[肉羊哩咖]

Batman Ninja 結論－－過癮！

你話本人雙重標準都好，唔係部部戲都要高深，陰沉，真實系，有時玩得好，即使超誇張，唔洗用腦，唔理咩起承轉合，都可以好睇㗎

（咳）呢套玩 Fusion，美系超英，戰隊（係，真係有戰隊梗！），steam punk，港式功夫，古裝日劇。仲要好多細位設定，尤其係同小丑有關嘅，留心嘅會覺製作班友好有獨特趣味，妙在完全無違和嗰度正。（大猩猩浸溫泉～～～）仲穿插唔同嘅畫風，雖然分鏡制作畫配樂都一流，衣服啲質感仲係爭啲鬆軟柔順。

貓女好萌，耶！可能受到嗰隻 game 玩蜜桃雞影響，蝙螎人扮忍者唔覺有咩問題，

Act 2 一出現嗰樣嘢就知班友真係天馬行空，完全唔理牌理咁，放到幾盡去玩，雖然用戰鬥串連埋個故，無冷場，但唔好期待有咩人物去推劇情。好可惜因為咁，除咗小丑阿福同貓女啲戲份多少少之外，其他配角出場就好有限，變成一堆大路人。

仲有，mid-credit scene 真係笑咗出嚟。

後加：按維基講，其實發行有美版同日版，個故仔係有唔同（點唔同詳細唔知），不過，斷估呢個係日版嚟掛？