|
PSG願半價出售梅安尼 曼聯急接貨
巴黎聖日耳門(PSG)上年夏天以8,000萬歐元(約6.5億港元)轉會費向法蘭克福收購前鋒高路梅安尼，但呢位25歲法國國腳一直踢出唔出身價，會方計劃明年1月冬季轉會市場重開後，以半價出售佢，盛傳曼聯有興趣接貨。
高路梅安尼效力法蘭克福期間，曾於2022/23年球季上陣46場入23球及14次助攻，繼而被PSG高價收購。不過，佢入「門」後，表現走晒樣，上季40次披甲僅入9球及6次助攻，今季更加淪為後備，12次上陣只有2次擔任正選，遭嘲諷係法甲史上最貴「水貨」。因此，PSG打算「止蝕」，願意減價一半以4,000萬歐元出售高路梅安尼。
簽入新射手提升鋒線實力，2位法國國腳高路梅安尼、尼干古成為收購目標。由於車路士唔想尼干古轉投其他英超對手，紅魔鬼簽入佢比較困難，令高路梅安尼成「魔」機會增加。
|
