結果係咲太利用翔子教嘅時空穿梭方法，以呢個「不應存在於這個時間」嘅分身嚟抵擋比車撞死嘅命運，同時亦避免學姐代替佢送死嘅命運。嚟自未來嘅分身最後就同現在嘅本體合體咗，保持咗另一個未來嘅記憶。
MVP係學妹無誤，多得佢同當初咲太互相踢pat pat，製造「量子糾纏」，先可以感應到嚟自未來嘅咲太。
就算睇咗小說，臨尾都仲唔係好明發生咩事。翔子再次利用佢嘅時空穿梭能力刪除咲太佢哋對佢嘅記憶？
最後翔子依然係成功搵到其他人捐贈心臟俾佢，可喜可賀。但個人覺得翔子最後如果過身會更加感動，起碼喪失記憶個下會好似「你的名字」咁有種悲哀嘅喪失感。
