呢兩年好多 game 債未還，但總算都叫睇過細佬打 Assassin's Creed 2 三部曲
但我真係好想問 Ubisoft 你想點？點解 AC 系列要密到一年出一隻先？
我明 game 界要做一個賣得好既 brand 係好難，要賣得好更難。
但呢三年黎，同一個制作組一年做一集。AC2 之後，個質素根本就每況愈下！
如果你係想好似 AC2 咁 enjoy the story，ACB 根本唔會滿足到你。
ACB 係 AC2 既延續，或者咁講，就好似 MW2 專登唔做埋個結尾，而留黎做 MW3 咁
所以你想追落去，係一定要買埋，但就直接破壞左你對 AC2 / MW2 既美好印象
Brotherhood 故事接近可有可無不說，表達方式點解可以差過2代咁多？
本身 AC2 代 AC1 大幅改善既鏡頭運用、述事手法竟然可以全部唔見晒！
ACB 個結構係同 AC2 大致相若，但缺少左 2代漸進同埋玩家跟住主角半生歷程既感覺
相較 AC2 由 Eizo 家族殞落，到Eizo加入刺客組織慢慢一步步咁成長，由復仇再到得到救贖，
到最後玩家同 Desmond 一齊體驗 breaking the fourth-wall 既震撼(據聞係小島教既)
而最後交代後續故事既 playable credit，比玩家一種「可以做到雙線平衡發展」既錯覺。
ACB 呢？ACB 只係將 AC2 故事重覆做一次，但個時間線就由半生改做三年，
Ezio 身邊班人既性格竟然可以突然大轉變，而佢地做既人仲竟然可以違背佢地2代講過既野
而現實果條線，對比 1/2 兩代只係用 e-mail，其實佢係有相應咁增加返現實人物既戲份
但有小小遺撼係因為最後 Desmond 果 part 過程太長，有兩個故事相割裂既感覺
AC2 入面，制作組向玩家將文藝復興年代既世界重現，加埋幾個唔同風格既主城，一路玩一路有新驚喜
ACB 個 羅馬城 除左2代做左果部份外，其它都係用1代既建築同1代texture，整體變化不大，懶到出汁
而唯一同文藝復興有關系既只係得返堆 easter egg 同 文西 既 mission，問你死未！
ACB story 唯一得返少少睇頭就係 刺客兄弟會 點形成，同埋 Ezio & Desmond 既新路向
新玩法例如派馬仔做下任務呀、打下文西d兵器咁，都尚算過得去，但成集真係無2代咁有意思
而 Revelations 故事上面雖然有改善，但我又不妨講下佢低能既地方
ACR 講既野 Ezio 希望入 Altair 圖書館既經歷，故事基本上變左單線咁進行，
所有野都係 follow Ezio 條線，Altair 同 Desmond 既故事作補充，
雖然有部份位都係好隔硬黎，但都算叫承先啟後，算比 ACB 來得有意思
而現實條線，基於 Animus 壞左，除左結局外，其實現實條線係無左 ...
以前三集都有既 Subject 16，今集都出左場，但老實講有少少可有可無 feel
而取代 Subject 16 既 side mission 就變左 Desmond's Portal 既解謎遊戲
而呢個解謎遊戲，雖然有交代背景既作用，但 ... 沉悶程度到膠力都處於極高水平 ...:mask_mk2::mask_mk2:
呢 part 極度 fans 向，你無興趣知道 Desmond 身份背景既話，絕對可以玩到你訓著
我講既只係故事，至於玩法 ... 老實講我覺得比 ACB 仲要差又不得不提佢三大新要素：
新玩法「塔防」，絕對係呢個遊戲既敗筆，其實只係拖慢你遊戲進程而又唔好玩既 mini game
新武器「手榴彈」，雖然有新鮮感，但逆天既設計已經令遊戲變成毫無挑戰性
(其實 ACB 既連殺系統已經有呢個傾向，只係估唔到今集有得更逆天)
新裝備「臂勾」，個人覺得係極正既賣點，因為終於可以響城入面飛黎飛去 ... 唯一問題係醜樣
故事雖然係好左，但玩法創新性一般，大同小異驚喜欠奉。
新加入既流行原素—「塔防」，個人認為係最大既敗筆，唔好玩事小，「晒時間」事大！
而 Desmon's Portal 更加係重新將 AC1 平平淡淡咁交代故事既「缺點」發揚光大
或者可能 ACR 同 ACB 既賣點係 Multiplayer 掛，但我未玩過，就不便評論了
其實最近三集，我個人感覺係愈做愈差 ... 希望 AC3 真係返到 AC2 既高度啦 ...
