咁,畀返個「讚」神奇女俠 -- 起碼有機鎗有迫擊炮 -- 不過用法錯鬼晒:實情守方係會有兩台以上機鎗,每台都隔幾遠吓,敵人攻過嚟就左右夾殺,西方叫呢種做 L 型殺陣,你有盾都無用。真係唔明點解嗰度嘅英軍攻咁耐都唔入~~~順帶一提:其實一戰無「奸人」,兩邊一樣咁衰。
(返返去正題)反照返呢套戲幾真實,雖然無乜激烈戰鬥場面,但個無人地帶唔止難行,仲充滿死亡陷阱(點解得閒啲再講),見到兩條友都搞成咁(死都唔透住),你想像下以千人為單位嘅士兵衝過去呢啲地形,個場面會係點。
本人咁講,啲睇過嘅會問,咁最後嗰場又咁嘅?
打咗三年幾,當年嘅「慣例」,攻方係進攻前用大量大炮炸對方幾粒鐘到成日,企圖清咗啲防禦工事,先派步兵攻過去,嗰場反而被先炸,可以見到嗰個真係個陷阱,而個英軍指揮官有幾心急,好大情度上係幾草菅人命吓。