[Busconcamp]

又一個雙紅會　曼聯紅軍爭搶法國新星



英超球隊又睇中德甲兵！據英國傳媒報道，目前聯賽「一哥」曼聯同上季英超冠軍利物浦，都睇中RB萊比錫嘅後衞烏柏美卡奴，將會掀起另一個雙紅之爭。

據《鏡報》報道，紅魔同紅軍都想將呢位22歲嘅法國後衞羅致，而曼聯希望可以加強中衞嘅位置，而紅軍主帥高普就視烏柏美卡奴係華基爾雲迪積克嘅理想拍檔。

據報道指，烏柏美卡奴同萊比錫嘅合約中有3800萬鎊嘅離隊違約金，今個賽季完就生效，對於呢位潛力新星嚟講，呢個價錢唔算太貴。