|
上個月尾上咗套 Amazon 出資嘅獨立電影 — The Vast of Night，由導演到個編劇都係新米，無法上戲院嘅情況之下直送 APV；故仔係發生嚮50年代，新墨西哥洲一個小鎮某一晚，男女主角撞啱發現咗樣嘢，而捲入一個好有《迷離境界》《X檔案》風格嘅事件入面。
成套戲扮電視片集，得粒半鐘好短，仲要開頭半粒鐘都未入正題嗰隻。但一入正題幾緊張吓，你睇開呢類片嘅老細，會好快估到咩事；但由於筆蓆細到痺嘅關係，大部份都係用對白講故仔，動作場面一隻手數得晒，好在男女主角都好戲；你唔嫌咁表達法，又鍾意睇導演手法嘅話，呢套會幾唔錯，不過本人就覺得一般，最好睇係中間「一鏡過」由女主角嗰度轉到去男主角嗰度嗰幕～
__________________
- 有錯麻煩指正
- 排緊隊：寄生獸 Grey、Fallout、The Bad Batch、X-Men 97 、戰隊大失格、怪獸 8 號⋯⋯
- 「我絕不要恐懼。恐懼是會扼殺思維能力的潛伏死神，會徹底毀滅一個人。我要忍，讓它掠過我的身心。之後我睜開心靈眼睛，審視它的軌跡。恐懼如風，風過無痕，惟我依然屹立。」—— Dune
|
