引用:
作者: 王小虎
|
睇之前都以為係向警惕世人的方向發展。
但睇完覺得處理得唔夠好,
感覺係主角明知結果會發展成這樣都要做幫凶咁,
一心期盼佢件武器係戰事上能發揮作用打敗敵人,
盡快快完結戰事,再繼續整大型民航機,
明明係電影故事上佢可以用妻子的情況做藉口上山避世。
加埋開場交代地震多災多難、貧窮、資源少、科技落後廿年等故事背景,
都係美化緊侵略呢件事,講到好似唯一出路咁,
又一路避談主角的工作實際是加快現代化軍備,
根本不是研發一架能翱翔天際的飛機咁簡單,
心態上又睇唔到佢有咩掙扎位,
可能主角個角色係來自一個真實人物唔可以有太大的改動啦。
當年無買呢套作品的實體碟收藏都算正確決定,
因為真係唔啱胃口,或者其他版友又會有不同的睇法,
但都尊重製作團隊透過呢套動畫去講佢自己國家的歷史故事同感受。
