[肉羊哩咖]

（如果本人改到個標題，必定噉改）

本人聽聽埋埋唔少娛樂新聞，但唔想舖，因為聽咗就算；不過 Ezar Miller 條友啲鑊，可能好睇過佢啲戲。你以為佢「四圍打人，係咪心理有問題」夠「多姿多彩」嘅時候，就接連爆出佢同兩位未成少女有親密關係，而被女方父母告發，兩個受害人都係 non-binary，「非男也非女」（勉強噉譯)，一個仲係六年前開始來往，之後 Miller 仲帶咗佢去倫敦，而家 18 歲，其父母近日發現 Miller 將受害人所有生活必需嘅証件，信用咭之類全部攞走，同禁錮無乜分別。父母向法庭申請禁制令，點知法庭方面發現兩人已經失咗踨， Miller 仲舖上 Instagram 串執法單位話佢哋已經去咗另一個宇宙～～～

入返正題，咁 WB 可以點？套戲拍好咗好耐，花咗二億，Miller 佔戲極重；嗱，有報導分析過：上戲院谷宣傳（當然無 Miller 份），靜靜雞唔宣傳上，又或者直上 HBO Max，對 WB 嚟講都係大災難，賬面上損失慘重。不過個報導指，WB 有意之後嘅 The Flash 一角搵人代替。

都唔明，WB 仲無勇氣同 Miller 公開劃清界線～～～