曼聯贏波代價大 拉舒福特受傷有手尾跟
曼聯喺英足盃擊敗利物浦，但亦付出沉重代價，今場射入1球及1次助攻嘅主將拉舒福特喺比賽中，整傷膝頭，傷勢似乎唔輕，可能會缺陣周四(28日)凌晨英超主場對錫菲聯。
今場比賽踢到86分鐘，曼聯領隊蘇斯克查用安東尼馬迪爾入替拉舒福特，賽後蘇B話：「拉舒福特膝部有傷，將會進行掃瞄檢查，睇下傷勢嚴唔嚴重，希望冇大礙啦。」
拉舒福特近5次主場對利物浦，射入4球，堪稱「紅軍殺手」，佢今季英超亦已有7球進帳，隊內僅次於般奴費南迪斯，如果呢位英格蘭國腳養傷，肯定會對曼聯爭標造成沉重打擊。
