里昂總監證實：曼聯優先回購迪比
荷蘭近年強勢復甦，里昂翼鋒迪比嘅表現舉足輕重，呢位前曼聯球星一直想重返英超聯賽，近日盛傳熱刺有意1月將佢收購。不過，里昂總監P祖連奴日前公開證實，曼聯有優先回購迪比嘅權利！
迪比喺2017年離開曼聯嗰陣，有傳「紅魔鬼」有優先回購條款，不過限期、金額等通通都係個謎，巴西名將P祖連奴最近首度回應，證實回購權仍然存在：「迪比個CASE好特殊，佢係個好好球員，曼聯有權優先買佢，不過依家為止我哋並冇收到回購要求。」
曼聯希望喺1月份增添攻擊球員，迪比會唔會係蘇斯克查心水呢？
