睇嚟宮野其實都係好人，至少佢係協助公安局同西比拉。換來就係成為公共局第一位人類局長（之前嗰幾個都係機械人）
霜月發現宮野會成為佢新老細表情超搞笑
一直以來，大家都認識到小朱一直都有能力將佢色相維持得好乾淨，所以佢嘅犯罪系數到而家都應該係少於100，根本連潛在犯都唔係。
但由於西比拉仍然唔放心就咁樣釋放佢，話晒公眾所知佢嘅「罪名」係「謀殺」，就咁樣放佢出嚟會令公眾非常懷疑，所以而家小朱只係「法定」執行官，被安排做霜月嘅助手。
雖然有執行官之名，但小朱應該實際上同監視官一樣冇任何自由束縛，西比拉應該會安排佢好似狡噛等外務省探員豁免於受執行槍掃描佢嘅犯罪系數，以掩飾其實佢犯罪系數太低嘅事實。
而睇實小朱唔會暴走亂嚟嘅任務就交俾同樣知道西比拉現實嘅霜月嚟做。所以佢先咁嘅表情。
於是小朱同狡噛實際上就可以再次喺街度自由來往，可喜可賀。
