Games Animation Forum

主題: [美劇] 有無人睇Netflix?
查看單個文章
舊 06-19-19, 08:59 PM   #903
肉羊哩咖
God of Gamer
griffin611
 
註冊日期: May 2008
文章: 9,436
JJ 有個 Lex Luthor

JJ S3 完食。

唔錯,劇情無S1 咁有迫力,但好過 S2 好多。好識利用到流動電話同社交媒體嘅現實。缺點係灌水嘅情況太明顯,起碼咳到兩三話,尤其係第11話真係同總篇集無太大分別。

無懸念係女人戲為主,舊角尤其 Marcus 個變化起跌都好精彩,可能好睇過主角條線。新角個秘書串咀得嚟幾搶鏡但唔覺太煩人,另一個新角 Erik 寫同發揮仲好,夠戲份又夠立體,有少少想知再多啲佢個 origin story。舊角「家姐」Trish 寫同發揮都好,有成話係佢個 origin story 都正。可能個焦點唔夠集中,佢同女主角個關係應該係重點,但頭半季都時有時冇,但佢個結局都叫完整。

另一個重點放咗新歹角上面,佢無異能,除咗好聰明,同心理變態之外,佢個「出場」方式好怪,但之後講返佢啲前科同之後嘅行徑,又唔係好對前文後理。佢咁都走得甩唔係無犯駁,除咗中後段有度真係好玩嘢叫意料之外(無透),佢又無 Kilgrave,Kingpin 之流咁有迫力。係好識擺佈同裝人,同埋放咀炮摶打。呢度群眾壓力同警方個「威脅」可能仲大啲添。

女主角都係咁,唔係頹就係醉,唔係無發揮機會,但絕大部份時間,來來去去都係咁嘅款,又無乜成長就爭啲。最後有個特別客串,為咗劇情而講嗰堆嘢,太便利。而女律師 Jeri 今季可謂最乞人憎嘅角式,太自私自利,覺得佢除咗無咁變態,拍得住個大奸,而佢檔嘢個「危機」做做吓又似無鬼咗。

個結局比 DD S3 更無乜叫做伏線可言。可以話完滿。

追加:同 DD S3 個故仔相映成趣--JJ 講守法好緊要,一過咗呢條線就變壞人,而個故仔證明呢樣嘢;反而 DD S3 成季都極力用法律制裁 Kingpin,點知 Kingpin 太有財有勢,最後都要用非常手段去解決件事。


__________________
  • 有錯麻煩指正
  • 「我絕不要恐懼。恐懼是會扼殺思維能力的潛伏死神,會徹底毀滅一個人。我要忍,讓它掠過我的身心。之後我睜開心靈眼睛,審視它的軌跡。恐懼如風,風過無痕,惟我依然屹立。」—— Dune

此篇文章於 06-20-19 12:18 AM 被 肉羊哩咖 編輯。
肉羊哩咖 目前離線   回覆時引用此篇文章
 

返回主題: [美劇] 有無人睇Netflix?