Games Animation Forum

查看單個文章
舊 05-22-19, 10:00 AM   #3
david
The One
 
註冊日期: Mar 2002
文章: 20,716
萬警齊聲X老母 不及議員鬧八婆?

引用:


近日特區政府意圖強行通過《逃犯條例》修訂鬧得滿城風雨,今個月初立法會舉行特首答問大會之日,民主黨議員胡志偉一句「你唔死都冇用呀八婆」怒轟行政長官林鄭月娥,觸動唔少婦女組織等團體嘅神經,平機會仲接獲相關投訴。平機會事後已經表明,認為言論「不恰當」、「不禮貌」同「不尊重」,不過言論並無觸犯《性別歧視條例》,唔會再作跟進。

話雖如此,林鄭受辱事關「重大」,以保護香港市民性命財產為己任、政治絕對中立、一如既往依法辦事嘅香港警察,當然要發聲力撐啦。香港警察隊員佐級協會噚晚就向林鄭月娥發公開信,話有議員作出「匪夷所思的阻礙會議正常展開的荒誕行為」,甚至有議員喺特首答問大會上「對你及女性作出人身攻擊及羞辱行為」,員佐級協會仝人「表示非常不滿」,仲話協會上下都認為應該「公開譴責」咁話。




員佐級協會?羞辱女性?呢兩樣元素加埋好似有啲熟口面。好彩八方好記性,2017年4個警察協會舉行大會撐七警,當然包括員佐級協會。當日大會聲稱有成3.3萬人出席,有人喺台上高呼「X你老母」仲獲得台下熱烈響應歡呼喝采,唔通喺竭盡所能忠誠依法不畏懼不徇私正直誠實仲好好禮貌嘅香港警察心目中,「X人老母」係用嚟尊重女性?




回帶傳送門:撐七警上台嗌「X你老母」足本睇!逾萬警和應勁墟冚




八方仲記得,當日在場嘅前保安局局長、新民黨葉劉淑儀,事後都開聲撐「警員唔係集體講粗口,只係有一位警員一時氣憤啫」。時至今日,葉太除咗同樣身為立法會議員,仲係香港公務員總工會嘅名譽會長,呢個工會噚日聯同另外兩個會發表聯署聲明,除咗開聲撐修例,亦有「嚴厲讉責」議會肢體暴力,仲點名讉責胡志偉侮辱同冒犯行政長官林鄭月娥添。




回帶傳送門:葉劉:唔係集體講粗口 只係一時氣憤啫
古有只許周官放火,今有只許慈母X你老母。


__________________
#AlitaChallenge
---
"This botch job makes Fantastic Four look good." —Peter Travers, Rolling Stone
---
NS CC:Morphus X300
david 目前離線   回覆時引用此篇文章
 

返回主題: 警察喎,叫我點信任你! (VOL. 2)