[肉羊哩咖]

快手處理埋啲「細」嘢～

日式 He-Man：咁跳時間法，有少少偷懶，希望佢之後補返，反而女主角成埋板，聽無乜反應都有嘅？！

16-bit 感動：無咗個悶蛋新角四眼娘出場，就算少咗好多懷舊題材嘅情況之下，轉去講返女主角係咩事，反而好咗少少。仍然嚮放棄名單之列。

Under Ninja：絕對偏鋒作品，講現代日本仲有真嘅忍者存在，似乎部份係唔受政府控制，成為第三「治安」勢力，有成廿萬人之譜，但大部份都唔起眼，有位大叔甚至可能係「變態」類，潛伏嚮民間；男主角表面上係條廢人，但實際有「任務」在身，加埋件俄國殺手；睇咗兩話，開頭有少少笑料，衰在唔只啲角式唔多清楚，世界觀又一忽忽，最斃係啲時間上跳嚟跳去，主線好飄搞到好難投入，畀多一話過佢。