我仲以為呢度唔會有人開討論帖添。
先講返，我同唔少玩家一樣，其實真係對Codemaster毫無信心可言！
一來集集都好多bug…(有d仲要係惡性，連修復都修唔到)，仲要係相同既bug都會延續落去，
二來佢地官方既態度真係有夠差！有去開佢地官方討論區就會知道。
好多重要問題、好多人想知既野，佢地成日都答非所問。一見有唔岩聽既意見同批評，就會ban人。
仲有其中幾個重點，
1.官方討論區之前開左個帖，高達88%玩家要求官方HUD。但咁多年後，到今年，
佢地依然唔肯整！厲害！(佢地最近仲關埋個帖)
想睇證據既，就按入去睇下吧。
http://forums.codemasters.com/discus...-hud-voting/p1
2.Safety Car個系統，搞左幾年都係勁多bug……完全唔知佢地想點！
官討個度，亦都好多人問，但佢地完全無回覆過，連報導、宣傳片、gameplay片等亦無提過。
3.睇左幾條gameplay片，入面既avatars、helmet、cutscenes等，
幾乎全部都同F1 2016、F1 2017年既一模一樣！無咩加過新野、無進步過！
幾有誠意，真係完全睇得出！
4.天氣系統。由天晴轉去有雨……個度，又係好多玩家投訴！
就算有落雨都好，只要系統未去到要換INT軚之前，AI係依家可以用乾軚照刷快圈速時間！
今集有無用心改善過呢？ 佢地又係提都無提過！
太多問題，都仲未講上集upgrade架車個系統又出現惡性bug……AI係唔會升級引擎。
暫時講住咁多……。
如果Codemaster (Bugmaster) 態度照舊既話，未計我未講既問題，單單係以上既野，
今集依然會存在！
講左咁多都好，但F1就得一隻，真係想玩F1既人，都係無得選擇之下硬受。
不過經常咁多次經驗後，我同有玩既朋友都一樣，今次唔會再即日就買…(更加唔會pre-order)，
等睇發售後既評價之餘，睇佢地出一兩個patch，睇下又有無咩惡性bug係嚴重影響遊玩性等，
真係無咩既話，先決定買唔買。
