[某F]

Catbus Omnibus


所以陳先生先前要敎大家，建立族羣政治，確認香港人身份。我就係香港人，別無他想。當今留低喺香港嘅人，多數已無處可去，只得香港爲家。以香港爲家嘅人，請舉旗不定嘅人，步下香港政壇，由以香港爲家嘅人代替。如此就係達成自治之要務。

喺外地殖民控制香港之前，就要重建香港人意識，阻止外地繼續殖民香港，否則就會太遲。龍獅旗又好，廣東話又好，正筆字又好，如此種種，都喚醒香港人命運一體之思想。外地人可以歸化，但前提係要認同香港文化，跟隨香港風俗，投入做個香港人。

我係香港人，以香港爲家，不作他想。香港之利益，就係我嘅利益。若然未有依種想法。其他乜嘢公民權利，民主制度，都係虛假。只得形而不得實。英國人方便統治，只係敎咗個形，而無敎公民社會根本。

有香港人意識，進而保衞香港人自己，保衞尊嚴同利益等等。如D&G，奶粉，雙非嬰，簡化字，種種事情，都係鍛鍊香港人維護香港人，爲未來公民社會舖路。一日未曉維護，一日都未成公民。

我就係香港人，別無他想、以香港爲家，別無去處，重有乜好講。正如鐘庭耀之統計調查，認同感都要人去定義嗎？

分化原於利益不同。本土人之利益，同借用香港嘅人嘅利益，大爲不同。咁簡單都唔明？家下確立香港人認同感，香港人維護自己，保衞自己，正正係要團結香港人，令香港爲家嘅人，有命運一體之心。

請勿用依種差不多論呀。香港人入NDS，有無搞到日本人無得用先？但香港父母確然係要撲奶粉喎。問題不在水貨，而在香港嬰兒無得食，人命豈可兒戲？唔好同我講轉奶粉，餵人奶。點解係香港人要遷就大陸人先？若然香港人去搶日本奶粉，日本丫仔頻撲無得食，日本政府都會有措拖應付吧。全世界政府，都如此運作。請有少少常識。

大陸嘅問題，應該由大陸人去解決。香港人要守好香港先，有餘力走先幫人。依個係香港所有救護人員嘅原則。

最簡單，奶粉一事，就乜都現晒形。政治就係利益分配，公民政治就係平民維護自己利益。香港政黨不在乎香港平民利益，就係出賣香港平民。引用歐美道德之前，唔該睇下歐美現實，人家都係公民利益行先，其他非公民唔守規舉，擾亂秩序，隨時會驅逐出境，何況係幾罐奶粉要報關依啲小事。香港政黨係無政治常識。