[肉羊哩咖]

《デキる猫は今日も憂鬱》 《能幹貓今天也憂鬱》係一套好日常嘅作品，唔似今季追開啲片咁，血花四濺，死人冧樓（好似暫時未會），講個生活能力好鬼廢嘅 27 歲 OL，屋企收埋隻高過個人嘅雄性大黑貓，呢隻黑貓係家事達人，除咗有極少數貓嘅特徵之外（怕水、食貓魚鑵頭、唔識講人話、貓式伸懶腰等），根本同常人無異，仲極度細心。主要配角暫時有女主角公司班同事同心儀嘅部長，同大貓成日幫襯開嗰間超市（！！！）嘅店長職員。

係好超現實，但講故唔駁古，佢話通就通喇，都有幾多笑位 -- 女主角個生蛋飯係一絕；除咗大量兼用咭同啲 CG 好鬼死礙眼之外，暫時得 4 話，輕輕鬆鬆，應該會追落去。