【官宣】曼聯新「卡域克」外借英冠屈福特
曼聯防守中場占士加拿宣佈外借到英冠屈福特1個球季，將會穿上16號球衣，今晚主場對錫周三嘅聯賽預料可以趕及上陣。
19歲占士加拿係曼聯青年軍球員，上季更成為曼聯U23全年最佳球員。前季2月對水晶宮首次喺英超上陣，上季被正式提升到1隊，歐霸盃同聯賽都有機會上陣，被譽為係曼聯中場明日之星。
據報另外兩支英冠球隊哈特斯菲爾德同錫周三都希望借入依位英格蘭小將。
曼聯領隊蘇斯克查亦睇好占士加拿：「佢同卡域克好相似，善於交出簡單同直接傳波，將來甚至有望追趕傳奇堅尼！我對佢好有信心。」
