曼聯斟法甲年輕中堅 愈斟愈貴
曼聯近期頻頻考察中堅人選，除咗睇中維拉利爾長人中堅柏奧托利斯，同時亦打算向法甲摩納哥出手，收購19歲法國中堅梅堅拿伊(Benoit Badiashile Mukinayi)，其實曼聯已經觀察咗佢好耐，現時身價係1800萬鎊，不過曼聯出手就貴啲，對方開價2500萬鎊。
法國傳媒報道，曼聯正與摩納哥談判收購梅堅拿伊，蘇斯克查睇中佢係因為佢夠年輕，希望買番嚟好好栽培，成為球隊長期主力，不過此子在歐洲已經頗具名氣，在《轉會市場》網站標價高達1800萬鎊，歐洲各大豪門紛紛向摩納哥探盤，至於曼聯想買就再貴啲，要2500萬鎊，如果今季唔買，再遲啲隨時變天價。
梅堅拿伊年僅19歲，身高達1.92米(6呎4吋)，而且尚有成長空間，被視為歐洲最佳新人之一，所以曼聯想買佢絕對唔出奇。
