有關徐緣叫停美心裝修
引用:
本身我對此人並無好感，皆人實在聽得太多沽名釣譽呃光環嘅劣績，但無可否認佢就係全港呃得最成功嘅公關，呢點你係無得唔服。
問題係今次佢用歪理幫美心洗白，卻係太過賤格。徐緣為美心嘅辯護非常簡單，就係：
1. 美心太子女只佔美心集團極少股份；
2. 美心曾經有員工公開表態支持抗爭運動；
3. 抗爭者對美心進行裝修同罷食，最終美心員工因此可能無咗份工，只係害倒好心人。
表面上聽落去好似好合理係咪？但當有網友問到點解美心餅店拒絕為蛋糕寫上「光復香港、時代革命」時，徐緣卻只係避重就輕，回一句「呢樣嘢美心的確需要回應」；更加唔需要講，美心集團除咗早前發表過一次「伍淑清於集團並無任何職位」之外，並無嘗試進行更清晰切割、又或者對伍淑清言論作出譴責，反而借你條濕尻公關出條屎橋幫佢洗白。
但呢樣只係表面果浸，實際上徐緣之所以賤格，係因為佢講嘅嘢完全係可以套用響所有勇武抗爭目標上面。試問所有激烈抗爭行為，有邊樣唔會對「無辜市民」造成影響？咁係咪為咗呢顧及呢班市民嘅生計，咩都唔好做，番屋企訓覺算數？
如果用和理非手法搞得掂，根本無人想冒被捕風險進行裝修；美心集團開到周街都係，唔係為咗場抗爭，邊個想咁麻煩搞到要罷食？徐緣以「 當日嗰一班支持大罷工嘅美心同路人，會首先成為受害者，，而我冇咁大嘅能力，逐一幫佢地配對到合適嘅工作。」為理由，叫大家唔好再搞美心，咁往後係咪所有投共大企業都唔撚搞得？
徐緣呢種口吻，響班和理非黃屍之間早已見怪不怪。當佢發現將責任歸咎於政府、令佢讓步係愈來愈困難嘅時候，就掉轉槍頭向抗爭者施壓；徐緣呢班黃屍表面上對弱小社群充滿同情，實際上其實只係用佢地做人質，迫逼抗爭者收手──抗爭者響呢場抗爭入面經已犧牲咗自己嘅前途、肉體受到各種嚴重創傷，對徐緣黎講，關我撚事。然後最討厭嘅卻係，明明徐緣呢班垃圾黃屍就係玩割席，但佢地仍然可以非常無恥咁口中掛住「核爆都唔割」嘅謊言，心安理得。
最後，等我踢爆你個仆街徐緣，你話無收美心一蚊呢啲根本係廢話，今時今日同共產黨做嘢，大撚把方法進行延後利益交換啦！例如當日你搶倒香港團結基金拍咗條劉德華撐明日大嶼宣傳片呢個Job，會唔會個Package就係包埋往後幫共產黨做公關Spin Doctor呢？即係唔撚該你唔好再掛住個黃屍公關光環扮哂客觀，好撚嘔心呀！
https://medium.com/@henryporterbabe/...5-ca4463b3fbde
|
針對大把人手無得做美心，手停口停呢點
佢美心都做左咁耐，開到咁多間，假設突然一日全部執笠，你唔做自然大把人做，又洗乜行外人去操心 d 員工有無飯開呢？
好似 popo 咁就話姐，唔做 popo 就搵唔返呢個人工
由手機版發出
