[昏迷童子Sleepy]

作者: 月牙火介

好奇怪,尋日去neway唱k忽然唔見左蕭敬騰大俠,
即時少左一堆歌唱,之後發現連方大同都失埋蹤

而偏偏呢兩條友6月會開演唱會,究竟係咪有d咩關係...?
(冇蕭敬騰唱好頹)

唔知同呢個有冇關......

打救克勤‧謝安琪　羅傑承 5億開 K場撼 Neway
2010年06月04日

香港三大唱片公司 Sony、環球和華納，向來只向加州紅提供「獨家試唱」，但今年 3月 Neway二少薛嘉麟成功吞併加州紅後，令三大公司旗下歌手新 MV絕跡 K場。加上三大公司早前因歌曲版稅問題被無綫封殺，令歌手陳奕迅、謝安琪、李克勤、薛凱琪等苦無宣傳途徑，慘上加慘。
在無得揀下，「三大」本來要向 Neway俯首稱臣，但近日卻出現白武士打救。 bma老闆羅傑承近日親自拉攏歌曲版權買賣公司 K-Net與三大唱片公司合作，投資 5億港元開設新卡拉 OK市場，對撼 Neway，為歌手殺出新血路！
三大唱片公司月前因版稅問題與 TVB談判決裂，加上 Neway壟斷香港九成卡拉 OK市場，令陳奕迅、李克勤、謝安琪（ Kay）、陳慧琳、薛凱琪、陳柏宇等三大唱片公司歌手新歌苦無宣傳渠道，當中以克勤和謝安琪聲勢最受影響。雖然唱片公司如環球打破規限讓旗下謝安琪、孫耀威、張學友亮相亞視和有線，但聲勢始終未如以往。
但 Neway企穩一哥位置只有短短 3個月， bma老闆羅傑承已靜靜地另起爐灶。近年將南華足球搞得有聲有色的羅傑承，上周六（ 5月 29日）宣布旗下 bma與台灣種子音樂結盟，成立 bma seed，並在澳門威尼斯人酒店舉行盛大晒冷音樂會，一哥曹格、一姐周麗淇（ Niki）、台灣的溫嵐和「童顏巨乳」郭書瑤均有出席。羅傑承除了擴大娛樂王國版圖外，近日更染指卡拉 OK市場。知情人士說：「羅生同種子唱片合作，希望加大公司籌碼進軍內地同台灣市場，之後仲會同內地電影公司合作開拍電影。佢知道自己人強馬壯，有錢又唔想俾 Neway牽住走，所以主動拉攏 K-Net同三大唱片公司合作搞卡拉 OK，由 K-Net負責傾歌曲版權，三大唱片負責提供 MV同動員歌手宣傳。」

Neway二少　薛嘉麟
我唔怕有競爭。（真實對白）

旗艦店 10月開
三大唱片公司因為羅傑承開出比加州紅年代更優厚的條件，亦想盡快走出困局，因此對羅生提議一口答應。知情者說：「依家羅生攞 5億出嚟連開 6至 8間卡拉 OK，咁三大公司同 bma seed歌手嘅新歌即時可以大播特播，之後同無綫傾版稅都有牙力啲，又可以唔使俾 Neway食住。但因為條款都係啱啱傾掂，第一步會搵番加州紅嘅高層同員工返嚟幫手。第一間 5至 6萬呎嘅旗艦店 10月就開到。佢哋揀嘅都係旺區，格調高檔但收費相宜。羅生預咗開張頭幾個月會蝕幾千萬，但佢都覺得冇問題，之後仲會喺台灣同大陸開卡拉 OK。」
另外，羅生為了冧 bma seed一哥曹格，除開出 5千萬 5年的豐厚條件外，更表示會無條件送卡拉 OK股份給他，「羅生好識做，為咗令曹格簽得開心，應承私人送卡拉 OK股份俾佢，連一姐周麗淇都有份。」
對於沾手卡拉 OK事業，羅生在電話中直認：「係籌備緊，不過仲有好多細節傾緊。（係唔係想打破 Neway壟斷局面？）唔係，我睇好香港卡拉 OK市場，希望百花齊放，大家開心。」

華納
薛凱琪和方大同異口同聲說：「聽公司講過會有多個渠道宣傳新歌，其實都開心嘅，但都要等公司通知。」

Sony
鄭伊健經理人林珊珊說：「羅生做每件都有好周詳嘅計劃，如果係真，多個渠道播歌梗係好啦！」

陳柏宇所屬的唱片公司 Sony發言人說：「雙方好有誠意傾合作，但一切都係洽談當中，未有任何具體細節可以透露。」

謝安琪興奮
羅傑承開卡拉 OK，最開心當然是三大唱片公司歌手，屬環球的謝安琪和孫耀威聽到消息後都非常興奮。謝安琪笑說：「我有聽過呢個消息，係就好喇，有新卡拉 OK先有競爭，自己嘅歌終於有渠道播！」而孫耀威亦說：「咁就好喇，我啱啱出碟，有得播我一定落卡拉 OK唱番自己嘅歌。」本刊致電 Neway二少薛嘉麟，他淡定回應：「我冇聽過羅生開 K場，其實市場咁大，我都唔怕有競爭對手！」

環球唱片高層登勤直認與羅傑承商談中，「羅生搵咗間公司同我傾，但細節下星期先傾。」

K-Net專替小型卡拉 OK、 Cafe、酒樓和酒吧，向唱片公司購買播歌版權，因此和三大唱片公司、英皇、上華和正東關係良好，有助羅傑承開設卡拉 OK王國。

bma多瓣數
由羅傑承創辦的 bma娛樂投資公司，業務由傳統娛樂事業至運動管理（擁有南華、天水圍飛馬兩隊球隊）、餐廳飲食，書籍出版、市場推廣，以至項目融資和提供財務貸款安排等，種類極多元化。近日 bma與台灣種子音樂結盟，成立 bma seed，主要藝人有曹格、周麗淇、溫嵐、周國賢、野仔和郭書瑤等，陣容鼎盛。
bma seed上周六在澳門「晒冷」，當晚同時舉行《 529 Fly Tonite》演唱會，給旗下歌手展示實力，當中以一哥曹格（中）和一姐周麗淇（左）最得羅傑承寵愛。
撰文：娛樂組
攝影：葉兆康
電腦效果：辛文傑