主題討論 - [美劇] 有無人睇Netflix?

肉羊哩咖 · 12-30-17, 08:44 PM

BM S03E05 之流星街

初初以為係火星異種，睇落去再配合埋近來強國發生事，比S02E02嗰集更令人不安，後尾個解說拖得太長，個扭橋震撼性當堂跌咗watt

－－－－－

BM S03E06 之廿一世紀社交殺人網絡

呢話玩好多嘢：無責任社交網絡、政府監控、不受控自行增殖、智能機械、保安後門，講撈埋一齊可以有幾大鑊；爆鑊個舖排未免太慢，搞到後面草草埋齋，如果放多啲情節落去揖兇鬥法嘅會精彩好多

－－－－－

BM S04E01 之玩謝星空奇遇記

玩 ST 未夠 Galaxy Quest 咁啜核（未睇過絕對推㢘），柔合埋MMORPG，結果條玩謝橋真係好掂；最過癮係別注版入面班人物下面都係吉嘅，睇嚟條宅男真係好鬼純情。女主角個奧米加頭令本人諗起火星人襲地球套戲～

條宅男（佬？）係就係衰格唔抵幫，但個結局，個處分係咪過咗少少？佢都係受害者嚟；其他「角式」都有少少反省佢哋都有唔啱～

最後仲要婊一下MMORPG, 真係～

－－－－－

BM S04E02 之大天使之呼吸

朱廸科士打導演，講嘅科技唔係新，其他BM話數都有講過，但勝在個角度－－做人家長嘅會好有感受

呢味嘢絕對係直昇機家長嘅夢想恩物，點會禁吖～單崎史其實如果識得搵外人幫下手，開心見誠多啲溝通就唔會無彎轉，不過阿媽個性格決定命運，只能夠唉一聲

12-30-17, 08:44 PM	#275
肉羊哩咖 God of Gamer griffin611 註冊日期: May 2008 文章: 9,504	BM S03E05 之流星街初初以為係火星異種，睇落去再配合埋近來強國發生事，比S02E02嗰集更令人不安，後尾個解說拖得太長，個扭橋震撼性當堂跌咗watt －－－－－ BM S03E06 之廿一世紀社交殺人網絡呢話玩好多嘢：無責任社交網絡、政府監控、不受控自行增殖、智能機械、保安後門，講撈埋一齊可以有幾大鑊；爆鑊個舖排未免太慢，搞到後面草草埋齋，如果放多啲情節落去揖兇鬥法嘅會精彩好多－－－－－ BM S04E01 之玩謝星空奇遇記玩 ST 未夠 Galaxy Quest 咁啜核（未睇過絕對推㢘），柔合埋MMORPG，結果條玩謝橋真係好掂；最過癮係別注版入面班人物下面都係吉嘅，睇嚟條宅男真係好鬼純情。女主角個奧米加頭令本人諗起火星人襲地球套戲～條宅男（佬？）係就係衰格唔抵幫，但個結局，個處分係咪過咗少少？佢都係受害者嚟；其他「角式」都有少少反省佢哋都有唔啱～最後仲要婊一下MMORPG, 真係～－－－－－ BM S04E02 之大天使之呼吸朱廸科士打導演，講嘅科技唔係新，其他BM話數都有講過，但勝在個角度－－做人家長嘅會好有感受呢味嘢絕對係直昇機家長嘅夢想恩物，點會禁吖～單崎史其實如果識得搵外人幫下手，開心見誠多啲溝通就唔會無彎轉，不過阿媽個性格決定命運，只能夠唉一聲 __________________ 有錯麻煩指正排緊隊：寄生獸 Grey、Fallout、The Bad Batch、X-Men 97 、戰隊大失格、怪獸 8 號⋯⋯ 「我絕不要恐懼。恐懼是會扼殺思維能力的潛伏死神，會徹底毀滅一個人。我要忍，讓它掠過我的身心。之後我睜開心靈眼睛，審視它的軌跡。恐懼如風，風過無痕，惟我依然屹立。」—— Dune 此篇文章於 12-30-17 08:59 PM 被肉羊哩咖編輯。