groot 有多啲重逢時間會感動多啲。另有說 Audi 有個 app game，入面講救返鐵皮佬嘅唔係Carol，而係 Rocket⋯⋯

Garoma：無乜戲預咗，唔知係咪先入為主，硬係覺得佢開頭唔多覺佢想 Thanos 完成佢個大計；不過就算佢無化灰，有個問題：佢跳咗9年，而 Thanos 同佢個軍團都化咗灰，咁 IW 嘅事件係咪無發生過？個時軸又點解釋？

Warmarchine：佢無乜表演，但鐵皮佬犕牲嗰一刻個表情令人心酸。

Happy：佢問鐵皮佬個女 Morgan 佢肚唔肚餓，諗起鐵皮佬都好鍾意食芝堡，網上有人話佢個表情好有感情，要睇多次確定～

Carol Denvor：呢套戲係班 OG 復仇者嘅絕唱，梗係要讓吓路，畀佢玩晒仲有乜好睇～

Mjölnir：聽返嚟，原呢個鎚畀 Odin 「祝福」過（而 Stormbreaker 冇），邊個夠資格嘅話，就可以用個鎚兼自動擁有雷神同等力量，啫係落雷之類 commands 全部即時 unlock。明晒。

隊長：有問最後最後，佢點會有個完整嘅盾畀 Falcon，留意佢出發去還嘢嘅時候，拎住個完整嘅盾，嘅然時光機都整到部，叫黑豹整返個盾又有幾難啫？

Bucky：有人話隊長出發去還嘢之前，已經向佢暗示咗唔會再返嚟，要睇多次確認；佢繼承唔到隊長，佢 red in ledger 都好多，而精神好似中未醫好。

BW：網上推測佢部電影，係前傳，但係講化灰發生後五年之間嘅事，幾合理，但唔知會有咩好睇～HYDRA 餘黨搞事？

Nebula：佢打瓜咗以前嘅自己，唔會消失嘅？

眾女齊射：唔講佢哋點「咁啱」一齊出現先，嘅然 Carol 同 Wanda 隻揪都幾乎打低 Thanos，咁點解集合齋射只係「推跌」佢？！

雖然角色可以喺兩條TIMELINE互相穿越，但所有事件係獨立發生，2014線既Nebula死，只係2014線無左Nebula，而2023線既Nebula喺2014年時係無穿無爛，當然唔會消失。至於2014線既Thanos大軍化灰，2014線的確係唔會有IW事件，同樣對2023線唔會有任何影響......

點解一定要整手套裝石，然後戴手套彈手指先至發動到願望？
即係如果無手套，或者唔知道要彈手指呢個條件的話，
就算集齊到六粒石都無用？(其實我呢個問題係唔係無需要spoiler？)

Gamora一早就知點去搵靈魂石但無同Thanos講
而自己親身經歷過1/2, 又點會想佢成功

時間線既問題, 其實都係果句, 過去做咩都唔會影響未來
A4用既理論唔係一般電影用果種
所以就算兩個Nebula同時空甚至死左個都唔會改變2023既事件

2014成隊大軍過左黎, 應該只會分裂多個平行宇宙

亦都係因為咁老美隊既存在先好似有bug

呢個老美就係 0係另一個平行時空，經歷過晒所有，而最後選擇左自己回到過去 （現在呢個時空），隱姓埋名，直至最後出現。。

而呢個時空既隊長，又會係另一個時空既過去做緊呢個老美的一樣的結局

咁應該唔算係BUG 呱

the ancient one講到一粒都唔可以少, thanos一開始毀滅晒會發生乜嘢事

各粒石各控制宇宙嘅一部份（阿王講嘅），腦補：可能齋集齊都無法子用，所以 Thanos 要要脅矮人幫佢打造隻手套，等佢隨時用到每一粒石，或者全部石嘅力量，啫係控制成個宇宙。從 IW 一直演示 Thanos 點用啲石，都係佢心諗用邊粒就著邊粒嘅力量，做到佢心諗嘅嘢，但好似無兩三粒一齊用過。彈手指可能係特別指令，啫係用晒全部石嘅力量；如果你信科所講嘅「魔法」係極先進嘅科技，咁叫做通，掛？

古一話6粒石係對抗黑暗勢力嘅重要手段，所以1粒都唔可以少，
但有趣嘅係過去MCU入面聖石被用於破壞多於守護…

一直認為無限手套係令血肉之軀駕馭到聖石神力嘅道具，
但似乎唔係咁樣，似只係將6粒石嘅力量融合接通嘅道具

我認為只係一個比喻，或者係一個標誌性動作，
實際上並一不定要彈指先可以動用6石嘅力量

好想要隊長一個人面對住 Thanos 成支軍隊個海報。

幾乎無加 spoilers 透咗出嚟～～～

印象中好似唔係呢隻手

應該真係要彈指個動作先可以
因為ironman搶石前有一刻,已經戴在手準備彈指
但比Captain Marvel夾硬掹住啲手指先冇發動

應該係得原版矮人套先可以獨立發揮/玩複合技

東尼個A貨應該剩係得彈指功能，仲要好可能無原版矮人套咁堅連堆DEBUFF都可以減輕

如果唔係紫猩猩都唔洗專登拆粒石出黎先可以打飛經期隊長

應該話自從內戰之後東尼D黑科技已經步入魔法領域去左另一個次元，剩係靠地球有既物質居然連時光機同納米機械都搞埋出黎

hea左五年復出仲要即刻整到個A貨無限手套，明明佢連原版都無拎過係手分析過構造

話就話Tony果5年入面係養生
但我覺得Tony果5年入面分分鐘根本無停過研究
一來Tony個性格上就係會不段咁研究、不段咁以自己既未來學去逼自己
二來就係Tony呢D發明狂 你見佢屋企咁齊設備就知佢有一半係當興趣咁玩

雷神變肥佬都算啦,開拖果陣將D鬍鬚扎辮仔真係核突到爆,佢係咪得罪左編劇呀

件甲由MK50一吓跳到85⋯⋯
拍得住第3集時嘅產量

而且中間啲甲去咗邊，我相信hottoys老闆一定係最想知嗰個

https://comicbook.com/marvel/2019/04...-travel-works/
"It's not a time loop," according to Joe Russo in a recent Q&A. "Both Ancient One and Hulk were right. You can't change the future by simply going back to past. But it's possible to create a different alternate future. It's not butterfly effect. Every decision you made in the past could potentially create a new timeline. For example, the old Cap at the end movie, he lived his married life in a different universe from the main one. He had to make another jump back to the main universe at the end to give the shield to Sam."

即係話Cap跳翻去還石同埋冇再翻嚟，而最後同Carter一齊的，其實果條已經係另一條新timeline，然後佢到老咗90幾歲時，再經quantum realm翻嚟比個盾Falcon。即係話原MCU timeline冇改過，Carter都係冇同Cap一齊，識咗另一個老公。而原MCU的Cap就喺還石時跳去另一timeline生活咗50-60年，再跳翻嚟交盾、聚舊、退役。

當然我原本的說法都唔係唔通，原MCU timeline一直就係Carter隱瞞（為咗唔想劇透Endgame，劇透會比人打的），所以Cap一直係佢老公，而年輕Cap解封去搵佢時，佢果句"因為你我先識到我老公"，係語帶相關。

官方當然比較合理，因為老Cap係突然出現喺長椅上，所以佢係time jump翻嚟的。

我諗到有咗呢個技術都幾茅，有咩野搞唔掂，未又time jump搵人搵石幫手囉，既然冇蝴蝶效應，受害的至多係其他timeline。不過亦都可能係咁，下一個saga可能就係講報應，一係講time travel的報應(Kang the Conqueror)，一係講multiverse的報應(Secret Wars)。講Kang係好大可能的，因為佢好大可能已經出現咗（如果知道Kang故事的，應該估到我講邊個）！

諗起Ancient One果一幕，當佢聽到Strange居然放棄time stone，就改變主意比Hulk拎石。其實佢本來都係墨守成規的，又要守規矩唔用粒石，但又唔可以毀咗粒石，係始終覺得有件秘密武器喺身邊先有安全感，又或者係死守保衛者之名。但係Strange就唔同，多次用粒石，而且最後係敢去放棄，反而教識Ancient One去放棄。今次亦解答咗大家，下次Doctor Strange 2冇可能再用上次個招了。

要變角色路線入gotg?