[肉羊哩咖]

全裸監督/AV帝王/The Naked Director，唔好當寫實同獵奇片咁去睇，當一個有胆色有創意嘅小企業掙扎求存，仲要畀業界大佬針對趕絕嘅劇情片咁去睇，好似下町火箭，不過加咗好多愛情動作元素咁啫（仲有不倫食堂～）。

同意鐵大講最後係快咗啲，其實整體劇情都算平均，講波塞頓老闆個屋企可以刪咗，而最妙嘅係幾乎每個主要次要角式（除咗男主角之外），都好反骨，而男主角衰咗咁多鑊都無對人失去信任。（更正）查返維基，黑木香真係一部片紅咗；而去夏威夷嗰度其實，除咗講日本AV好「落後」，婊一下美國同令主角好慘之外，拍咗出嚟部片又不了了之。女主角真係嗰度「天生做呢行」嘅人，條線仲帶出啲啲「裡拳」訊息，不過講佢個人，無乜所謂。

搵到段「脇毛女王」黑木香真人電視片斷，畀各位老細參考吓：


男主角同黑社會大佬演得幾好，不過女主角扮高中生點都唔似，之後啲扮相都幾好。唔知有無真嘅 AV 女優參演嘅呢？

Amazon 點都唔會有呢啲劇，一來佢無日劇，二來你睇 The Boys 關於「愛情」部份佢都就住就住，其他（Apple/滴住嚟）更加唔洗諗。

應該會有第二部掛。（細聲）其實現實中個導演會點？