般費罰球秘訣:平日加操 卡雲尼教路
曼聯憑般奴費南迪斯絕殺罰球淘汰利物浦,打入英足盃第5圈,就般費呢個罰球,曼聯官網立即訪問佢本人,由佢現身說法,般費表示射罰球全靠平日加操特訓,不過今次入波,多得卡雲尼臨場提點,結果一射破網。
般費表示:「我哋每日練波之後,都會練射罰球,好多時甚至要蘇斯克查趕我離開,先至停落嚟。我會向隊友學習,桑馬達係罰球專家,我同佢會留低練射罰球,有時候其他隊友都會嚟,例如阿歷士迪尼斯、拉舒福特同埋費特洛迪古斯。」
除咗平日練習,臨場應變都好重要,般費表示:「射罰球之前,卡雲尼臨場向我提議射守門員呢邊,結果一射破網。」佢仲話曼聯隊中有幾位罰球專家,不過當時佢對自己充滿信心,並且幸運地成為勝利入球。