Star Wars Rebels (2014 - 2018)，全 4季共 75 話，明珠當年播都有追，不過去到 S3 開始甩咗，而家去 D+ 補完。
呢套係滴住嚟吞咗 Lucasfilms 之後第一套電視動畫。定位係少年向，諗住吸新一代觀眾；無咗 The Clone Wars 咁多深奧複雜嘢，故仔大幅簡化，啲「歷險」無驚無險，主角唔止狂開威能，對手無能到你唔信，尤其 S1 同 S2 上半季都係咁；亦靠好多電影「舊人」客串嚟撐場；但之後開始玩多好多比較黑色嘅嘢，間中有幾話甚至有便當派發；有部份劇情埋返 The Clone Wars 部份線嘅尾，而 S4 仲接埋電影 Rogue One。可惜水準仍然唔穩定，有佳句欠佳章。部份設定同其他作品有出入：電影同埋都係 Dave Filoni 自己有份監製嘅 The Mando。
主角群中，最鍾意係機械人 Chopper，佢係 R2D2 嘅相反，無咁醒，鍾意認叻，對其他人愛理不理，又成日吐糟；有人比諭 R2 似隻狗，而 Chopper 似隻貓。
反角中，最亮嘅唔係 Darth Vader，而係由 Expanded Universe （而家叫 Legend），同 X-Wing 遊戲系列借過嚟 Admiral Thrawn，S3 登場，好打得，又老謀深算，下下「誅將」，主角好多時都靠好彩走甩；以「人類優先」嘅帝國中，身為非人類而坐得咁高，仲要受皇帝器重嘅可以話絕無僅有。呢度嘅部份設定同小說好唔同。
回帶，你見 Poe 嚮 RotSW 大驚小怪嗌咩啲 Stormtroopers 識飛，呢套有大把過你睇；原來 JJ Abrams 都唔係咁「熟書」啫。
