【特稿】曼聯真正命脈係安東尼馬迪爾
曼聯喺蘇斯克查接手後全面重建,保羅普巴、拉舒福特、哈利馬古尼同迪基亞被視為「紅魔鬼」脊柱,不過數據顯示,對曼聯爭勝最重要嘅球員,其實係安東尼馬迪爾,曼聯有佢同冇佢在陣,勝率差天共地!
安東尼馬迪爾上場傷愈後首做正選,即刻入波協助球隊獲勝,原來自蘇斯克查上任之後,安東尼馬迪爾曾經13次英超擔任正選,曼聯就贏咗當中10場,勝率高達77%,球隊平均每場入2.3球。相反,喺安東尼馬迪爾冇份踢正選嘅18場英超,曼聯勝率就急跌到28%(5勝),球隊場均入球亦大跌至1.1球。
事實上,安東尼馬迪爾有速度同腳法,控球能力亦都出色,今季擔正箭頭更加係佢最適合發揮嘅位置,如果可以改善埋經常受傷嘅問題,「紅魔鬼」嘅鋒力問題可能唔係球迷諗得咁差。