無嘅,電影版嗰邊有防透提示,呢度本人只係略盡其綿力,做得幾多得幾多,唔係玩針對,溫提咁解啫,放嚮個標題度費事次次提吖嘛,提得多都唔好意思添,啲老細都好識做,䁱互相就住,一時唔記得都識得改返嘅,個防透功能其實都唔係咁難用啫,嚮咁多版用咗都無礙吹水進行。容許本人有少少自誇,都係好人好事嚟,值得推廣。
若果有老細堅持要透,本人講過咁都無計㗎,本人只係開個討論串可以集中圍爐吹吹水,唔係要做山寨王,無權管呢樣嗰樣噃。咁如果有其他老細有咩唔老嚟扑鬼咗啲堅持要透嘅,咁就無謂啦,不過本人都幫佢唔到嗰噃。
-------
唏!拉返去正題:
1。舊聞:個 The Mando 主角有兩位替身,其中一位係已故大明星尊榮 (John Wayne) 個孫,照計都好掂。睇返啲片,荷里活有好多做特技替身嘅,無論樣貎身材能力演技唔輸蝕,甚至好過個大明星,真係同人唔同命,娛樂圈人多但係行頭窄,都係要講機會運氣。
2。原來訂戶條數係滴住嚟講業績嗰陣公怖出嚟,不過講咗多樣嘢,仲有多七套 MCU 片籌拍緊,計 Hawkeye 等只知有五部,咁啫係仲有多兩部嚟緊,諗多咗嘅會話其中一件係 Young Avengers 咁話喎,因為大部份角式之前都安插好,睇吓點。
3。同場講星戰嘅,只係得Rogue One 男主角個前傳,Obi1隻字不提,繼續有人估佢變咗電影。
4。另一個係好多人提嘅 The Mando 第二季,大老細 Bob Igar 話會加入多啲角式,等之後可以「開枝散葉」咁話,玩 Doom Patrol 咁?有少少鑊氣陣味,星戰下半年得番呢件單天保至尊,你咪連呢個玩死埋。
5。有少少題外,KK 之前英國嗰個「奧斯卡」話以後啲星戰電影要搵多啲女導演,無所謂,不過妳又咪玩中途炒魷就得喇。
6。爭啲唔記得,想帶返原隻大 Mando 個「細路」(通稱 Baby Yoda)返屋企,Sideshow 會出,全高 41cm,受權嘅,現已接受預訂,留意吓個交貨期,同埋價錢就⋯⋯
https://www.sideshow.com/collectible...ctibles-400369