[Busconcamp]

蘇斯克查若收大信封　將獲賠500萬鎊



英國傳媒計過，假如曼聯高層決定解僱領隊蘇斯克查，將要賠償500萬鎊，總計費格遜退休後，曼聯炒領隊嘅使費就會接近4000萬鎊。

曼聯今季戰績飄忽，總體嚟計係踢兩場好波一場衰波嘅節奏，咁樣爭冠軍真係好難，英國《太陽報》報道，曼聯係咪換領隊，未來幾星期係關鍵。

總計費格遜退休後，曼聯喺炒領隊上嘅賠償花費，炒摩連奴賠咗2000萬鎊，炒尹戈爾賠咗900萬鎊、炒莫耶斯賠咗500萬鎊，假如炒蘇斯克查要賠500萬鎊，總計就係3900萬鎊，接近4000萬鎊關口。