睇完 Chilling Adventures of Sabina Part 2。
整體上比上一 part 好,啲線清楚又連貫;去到最後有打大佬嘅味道。
不過加入籃球部嗰度好夾硬嚟,究竟係支持 transgender 定係各打五十大板,本人唔曉分。不過呢段好在好快完鬼咗。整體女性主義重咗,但唔太礙眼。
今部有一話玩「未來」,好似上一部個夢魔情節,係最好睇嘅一話。另一個亮點係獵魔天使,唔只短咗啲,亦係無端端出現,一來做獵人嘅反而去幫班巫師,而有人死咗,無人報警,而警察又唔查,除咗令女主角變超級薩亞人之外,無咩作用。
另一個好玩嘅係,擺明向天外奪命花(The Invasion of Body Snatchers)重製版致敬。
其實去到最尾,女主角究竟有定冇⋯⋯做咗先?
有度女主角畀人睇晒,跟住都無事發生,係咪㗎~
有度如果學 ESB 咁仲好笑(不過爛 gag)
幾多串星,其中 The X-Files 做 「煙鏟」嗰位都有份。
預佢有第三 part 掛,除非揌返去 WB 個串流服務度。