經上次個舖之後，呢位大帝 Ezar Miller 繼續出事，仲有埋被發現成屋啲鎗彈隨處攞，收容嘅幼童隨手玩到、又懷疑佢冰島搞邪教、又涉嫌爆格偷酒，仲要衰咗被拉兼落案。
好啦，呢套嘢正路出事到咁，夠被冚十幾次㗎啦，點知 WB 最近個股東大會，大老細話套戲點到會上戲院喎～～～
最近傳出 WB 高層列出三個可能做法：
- 捉 Ezar 去治療，並接受訪問認衰洗底，繼續做（埋今次）主角。
- 完全抺走 Ezar ／或者有得留低但無份宣傳。
- 成套戲都係冚鬼咗佢，費事煩，當跌咗貳億花旗紙算喇。
大老細似乎傾向第一項，點知其他高層唱反調，想眼睇唔見乾淨盲云云。單係幻想腦補個會係點開，真係好睇過戲。
